Ізденіс жолы ізгілік нұры туралы мақала

ІЗДЕНІС ЖОЛЫ – ІЗГІЛІК НҰРЫ

Жас ұрпақ-ел тірегі ертеніміздің кепілі. Әрбір ұстаздың міндеті мектеп оқушыларын отан сүйгіштікке, ақыл-ойын жан-жақты дамытуға, ұмтылуға тәрбиелеу. «Қыран-түлегіне қайыспас қанат сыйлайды, ұстаз-шәкіртіне талап сыйлайды» деген халқымыздың қанатты сөзі ұстаз арқылы дарыған талаппен ұрпақтың алысқа ұшатынын меңзеген.«Еліміздің ертеңі бүгінгі жас ұрпақтың қолында, ал жас ұрпақтың тағдыры ұстаздың қолында» деп Елбасымыз айтқандай ұстаздарды өз Отанын шексіз сүйетін, еліміздің болашығына, оның гүлденуіне аянбай үлес қосатын білімді жеткеншектерді даярлау міндеттері күтіп тұр.

Мен Қазақстанымыздың болашағының негізін калайтын жастардың бірімін. Мен өз кәсібімді, өз пәнімді , барлық шәкірттерімді , мектебімді шексіз сүйетін адаммын. 2015 жылы Абай атындағы Қазақ Ұлттық Педагогикалық университетін бітіріп,Үшарал қаласындағы № 1 орта мектебіне жұмысқа қабылдандым. Мектепке жас мамандарды тарта отырып, облыс, аудан деңгейіндегі байқауға қатысып, нәтижелі жетістіктерге жетіп келеміз. Аудандық шаралардың өз дәрежесінде өтуіне ықпал етіп, бағамызды алып жүрміз.Небәрі екі жылдың ішінде Мектеп директоры Төлеужанов Мәулен Төлеубекұлы, Кунанбаева Салтанат Какимовна,Тулемисова Карлыгаш Тлектесовна,Смагулова Дана Серикхановна сияқты тәжірибелі ұзтаздардын ашық сабақтарына,коучингтеріне,тренинг, мастер кластарына катыса отырып ,өзімді дамыттым,шығармашылығымды шыңдадым.Соның нәтижесінде 2016-2017 оқу жылында Талдықорған қаласында өткен « Ең үздік Аctivstudio флипчарты» атты облыстық байқауда жүлделі I орынды жеңіп алдым.Бұл жеңісім ізденімпаздықтың,шығармашылдықтың,білімділіктің ,бала мен жұмыстын дұрыс, тиімді,сапалы ұйымдастырудың нәтижесі.Оқушы білімі оқушымен жүргізілген жұмыстың көрсеткіші ,ол менің еңбегімнің жемісі. Сабақта жаңа технологияларды тиімді пайдалану

Ұстаз атана білу, оны қадір тұту, қастерлеу, арындай таза ұстау - әр мұғалімнің борышы. Бізді дамудың жаңа кезеңі күтіп тұр. Сол кезеңге лайық ұлттық санасы жаңғырған жаңа ұрпақ тәрбиелеу міндеті мойынымызда. Барлық кедергілерді жеңу, табысқа талпыну өз қолымызда деп білемін. «Оқусыз – білім жоқ, білімсіз күнің жоқ» деген халық даналығы ешқашан мәнін жоғалтпайды.