Кел, жаңа жыл ортаға мерекелік тәрбие сағаты

Кел,Жаңа жыл ортаға!

Клоундар биі

1-жүргізуші: (Сезім) Армысыздар,ардақты ағайын,ұлағатты ұстаздар,қадірменеді ата-аналар!

Бүгін сізге жырдан алқа тағайын,

Шат күлкіге толы болсын маңайың.

Көргендер де,көрмеген де арманда,

Жаңа жылың құтты болсын,ағайын!

2-жүргізуші: (Батыржан)

Барлық жандар бір арнаға қосқан үн,

Бақытты боп бастады жыл дастанын.

Қуанышпен келген екен Жаңа жыл,

Құтты болсын жаңа бақыт,достарым.

3-жүргізуші: (Жанель) Құрметті қонақтар, ұстаздар мен оқушылар! Келе жатқан Тышқан жылы мерекесімен барлықтарыңызды шын жүректен құттықтаймыз. Жаңа жыл тек қана бақыт, қуаныш әкелсін дей отырып, бүгінгі көңілді кешімізді ашу үшін мектеп директоры Шоқан Абзал Амандықұлын ортаға шақырамыз!

4-жүргізуші: (Наурызбай)

Білінбейді жас жүрекке түнгі ызғар,

Сыйлар шабыт ақындарға гүл қыздар.

Әнші ұлың ән салғанда беу шіркін,

Жымыңдайды аспандағы жұлдыздар!

Ендеше сынып әншісі Әлібек Гүлнұр бұл кешке мерекелік әнін ала келіпті. Қошеметпен қабыл алыңыздар!

1-жүргізуші:Жаңа жыл мерекесін әлемнің түкпір-түкпірінен көптеген елдер өз дәстүрімен,өз салттарымен тойлайды екен. Мысалы, Гвинеяда көшеге піл жетектеп шығып,жұрт осы пілдерді айнала би билеп, ән салса,Куба елінде сағат 12-ні соққан кезде, әркім 12 түйір жүзім жейді екен.

2-жүргізуші: Ал Қытайда Жаңа жыл мерекесі көшеде барабандар, темір тәрелкелер соғылып, фейерверктер атылып, жаңа жыл салтанатын билеген айдаһарлар шеруі бастайды екен. Дастарқанға туралған нарцис гүлін қою дәстүрге айналған. Жаңа жыл мерекесі он бес күнге созылады. Бұл қаңтардың аяғы мен ақпан айының басына келеді.

3-жүргізуші: Ұлыбритания алғаш ашық хаттарды шығарған ел болып есептеледі. Сондықтан да Жаңа жылда осы елдің әр жанұясы таныстарын ашық хат арқылы құттықтағанды ұнатады. Францияда адамдар Жаңа жыл кешінде жомарт болуға құмар келеді екен. Бұл күні мейрамханалар адамдарды тегін тамақтандырып қана қоймай кетерінде сыйлықтар береді екен.

4-жүргізуші: Үндістанда Жаңа жыл - Дивали жарық пен оттар мерекесі деп аталады екен. Айтса айтқандай осы күні қалалар мен ауылдардың барлығы оттың ішінде тұрғандай жарқырап кететін көрінеді. Жарығы сөніп тұран бірден-бір терезені көре алмайды екенсің. Әйел адамдар көшеге шығып жерге түрлі оюлы суреттер салып, оларға ұн, топырақ сеуіп, шырақтар жағып көркемдейтін көрінеді.

1-жүргізуші: Талантына таңдай қағып,тамсанайық,

Жақсылықтың жаршысы боп жар салайық!

Рок’ н роллды билейтін өрендерді

Ағайын,риза болып қарсы алайық!

2-жүргізуші: Қырандай заңғар көкте самғау керек,

Пародияны халыққа жолдау керек.

Бұл өнерде көшірме жасағанмен

Өміріңде көшірме болмау керек. – деп айтқандай, 11-сынып қыздарының сіздерге арнаған пародиясын тамашалап жіберейік!

3-жүргізуші: Жаңа жыл мерекесі әсем әуенсіз бола ма?! Мерекелік көңіл-күйге де әсер ететіні осы емес пе?! Қадірменді көрерменнің көңілінен көрнекі әнімен шығатын____________________________________________ әнімен қарсы алайық!

4-жүргізуші: Абызым,аппақ сақалы,

Беретін баптап батаны,

Дүние жүзін шарлайтын

Ұзақ қой оның сапары.

Аяз атамен толықсын

Думанды топтың қатары

Шақырайық сондықтан

Дауыстап Аяз атаны

1-жүргізуші: Дұрыс айттың! Олай болса бәріміз бір дауыспен Аяз атаны шақырайық!

Аяз ата! Аяз ата! Аяз ата!

Аяз ата: Армысыңдар,балалар!

Ақша қар: Бармысыңдар,балалар!

Аяз ата: Э-ге –гей. Жаңа жыл құтты болсын! Міне менде жеттім! Сәлеметсіңдер ме менің достарым! Таңертеңнен ерте тұрып жолға шықтым. Менің жолшыбай «істейтін мерекелік жұмыстарым» көп қой. Айды жарқыратып сүртіп қойдым. Жұлдыздарды жарқыратып қайрағыммен қайрап қойдым. Орман – тоғай өзендерді мұзбен, қармен жауып қоймасын деп ағаштарға, үйлерге шыршаларға күмістен моншақтар іліп қойдым. Қоңыраулар сылдырлайды. Ал балалардың жүздері жайнап күлкілері сыңғырлайды.

Ақшақар: Амансыздар ма, балалар, ұстаздар, ата - аналар. Өздеріңді сағынып келдік, жаңа жылдарыңыз құтты болсын. Өтіп кеткен Доңыз жылымызға аман есен саулық тілеп, келер жылымыз Тышқан жылына табыс жыл, береке, бірлік әкелсін деп, тарих жыл болсын деп тілеймін.Аяз ата, қарашы, балалардың киімі қандай әдемі. Шырша да әсем безендірілген екен. Бәрі де сұлуланып кетіпті.

Аяз ата: Дұрыс айтасың,Ақшақар. Олай болса,

Шырша шамын жағайық,

Жаңа жыл тойын ашайық.

Барлығымыз «Шырша жан»

«Шамдарыңды жарқырат» деп айтайық.

(Барлығы айқайлайды, шырша шамдары жағылады.)

2-жүргізуші: -Құрметті халайық, Құрметті Аяз ата, Ақша қар! Бүгінгі Жаңа жылдық мерекемізбен құттықтап, мектебіміздің оқушылары,өнердің өрінде жүрген не бір саңлақтар сіздерге арнап өз өнерлерін көрсетпек. Соларды тамашалап,бір сергіп,көңілдеріңіз көтеріліп қалсын!

3-жүргізуші: Мерекенің сәні кіріп,ғажабы