Ислам діні мен ғылым тақырыбындағы тәрбие сағаты

Тексерілді............................... Сыныбы. 7 Күні: 12 ақпан

Тәрбие сағатының тақырыбы: Ислам діні-ғылым

Мақсаты: Ислам діні және оның құндылықтары туралы түсініктерін қалыптастыру.Қоғамдағы ислам діні атын жамылған және өзге діндердің секталарының ұстанымдарының бағытына түсіп кетуден сақтануға үйрету. Оқушыларды имандылыққа, адамгершілікке үйрету.

Түрі: танымдық сабақ.

Көрнекілігі: Нақыл сөздер,кітап көрмесі, интер тақта. т,б.

Тәрбие сағатының барысы:

І. Мұғалімнің кіріспе сөзі.

ІІ. Дін-ғылымның анасы.

ІІІ.Имандылық-инабаттылық мұраты

ІҮ. Ы.Алтынсариннің кітабындағы бүгінгі тақырыпқа сай жазылған әңгімелерінен үзінді оқып, мәнін ашу.

Ү.Сұрақ беріп,жауап алам.

ҮІ. Тәрбие сағатын қорытындылау.

І.Кіріспе: Ислам діні-басқа діндерге қарағанда ең жас дін. Дін-қоғамдағы барлық салаларды реттеуші бірден-бір құрал.Дінді жақсы ұстау үшін ең алдымен оған құрмет керек, ал құрметтеу үшін иманды, әдепті, қайырымды болу адамның ең тамаша қасиеттерінің бірі. Бүгінгі дөңгелек үселіміздің мақсаты оқушыларға ұлттық сананы,халықтық қадір қасиетімізді,әдет-ғұрпымызды насихаттау және жандандыру.

Тәрбие сағатымызды бастамас бұрын оқушыларымызды екі топқа бөліп алайық.

І-топ. «Ақиқат»Ұраны: «Ақиқат бар-жерде шындық бар»

ІІ-топ. «Ождан»Ұраны: «Өлімнен ұят күшті»

ІІ. Дін-ғылымның анасы. Бұл бөлімде оқушыларға ислам діні жөнінде сұрақтар қойылып,оқушылар сол жөнінде өз қарастарын білдіріп, түсініктерін қалыптастырды.

1.Ислам діні,ислам сөзі дегенді қалай түсінесің?

/ Әр топ ислам сөзіне анықтама беру/

Ислам діні-келгенге дейінгі кезең ислам шариғатындағы «надандық дәуірі» деп аталды. Басқа діндердің ішіндегі ең кеш келген жас дін-ислам діні. Тарихи,әдеби деректерге сүйенсек ислам діні Арабиядағы Хиджаз өлкесінің ең ірі қаласы-Меккеден шықты.Ислам сөзі табыну,бойсыну,бейбітшілік деген мағынаны білдіреді.

2.Діннің заңды ережелерінің жиынтығы «Шариғат»жөнінде не білесіздер?

/ әр топ Шариғат туралы өз ойларын постер арқылы қорғау

(Намаз оқу,ораза ұстау,зекет беру,қажыға бару ) /

Исламда шариғат 4 мәселені қарастырған.Сенім,амал,тәрбие,құқықтық істер.

Намаз оқу,ораза ұстау,зекет беру,қажыға бару. Орта Азия мен Қазақстанда исламның кең таралуына бірден-бір себепкер болған орта ғасырлық ғұлама Йассауи болған.Йассауи ілімі адамның рухани жетілуімен таза адамдық –моральдық еркіндікке жетелейтін өзіндік ерекшеліктерге ие.Дін ғылымдар-анасы. Діннің зерттеу нысаны-рух,ал ғылым тәнді зерттейді.Дін-жүрекке, ал ғылым миға әсер етеді,екеуінің мақсаты бір.

3.Адамзаттың тарихы мен мәдениетінің ажырамас бөлігі дін жөніндегі пікірлеріңіз қандай?

/ оқушылар пікірін тыңдау/