Информатика алғырлары сыныптан тыс шарасы 6 сынып

Бекітемін______________

Оқу ісінің меңгерушісі Т.Қ.Мұқашева

Пәні: Информатика Күні: 30.01.2019 жыл Сыныбы:6а,6ә

Тақырыбы: “Информатика алғырлары” /сайыс/

Мақсаты:

Білімділік: Оқушылардың информатика пәнінен алған білімдерін сарапқа салу.

Дамытушылық: Оқушыларды тапқырлыққа баулып, зейінін, ой-өрісін, белсенділігін дамытып, білімге құштарлығын арттыру.

Тәрбиелік: Өз білімдеріне деген сенімділіктерін нығайту, қиындықтарды жеңе білуге тәрбиелеу.

Түрі: Ақыл-ой зерделі ойыны

Жоспары:

Бәйге .

Жүйрік болсаң, озып көр.

Жеті жұрттың тілін біл. /топ басшыларымен жарыс/

Көкпар. /ой-толғау/

Жанкүйерлермен ойын.

Қорытынды.

Кері байланыс. «Екі жұлдыз, бір тілек»

Сайыстың өту барысы:

Қайырлы күн, құрметті ұстаздар, сайысқа қатысушылар және жанкүйерлер!

«Цифрлы технология-заман талабы» тақырыбындағы математика, физика және информатика апталығы аясында өткелі отырған «Информатика алғырлары» атты сайысымызға қош келдіңіздер!

(Дыбыс колонкасынан Ы.Алтынсариннің «Өнер білім бар жұрттар» өлеңі оқылады.) Осы өлеңге талдау жасап, ой шақыру.

Өнер - білім бар жұрттарТастан сарай салғызды;Айшылық алыс жерлерден,Көзіңді ашып - жұмғанша,Жылдам хабар алғызды.Аты жоқ құр арбаныМың шақырым жерлерге,Күн жарымда барғызды.Адамды құстай ұшырды;Мал істейтін жұмыстыОт пен суға түсірді;Отынсыз тамақ пісірді,Сусыздан сусын ішірді.Теңізде жүзді балықтай,Дүниені кезді жалықпай,Білгендерге осыларБәрі - дағы анықтай,Білмегенде танықтай;Біз де бекер жатпалық,Осыларға таныспай;Ат өнері білінбесБәйгеге түсіп жарыспай;Желкілдеп шыққан көк шөптейЖаңа өспірім достарым,Қатарың кетті-ау алысқа-ай,Ұмтылыңыз, қалыспай.Біз надан боп өсірдікИектегі сақалды.Өнер – жігіт көркі депЕскермедік мақалды...Біз болмасақ сіз барсыз,Үміт еткен достарым,Сіздерге бердім батамды.

Оқушылар, бұл кімнің өлеңі?

Бұл өлеңнен не ұқтыңдар?

Біздің ата-бабамыз нені аңсап өткен екен?

Елбасының 2030 жолдауы – егемендіктің кілтін ұстар жастардың жарқын болашағына апарар үлкен сүрлеу. ХХІ ғасырдың білімді, ойлы ұрпақтары, осы жоспарды болашақта іске асырушы, еліміздің экономикасына үлес қосушы сендерсіңдер деп білемін. Қазақстан болашағы – білімді ұрпағында. Ендеше, сендер болашаққа бүгін де өз үлестеріңді қосып, еңбек еткелі отырсыңдар. Сол еңбектеріңді, осы уақытқа дейін информатика пәнінен алған білімдеріңді ұшқыр ойларыңмен, шешендік тілмен өрнектеп ортаға саласыңдар. Сонымен сайысқа қатысушылар, бүгінгі “Информатика алғырлары» атты сайысымызға қош келдіңіздер! Сайыста әрбір айналымнан сүрінбей, ойланып, нақты жауап берген топ қана “Информатика алғырлары” атына ие болады. Ойын 5 айналымнан тұрады.

Ал, келіңдер, келіңдер!

Біріңе-бірің еріңдер,

Біліміңді тексеріп,

Ойынға қатысып қөріңдер.

-дей отырып ортаға сайысқа қатысушы топтарды шақырайық!

1-ші топ: «Болашақ» тобы, 6а сыныбы

2-ші топ: «Жалын» тобы, 6ә сыныбы

Ендеше сайысқа қатысушы топтар өздерін таныстырып өтсе:

Топтарды таныстыру:

1- топ: «Болашақ»Ұрандары:

Болашақ тобы Алға!

Биіктерге самға

Достығымыз барда

Жүреміз тек алда

Топ басшысы: Каримова Мөлдір

Топ мүшелері:

Аманқосова Ұлжан

Меңдіғали Алтынзер

Есжанов Ерлен

Жолдыбай Айшат

Жолдас Нұрлан

Қуанышұлы Бейбарыс

2- топ: ЖалынҰрандары:

Көк бөрідей,

Жүректі қайраттымыз,

Жігерлі де, білімді,

Айбаттымыз.Топ басшысы: Аманжолқызы Айзия

Топ мүшелері:

Төлеуғали Арзақ

Борисов Ахмад

Дастанова Алина

Зирек Зарина

Жалғас Сабина

Жаңғали Аңсар

ІІ. Бәйге жарысы.

Бәйгеге түсіп жарыспай

Жүйріктің бағы жана ма?

Бұл бәйге ойдың бәйгесі

Кім жүйрік ойға, сол алда –дей отырып, Бәйге кезеңін бастаймыз.

Оқушылар берілген сұрақтарға тез жауап беруі керек, әр дұрыс жауапқа 1 ұпайдан алады. Жауап жоқ болса, «келесі» деп айтуы керек. 30 секунд уақыт беріледі

Бәйге жарысының лездік сұрақтары «Болашақ» тобына:

Компьютердің атасы (Чарлз Бэббидж)

Есептеуіш техникасының ең алғашқы дамуында санау үшін не қолданылды? (аяқ, қол

саусақтары)

Белгілі бір атпен сақталатын ақпараттар жиыны. (файл)

Windows-та өшірілген файлдар қайда жіберіледі? (себет)

Ақпараттық процестерді зерттейтін ғылым (информатика)

Компьютердің басты бөлігі, миы (процессор)

Алгоритм атауы кімнің есімімен байланысты? / араб математигі Әл-Хорезми/

Монитор мен адамның көзінің арақашықтығы неше см болуы тиіс? (60-70)

1 Мега байтта қанша Кбайт бар? (1024).

Буып-түйілген файл (архив)