Іздеген табар, оқыған озар сайыс сабағы 3 сынып

«Іздеген -табар, оқыған- озар» 3 «А», «Ә», «Б», «В» сыныптар арасында 2019 жыл

Интеллектуалды ойын сабақ.

Мақсаты: 1.Оқушылардың білімін, ойын жинақтап,тереңдету.

2.Білімге деген қызығушылығын арттыру, шапшаңдыққа баулу, белсенділіктерін арттыру.

3.Бәсекеге қабілетті ұрпақ тәрбиелеу,өзгенің пікірін құрметтеу, ұйымшылдыққа баулу.

Ойынға 4 топ қатысады. Әр топтың аты ұраны болу керек.

Ойын 4 айналымнан тұрады.

І –айналым «Ұшқыр ой» Әр топқа 5 сұрақ беріледі. Тез дұрыс жауап беру керек. Қазақ –тілінен тапсырма.

ІІ –айналым «Ойлы болсаң, озып көр» әдебиеттен тапсырма.

ІІІ- айналым «Тапқыр болсаң талас жоқ» математикадан тапсырма.

ІҮ- айналым «Білгенге маржан»

Мұғалімнің кіріспе сөзі; Әрбір сабақ –үйрену ,ұғу, ұлағат.

Әрбір ісің- тірлік, тірек, адамдық

Әрбір сөзің – шындық, бірлдік , адамдық.

--Бүгін біз сіздермен «Білімді мыңды жығар» атты интеллектуалды ойынын өткіземіз. Сіздер бүгін осы уақытқа дейінгі алған білімдеріңді көрсетіп,ой жүйріктігін, оқ бойы озық оқушылар екендеріңді дәлелдейтін сәт келді. Олай болса іске сәт!

Әр топ өздерін таныстырады,топтың атын ұранын айтып таныстыру.

І-айналым «Ұшқыр ой» Әр топка сұрақ қою.1-топка сұрақ:

1.Сөздің әрі қарай бөлінбейтін мағыналы бөлігі? (түбір)

2.Жалқы есімдер қалай жазылады? (бас әріппен)

3. Сын есімнің сұрақтары? (қандай)

4.Бесінші сөзі қандай сұраққа жауап береді? (нешінші)

5. Әдемі сөзіне жуық сөзді ата? (сұлу, көрікті)

6. Апа сөзін тәуелде.

ІІ- топка сұрақ;

1 .Сұраулы сөйлемнен соң қандай тыныс белгісі қойылады? (сұрақ белгісі)

2. Сөздің мағынасын өзгертетін қосымша қалай аталады? (жұрнақ)

3. Заттың іс әрекетін білдіретін сөз? (етістік)

4 .Батыр сөзіне жуық сөзді ата? (ер, қаһарман)

5. Жалпы есімдер қалай жазылады? (кіші әріппен )

6.Әже сөзін тәуелде

ІІІ- топка сұрақ; 1,Етістіктің қандай түрлері бар? (дара, күрделі,негізгі туынды)

2 . Хабарлы сөйлемнен соң қандай тыныс белгісі қойылады? (нүкте)

3 . Дауыссыз дыбыстар нешеге бөлінеді? (3 ке қатаң ұяң үнді)

4 .Сөзбен сөзді байланыстыратын қосымша? (жалғау)

5.Зат есім деген не? (Заттың атын білдіретін сөздер)

6. Ана сөзін тәуелде

ІҮ-топқа сұрақ; 1. Аласа сөзіне қарсы мәндес сөзді тап; (биік)

2 .Сан есімнің сұрақтары? (қанша неше нешеу, нешінші)

3. Кейде дауысты кейде дауыссыз болатын дыбыстар? (У дыбысы)