Лагерьдегі бір күн қызығы туралы қазақ тілі мақаласы

Лагерьдегі бір күн қызығы

№12 орта мектеп жанындағы «Арай» жазғы сауықтыру алаңқайы 12 күнді қамтитын бірінші кезең жұмысын бастап, ұйымдастыруда. Бірінші кезеңге 170 бала қамтылды. Топтар аралас тілді: қазақ және орыс тілінде оқитын сынып балалары. Қазіргі таңда 8 топ және 18 қызметкер жұмыс жасауда.

Лагерьдегі бір күннің жұмысына тоқталып өтейін.

Лагерьдегі әр күн кезекті саптүзеу және таңғы жаттығудан басталады. Жарты бала «Бурабай» спорткешеніндегі бассейнге барады, ал қалғандарымен тәрбиеші мен тәлімгер күн тәртібінде жоспарланған ойындар мен шығармашылық жұмыстарды өткізеді. Бір күн бір күнге ұқсамайды, әр күн өз қызығымен балаларды қызықтырады.

Тәрбиешілер топтағы балалары жинап шаттық шеңберін жасаған соң, «Қазынаны тап» ойынын өткізді. Ойынның шарты бойынша балалардың қолына карта берілді, сол картадағы көрсетілген бекеттерге барады. Бекеттерде тәрбиешілер ертегі кейіпкерлерінің костюмдерін киіп, бейнесін сомдап, балалар үшін тапсырмалар мен ойындар ұйымдастырды. Әр бекеттің тапсырмасын орындап қазынаның кілтін тауып алған топ жеңімпаз атанады. Ойынның мақсаты балаларды шапшаңдық пен ұйымшылдыққа , логикалық ойлау қабілеттерін және алған білімдерін қолдана білуге баулу. Ойын соңында қазынаның кілті табылды. Ойынға қатысқан оқушыларға тегіс кәмпиттер таратылды.

Ойыннан кейін шығармашылық сағаты болды. Онда балалар әндерін тыңдап, өздеріне ұнаған әннің сөзін жаттап келуге тапсырма берілді.

Келесі іс-шара таза ауадағы ойындарға ұласты.

«Ас-адамның арқауы» демекші күш-қуатты толықтыру үшін балалар түскі ас ішті. Ас мәзірінде көкөністер салаты, ыстық тамақ, тоқаш, шырын, кәмпит пен печенье берілді. Ауқаттанып алған соң, лагерьдегі күн қорытындысын жасауға жиналды.

1-12 маусым «ҚАЗАҚСТАН БАЛАЛАРЫ-НҰРЛЫ ЖОЛМЕН!» атты республикалық акциясының аясында балалардың салауатты, бақытты, қызықты балалығын қамтамасыз ету мақсатында түрлі шаралар ұйымдастырылуда. Баланың басты еңбегі –ойын. Ойын баланың денесін де ойын да шыңдауға арналуы қажет. Балаларымызды ойната отырып барлық адамгершілік құндылықтар мен қасиеттерге тәрбиелеу басты назарда.

Абдрахманова Қайыркүл Кенжеғалиевна

Қазақ тілі мен әдебиет пәні мұғалімі