Иманды болу – парызың тақырыбындағы тәрбие сағаты, 1 сынып

Иманды болу-парызың Мақсаты:оқушыларға ислам дінін, оның негізгі қағидаларын паш ететін қасиетті «Құран» кітабы,оның сүрлері мен аяттары,Мұхаммед пайғамбардың хадистері мен сүннәт қағидаларында баяндалған мұсылмандық шарттар туралы тәрбие беру. Көрнекілігі:ұлттық ою-өрнектермен безендіру,қабырғаларында дін,ұлттық салт-дәстүр туралы терең мағыналы сөздер «Діні бірге дем береді,діні басқа діңкелетеді», «Тазалық-иманның жартысы», Абай портретінің астына: Алла ішімді айтқызбай

біледі,ойла, Бендесіне қастықпен кінә қойма. Распеннен таласпа мүһмин болсаң Ойла,айттым адамдық атты жойма.

Мұқағали портретінің астына:Я Аллам! Адамдарға қас қылма, Сорлы қылма көк аспанның астында. Я Аллам! Жауыздықтан сақтай гөр, Жамандыққа, жауыздыққа бастырма.

Барысы. Оқушылар ұлттық киімдермен сап түзеп,екі жақтан бұрыш жасап тізіліп тұрады.Магнитофоннан баяу үнмен Құрманғазының күйі ойналып тұрады.

1-оқушы: Дін-ғылымның анасы, Дін-ғылымның әкесі. Ғылым-діннің баласы, Дін-ғылымның көкесі. Ғылым да бар,дін де бар, Қоқыс та бар, күл де бар.

Адам ата өлмесін, Ақырзаман келмесін. Қол қусырып Құдайға, Ғылым мен дінге бірге бар. М.Мақатаев

Жүргізуші: Дін-белгілі заңдылықтардың жүйесі,ол қоғамның әрбір мүшесі орындауға тиісті ережелерді қамтиды.Дінге бағынған адам өз қоғамының заңын жүзеге асыруға міндетті.Ислам діні-дүние жүзіне кең тараған дін.Бұл дінді тұтынатын адамды мұсылман деп атайды.Ислам дінінің негізін салушы-Мұхаммед пайғамбар.Бұл діннің қасиетті кітабы- «Құран». «Құран сөзі-Құдай сөзі» деп үйретеді мұсылман діні. 2-оқушы: «Құран»-мұсылман баласының қалай өмір сүруі керектігі жазылған заң шарттарынан тұратын кіта п,ол сонымен қатар араб әдеби тілінің жазба ескерткіші.Құранның көп сүрлерінде жетім-жесірге қиянат жасамауға,әлсіздерді жылатып,ізгі қайырымды іс істеуге үндейді.

3-оқушы: Дүниеде адам баласы тұтынатын,өзіне азық қылатын екі түрлі қазына,байлық бар.Біріншісі-материалдық байлық(тән азығының көзі),екіншісі –рухани байлық(жан азығынын көзі ). Жан азығы адамның жан қуатын артырады.

4-оқушы: Адамның рухын,жан дүниесін бліммен нұрландырып тәрбиелеуде Ислам дінінің орны айырықша.Атап айтқанда Мұхаммед пайғамбардың 197- Хадисінде: «Алла сіздің сырт келбетіңіз бен нақты ісіңізге қарайды» делінген.

Жүргізуші: Мұсылман дінінің заңдылықтары шәриғат деп аталады.Шәриғат бойынша кез-келген мұсылман адам ілімді оқып білуге міндетті.Кімде-кім оқымаса,талаптанбаса ол Алла тағаланың әмірін орындамаған болып табылады.

Күй:Дәулеткерей «Топан». 5-оқушы: Алла ақиқат,Аллаға сенім етем, Адалдық пен ақиқат серігі екен. Адаспаймын,Аллама сеніп өтем, Арамдыққа баспайтын жолы бөтен.