Кел, дос болайық тренингі, 1-сынып оқушыларына

Баимбетова Мира Қуатжанқызы

Ақтөбе облысы, Ойыл ауданы,

Саға мектеп-балабақшасының педагог-психологы

«Кел, дос болайық»

тренинг

Мақсаты: Балаларды бір-біріне қуаныш сыйлай білуге үйрету, жағымды

көңіл-күй туғызу, топ арасындағы сынып оқушыларының

жақын танысуы үшін жағдай жасау

Көрнекілігі: кеспе қағаздар, түрлі бояулар, қалам, доп

Қатысушылар: 1-сынып оқушылары

Барысы:

Сәлеметсіздер ме, балалар! Мен сендерді көргеніме қуаныштымын, ризамын. Қане бәріміз шаттық шеңберіне жиналайық. Шеңберге тұрып бір-бірімізге қолдарымызды созып, шын жүректен мынадай сөздермен амандасып көрейік.

1.Шаттық шеңбері

Ән салуға барамыз (шеңбер бойымен жүреді)

Досымызды табамыз (тоқтайды)

Сәлемет пе, Міне, мен! (қолдарын екі жаққа сермейді)

Доспын енді сенімен (көршілерімен қол алысады)

2.Санамақтар

Тауық, жөнін тауып,

Он жұмыртқа басты

Өздерінше мықты,

Төрт балапан шықты

Қанша қалғанын,

Есептей алмай отырмын

Он екі үйрек көріп ем,

Үшеуі ұшып кетті

Төртеуі суға түсіп кетті,

Айтпауға сөз қалмады

Қаншасы орнынан қозғалмады

Үш алманы бақтағы,

Кірпі алып жинады

Ең әдемі біреуін,

Ақ тиінге сыйлады

Ыдыстағы алманың,

Санап көрші қалғанын

3.Сергіту сәті

Оқушылар бір-біріне доп беру арқылы сұрақтарға жауап береді.

Сүйікті жемісің?

Ұнататын түсің?

Жақсы көретін адамың?

Сүйікті пәнің?

Сүйікті тағамың?

Сүйікті жыл мезгілің?

Қазір қай ай?

Фамилияң қалай аталады?

Дәптер неше беттен тұрады?

Оқу құралдарының бірін ата?

Қорытынды:

Әрқашанда бір-бірімізді жылы сөздермен, жылы жүрегімізбен, әдемі күлкімізбен қуанта берейік. Сабақ аяқталды, сау болыңыздар!