Ізгі тәлім мен шексіз ілім беретін орта туралы мақала

Ізгі тәлім мен шексіз ілім беретін орта

Әл-Фараби атындағы Қазақ ұлттық университеті ауқымды ғылыми ізденістерімен ерекшеленеді. Университет жастарға үлкен ғылыми мүмкіндіктер ашады. Білім ошағында оқушылардың ғылыми білімін арттыру мақсатында көптеген ғылыми жобалар мен іс-шаралар ұйымдастырылуда.

Университетте арнайы мамандар мен ғылыми қызметкерлер студенттерге, магистранттар мен докторанттарға ғылыми көмек көрсетіп, жаңа жобаларға бағыт-бағдар беруге әрқашан дайын.

Университет қабырғасында түрлі салада көптеген ғылыми жобалар ұйымдастырылатыны белгілі.

Солардың ішінде Әл Фараби іліміндегі тіл философиясын зерттейтін жобаны ерекше атап өткен жөн. Ғылымның бірнеше саласын жетік меңгерген энциклопедист ғалым Әбу Насыр әл-Фарабидің тіл философиясы әлемдік зерттеулерге жол ашқан ұлы мұра. Ойшыл әл-Фараби философия мен исламның байланысын алғаш ашқан ғалымдардың бірі болып саналады. Сондықтан ислам философиясын түсіндіру немесе түсіну үшін әл-Фарабидің философиялық сөздіктерін түсіндіру міндетті болып табылады. Бұлай деуіміздің себебі, әл-Фараби көптеген философиялық терминдерді араб тіліне аударып, арабша философиялық сөздік жасаған.

Әл-Фараби мұрасын зерттеп, ғылыми тұрғыдан тануда әл-Фараби университетінің алатын орны өте зор екені белгілі. Әл Фараби атындағы Қазақ ұлттық университетінің мамандары ойшылдың араб тілінде жазылған төл туындыларын ана тілімізге аударды.

Бұл оқу орнының әр салада үлкен істер атқаратын, шексіз мүмкіндіктерге жол ашатын мамандардың қалыптасуына ықпалы зор. Университет студенттеріне берілген мүмкіндіктерді пайдаланып үйренуге көмектесетін жоғары тәжірибелі мамандар университет студенттерімен үнемі байланыста. Әрдайым ғылыми мүмкіндіктерден ақпараттар беріп, қажетті бағыттарға сілтеме жасап отырады. Менің жетекшім Мира Рашидқызының бастамасымен көптеген конференцияларға қатысып, бірнеше мақала жарияладым. Мақалалар ғана емес, магистрлік диссертация жайлы көптеген пайдалы мәліметтер алдым.

Қорыта келе, Әл-Фараби атындағы қазақ ұлттық университетінің студент үшін берері көп.

www.kaznu.kz