Информатика әлеміне саяхат ашық сабағы

«М.Әбдіхалықов атындағы мектеп - гимназиясы»

«Жаратылыстану әлеміне саяхат» сабақтан тыс іс-шара

Тақырыбы: «Алтын қақпа»

Өткізген: Информатика пәнінің мұғалімі: Оңайбай Г.

2017 – 2018 оқу жылы

«Жаратылыстану әлеміне саяхат» сабақтан тыс іс-шара

«Алтын қақпа»

Мақсаты:

Білімділік: оқушылардың білімдерін сарапқа салу арқылы жеңімпаз топты анықтау.

Дамытушылық: оқушыларды тапқырлыққа баулып, зейінін, ой-өрісін, белсенділігін дамытып, білімге құштарлығын арттыру.

Тәрбиелік: өз білімдеріне деген сенімділіктерін нығайту, қиындықтарды жеңе білуге тәрбиелеу.

Сабақтың түрі: сайыс сабақ.

Сабақтың көрнекілігі: Дербес компьютер, интерактивті тақта.

Мұғалім: Құрметті ұстаздар, қонақтар, оқушылар! «Алтын қақпа» интеллектуалдық ойынымызға қош келдіңіздер! Бақ пен бап сыналар бұл жарысқа қатысып отырған топтарға сәт сапар тілейміз.

Әділ халқым берерсің әділ баға

Білімі мен білігін салыстырып, - дей келе ең алдымен сіздерді осы ойында әділ бағасын берер әділқазылар алқасымен таныстырып өтейін.

Жаратылыстану болашаққа бастайды

Келешекке білім қуған жастарды

Қадам басып ХХІ ғасырға

Барлық әлем жаңалығын бастайды, - дей келе бүгінгі сайысымызды бастауға рұқсат етіңіздер. 7 – 8 – сынып оқушылары ортаға шығып, сандығымыздан тобыбыздың атын таңдайық.

Сайысымыз келесі мынадай кезеңдерден тұрады:

Таныстыру

Ағаш қақпа «Сауал бізден жауап сізден»

Темір қақпа «Қисынды ойлай білейік»

Күміс қақпа «Тапқыр болсаң шешіп көр»

Алтын қақпа «Ғажайып жетілік»

І кезең – Таныстыру

Мұғалім: Үлгілі тәртіп, жақсы оқу

Алға қойған мақсаты

Әрқашанда мектепте

Шығып жүрген жақсы аты.

Жанұяда ылғи дарындар

Жүректе от, көздерінде жалын бар

«Тапқырлар» тобын халайық

Құрметпен қарсы алайық..

«Тапқырлар» тобы:

а) Ұраны: «Білекті бірді жығар, білімді мыңды жығар»

б) Сәлемдесу:

Шаршы алаңға жарысқа,

Шықты біздің тобымыз

Жеңілсек те, жеңсек те,

Ашық болсын жолымыз!

Әділ-қазыға:

Армысыңдар құрметті

Әділ-қазы алқасы

Сіздерден әділ шешімді

Күтеді бүгін баршасы

Мұғалім:

Біріміз – Күн, біріміз – Ай болайық,

Жарыстың атына тек сай болайық

Іске сәт деп көпшілік бата берсе

«Алғырлар» тобын

Қошеметтеп қарсы алайық!

«Алғырлар» тобы:

а) Ұраны: «Білгенің бір тоғыз, білмегенің тоқсан тоғыз»

б) Сәлемдесу:

Құрметпен бар ғылымды, ой – сананы

«Алғырлар» тобы сәлем беріп қарсы алады

Бүгінгі информатика жарысында

Қашанда тапқыр бол деп ой салады!

Әділ-қазыға:

Әділ қазы, ақ қазға бір сәлем,

Әділдікке бас иеді күллі әлем

Жүйрік озар жарыстарда неше бір,

Сарапқа сап әділдікпен шеше біл!

Мұғалім: Енді топ басшылары келіп, жеребе таңдасын.

ІІ кезең – Ағаш қақпа «Сауал бізден жауап сізден»

Ойын толқын жатқанда асып, тасып,

Біреу мығым, біреулер шалыс басып.

Бұл ойыннан өтеді ғұлама ойлар,

Жеңсең де, жеңілсең де қалма жасып, - дей отырып сайысымыздың ағаш қақпа «Сауал бізден жауап сізден» кезеңін бастаймыз. Әр топқа 10 сұрақ қойылады, сұрақтың дұрыс немесе бұрыстығына байланысты «ия» немесе «жоқ» деп жауап беру керек, әр дұрыс жауапқа 5 ұпай беріледі.

І топ «Тапқырлар»

Компьютердің құрылғылары негізгі және қосымша болып екіге бөлінеді (ия)

Гидра мұхиттарда тіршілік етеді (жоқ)

Микроскоптың үлкейтетін екі шынысы бар бөлімі Объектив (жоқ)

Сайттың интернеттегі адресін домен деп атайды (ия)

Плагиат – өзгенің туындысын рұқсатсыз иемденіп кету (ия)

Бүйрек үсті безінде адреналин гормон түзіледі (ия)

Файлдың кеңейтілімі – файлдың типі мен оның қай программада жасалғандығын білдіреді (ия)

Бумалар, компьютерде белгілі тәртіппен орналасады, оны иерархия деп атайды (ия)