Кел танысайық сырласу кеші қазақ тілі мұғалімдеріне

Тақырыбы: «Кел танысайық» сырласу кеші

Мақсаты: Бітіруші топтар мен 1-курс студенттері арасындағы шынайы достық қарым-қатынасты қалыптастыру, оқу орнына деген ризашылық сезімін, ұстаздар қауымына деген ізгі ілтипатын дәріптеу.Ана тілін қадірлеуге, тәуелсіздіктің бағасын білуге тәрбиелеу.

1 – студент:

Армысыздар, ұстаздарым - әз жандар,

Толастамай білім нәрін қазғандар.

Адамдықтың алтын әрпін ардақтап,

Шәкіртінің жүрегіне жазғандар.

2 – студент:

Бүгін біздер дария боп тасайық,

Шын көңілдің сыр сандығын ашайық.

Тіліміздің көтеріп бір мерейін,

Ән мен жырдан ғажап шашу шашайық.

3– студент:

Қадірлі ұстаздар! Құрметті студенттер! «Тілім менің- тәуелсіздік жаршысы» атты тіл апталығы аясында өткізгелі отырған сырласу кешімізге қош келдіңіздер!

1-диалог:

-Сәлеметсіз бе,Еркеназ!

-Сәлеметсіз бе,Айман!

-Сіз қай топта оқисыз?

-Мен МБ-11-1 тобында оқимын. Биыл «Мектепке дейінгі тәрбие және

оқыту » мамандығының 1-курсына қабылдандым. –Ал сіз ше?

-Мен де сол мамандық бойынша білім алып жүрмін. Биыл диплом алып шығатын МБ-84 тобының үлгілі студенттерінің бірімін.

-Айман, онда сіз көп мәлімет біледі екенсіз ғой . Мен колледждің бүгінгі беделі жөнінде білгім келеді ?

-Дұрыс,Еркеназ, өз ортаң туралы біле жүру-мәдениеттілік белгісі.

Елбасы Нұрсұлтан Әбішұлы Назарбаев елімізде жас ұрпақтың әлемдік стандартқа сай білім алуы үшін қажетті жағдайлардың жасалғанын айта келе, «Бұл мемлекеттік даму саясатының басым бағыттарының бірі», – деп көрсеткен болатын. Өйткені адамзат баласы үшін білім мен ілімнің алар орны өлшеусіз. Ал сол білімді ұрпақ бойына сіңіру – оқыту жүйесі екені мәлім. Елбасының сөзімен айтсақ: «Оқу жастарға тек білім беріп қана қоймай, сонымен бірге оларды әлеуметтік бейімделу үдерісіне пайдалана білуге де үйретуі тиіс». Осы аталған қағиданы берік ұстанған Бейнеу гуманитарлық – экономикалық колледжінің білім алушыларды қабылдағанына биылғы жылы 10 жыл толып отыр. Он жыл аз да, көп те уақыт емес.Осы жылдар ішінде колледжден білім алған мыңнан астам білікті маман бұл күнде елімізді өркендету жолында қызмет етіп, қоғам дамуына өз үлесін қосып келеді. Алтын ұямыз қазір облыстағы мемлекеттік стандартқа сай кәсіптік білім беретін іргелі оқу орнына айналды.

Рахмет, Айман! Ал бүгінгі тіл апталығы жайында не айтасыз?

Ия, Еркеназ, Тіл апталығын ұйымдастыру бізде дәстүрге айналған. Биылғы апталық атауы тәуелсіздіктің 25 жылдығымен байланыстырылған.

Осыған орай М.Жұмабаевтың« Қазақ тілі» өлеңін оқып берейін.

Рахмет! Өнерің өрге жүзсін.

2 – диалог:

Сәлеметсіз бе, Гүлдана!

Сәлеметсіз бе, Райхан!

Тобыңызда қанша студент бар?

Менің тобымда 26 студент оқиды. Ал сенің тобыңда ше?

Біздің тобымызда 26 студент бар. 25 – і бюджет есебінен, ал біреуі ақылы негізде оқиды. Айтпақшы, Гүлдана, мен өзім оқитын Бейнеу гуманитарлық – экономикалық колледжінің қашан, қалай ашылғаны жөнінде білгім келеді .Бұл туралы не айтар едіңіз?

Райхан, «Бейнеу гуманитарлық – экономикалық колледжі» мемлекеттік коммуналдық қазыналық кәсіпорны өңірді гуманитарлық және экономикалық мамандармен қамтамасыз ету мақсатында Бейнеу ауданы әкімі Басшы Айжанақұлы Әзірхановтың бастамасымен Маңғыстау облысы әкімиятының 2005 жылғы 29 қарашадағы №344 шешімімен құрылған болатын. Бұл аудан, облыс тарихы үшін ерекше орны бар маңызды шешім еді.Маңғыстау облысындағы селолық жерде ұйымдастырылған тұңғыш колледждің аудан тұғындары үшін маңызы зор болды.

Рахмет, Гүлдана, апталыққа қандай тартуыңыз бар?

Мен – Болашақ тәрбиешімін. Басқалар сияқты таңдаған мамандығымды мақтан тұтамын. Тәуелсіз ел атанып, төбемізге ту тігіп, тіліміздің мәртебесі артып, әлемге атымызды танытып жатқан кезеңде ұлттың, елдің болашағы – жас ұрпақ тәрбиесіне мықты көңіл бөлінуі қажет. Таныстығымыздың құрметіне «Қуыршақ» өлеңін оқып берейін.

3 – диалог:

Қайырлы күн, Шолпан !

Сәлем, Әйгерім!

Тобыңның жетекшісі кім? Жетекшің туралы не білесің?

Біздің жетекшіміз – Кулекенова Амангүл. Ол өзін – өзі тану, педагогика пәнінің оқытушысы. Өткен оқу жылында Астана қаласындағы Назарбаев зияткерлік мектебінде кембридж әдісі бойынша бітіруші түлектерге қосымша білім беру бағдарламасы сертификатына ие болған.

Шолпан, колледждің директоры кім?

Директорымыз – Жаманбав Қаныбек Әбдібекұлы. Білім беру саласында біраз жылдардан бері еңбек етіп келеді. Осыған дейін Бейнеудегі мектептердің кейбірінде басшылық қызмет атқарған.

Айтпақшы, Әйгерім, колледждің алғашқы директоры туралы білсем деп едім.

Ия,аудандағы алғаш колледж атағын алған оқу орнының алдында шешімі табылуы тиіс қаншама жұмыстар тұрды. Ол жұмыстарды ұйымдастырудың өзіндік қиындықтары да болғаны анық. Содан бері Маңғыстау облысындағы селолық жердегі дербес алғашқы ашылған колледжді ұйымдастыру, колледж қызметін бір жүйеге келтіріп, бір арнаға түсіру міндетін 30 жылдан астам ұлағатты ұстаздық қызмет атқарған, ұйымдастырушылық қабілеті мол, кәсіби құзыретті тұлға - Сұлтан ағайымыз абыроймен атқарып келді. Ал қазір бөлімнің…