Келді міне жаңа жыл мектепке дейінгі мерекелік материал

Жамбыл облысы Тараз қаласы№13 бөбекжай-бақша тәрбиешісіИнкарбаева Панза Рахымжақызы.

«Келді міне, Жаңа жыл!»

Музыка әуенімен балалар кіреді, жарты шеңбер болып, шыршаның қасына барып тұрады.

Жүргізуші:- Сәлеметсіздер ме, құрметті ата-аналар мен қонақтар! Сіздерді келе жатқан Жаңа жыл мерекесімен шын жүректен құттықтай отырып «Балапан » I-кіші топтың «Келді міне, Жаңа жыл!» атты мерекелік ертеңгілігіне қош келдіңіздер!

Келді тағы Жаңа жыл, Қуантумен біздерді Құтты болсын мереке, Құттықтаймыз сіздерді.

Жүргізуші:- Балалар, қараңдаршы, біздің бөлмеміз әдемі безендірілген, біз бүгін Жаңа- жыл мерекесін тойлаймыз. Бізге көптеген қонақтар келіпті, шыршаға әдемі ойыншықтар ілініпті.

Жүргізуші:- Балақайлар, қараңдаршы шыршамызда қаншама ойыншықтар, тәтті кәмпиттер ілінген. Осы әсем шыршамызға әдемі әнімізді тарту етеміз. Ән: « Жаңа жыл » (орындыққа отырғызу)

Арғы жақтан есік қағылады.

Жүргізуші:- Балалар мерекемізге біреулер қонаққа келе жатырған сияқты.

Аяз ата мен Ақшақар кіріп келеді.

Аяз- Ата: Амансыңдар ма, балалар?

Сәлеметсіңдер ме, қонақтар?

Балаларым, балғыным

Өмір гүлім шалғыным.

Тілегенім жыл бойы,

Сендердің денсаулығың!

Ақшақар:- Балалар, мені таныдыңдар ма? Мен Аяз атаның немересі Ақшақармын!

Аяз-ата- Ой, балалар шыршаларың қандай әдемі, керемет!

Ақшақар:- Балалар қараңдарша айналамызда қаншама ұлпақарлар шашылып жатыр. Қанекей бәріміз қарларды жинап, шыршаның айналасын безендірейік!

Ойын: «Ұлпақарлар жинау»

Балалар қарларды жинайды, шыршаның түбіне қояды.

Ақшақар:- Ой, қандай керемет шырша!!! Қаншама жалтыраған ойыншықтары көп. Бірақ шамдары жанбай тұрғой.? Келіңдер балақайлар бірге шамдарын жағайық.

Ойын: «Шыршаның шамдарын жағу»

Ақшақар балалармен қол соққанда шырша шамы жанады. Ал, үрлеген кезде шырша шамы сөнеді. Ойынды үш рет қайталау.

Жүргізуші:- Ақшақар қарашы мына жерде сенің сіңілдерің көп. Сенімен би-билегісі келіп тұр.

Ақшақар:- Келіңдер менің сұлу қыздарым бірге би-билейік.

Би: «Ұлпақарлар»

Осы кезде есік тарсылдайды. Қоян кіріп келеді.

Ақшақар:- Ой, менің досым қоян келді!

Қоян:- Сәлеметсіңдерме, балақайлар! Сәлеметсіздерме қонақтар!Жаңа жыл мерекелеріңіз құтты болсын!

Ақшақар: - Сәлеметсің бе, қоян!

Қоян:- Ия, балалар жаңа мен осы жерден бір әдемі әуеннің даусын естідімде, осы жерге балалардың көңілін көтерейін деп әдейі келдім. Ой, менің достарым көп екен мына жерде. Келіңдер достарым би-билеп, секіріп ойнайық.

Би: «Қояндар»

Жүргізуші:- Аяз ата, Ақшақар біздің балалар сіздерге арнап тақпақтарын айтып береді.

Қоян: - Қандай жақсы мерекеде, көңілді балалар. Енді мен орманыма қайтайын.