Интернетсіз бір күн тақырыбындағы танымдық мақала

Интернетсіз бір күн

Бүкіл әлемде ғаламторды пайдаланбайтын адам мыңның бірі. Дүние жүзіндегі адамдардың 90%-ға жуығы белсенді түрде интернет игіліктерін іс жүзінде қолданады. Яғни интернеттің маңызы зор. Интернетсіз адам өмірін елестету өте қиын. Күн өткен сайын адамдар интернетке тәуелді болып барады. Адамзат баласы кем дегенде күніне 1 сағат ғаламторға жіпсіз байланады.

Ал енді ғаламтордың пайдасын тізбектей кетейін :

1. Интернеттен не керек бәрін табасың. Әсіресе, студенттер және мектеп оқушылары реферат, мағлұматтар, шығарма және т.б алады. Қазірдің өзінде интернет арқылы тест тапсырып, интернет арқылы сабақ алып жатқандар да бар. Сондай- ақ интернет арқылы жұмыс істеп, сол арқылы ақша табуға да болады.

2. Интернет байланыс құралы.

Ал зиянына келетін болсақ: Британдық биологтар арнайы зерттеу жүргізе келіп, мынандай қорытынды жасап отыр: «Әлеуметтік желілерде үнемі отыру ми қызметіне де кері әсер етеді, гормональдық тепе-теңдікті бұзады, иммунитетті нашарлатады, мұның бәрі адамның жүйкесі мен ой-санасына белгілі бір мөлшерде ауыртпалық түсіреді».

Өздеріңізге белгілі, жүйкеге салмақ түсуі дегеніңіз - ойлау қабілетінің төмендеуі, көңіл бөлу мен есте сақтаудың кемуі, бас ауруы мен ұйқысыздық, көңіл күйдің құлазуы. Негізінен, компьютердің алдында отырып, жұмыс істейтіндердің шағымданатын сырқат белгілері екі топқа бөлінеді:

1. Көздің көру қабілетінің нашарлауы.

2. Бастың желке тұсының (қарақұсының), мойын мен иық, жауырын, білектің ауыруы. Көру қабілетінің нәшарлауы оның бұлдырап, анық көрмеуі, өзіне түскен салмақтан күйген тәрізді ашып, қызаруы. Компьютерден шығатын электромагниттік сәуленің де адам ағзасына зиянды екендігі жөнінде көптен бері айтылып келеді.

Интернеттің осындай зиянды жақтарын біле тұра өзіңізді және жақындарыңызды қауіптен сақтандырыңыз. Бір күнгі өміріңізді интернетсіз өткізіп көріңіз. Есесіне ғаламторда өткізуге кететін уақытыңызды пайдалы істерге арнауыңызға болады.Мысалы спортпен шұғылданыңыз.Ол сіздің денсаулығыңызды нығайтып қана қоймай, күні бойы сергек жүруіңізге көмектеседі. Кітап оқыңыз, таза ауада серуендеңіз жақындарыңызбен уақыт өткізіңіз бұдан өзге өзіңіз шұғылданғыңыз келетін шығармашылық жұмыстармен айналысыңыз.

Осы айтылған нәрселерді істеп көріңіз,ол сіздің қолыңыздан келеді.Жасап көрген болсаңыз ғаламторсыз өмір сүру соншалықты қиын емес екендігіне көзіңіз жетеді. Ғаламтордан мүлдем бас тартыңыз демеймін…