Келді, міне, Жаңа жыл мерекелік ертеңгілігінің сценарийі

Тақырыбы: «Келді, міне Жаңа жыл!»

Жүргізуші: Құрметті жаңа жыл қонақтары, балалар!

Бүгінгі жаңа жыл мерекелік ертеңгілігі құтты болсын! Жаңа жыл басымыз ит жылы деп жатырмыз. Ит жылында бақыт, денсаулық, ауызбіршілік, еліміз тыныш, аман болып, мерекелі де, берекелі жыл болсын дегім келеді. Сондай-ақ бұл мерекеге дайындық «Ә» сынып балаларын ортаға шақырғым келіп тұр. Бүгінгі жаңа жыл мерекесіне балаларымыздың дайындап келген ертеңгілік бағдарламасын тамашалаңыздар.

Жаңа жыл баршаңызға құтты болсын!

Жаңа жыл қуанышқа толы болсын!

Жаңа жыл елімізде тыныш болсын!

Балаларымыздың жетістігі мол болсын!

Тақпақтар:

Асель: Жапырақтары жайылған

Асыл моншақ тағылған

Міне сұлу шыршамыз

Көптен күтіп сағынған.

Д. Айнура: Тамаша, тамаша,

Шыршамыз тұр жараса.

Басында әсем жұлдызы,

Көз тоймайды қараса.

Лейла: Дала нұр, қала нұр,

Құтты болсын Жаңа жыл!

Кел, Жаңа жыл, біздерге,

Кел, Жаңа жыл, Жаңа жыл!

Еламан: Жаңа жылмен, жаңа жылмен

Құттықтаймыз әрине

Әкемізді, анамызды

Қонақтардың бәрін де.

Ақерке: Келді, міне Жаңа жыл

Қуантумен біздерді

Құтты болсын Жаңа жыл!

Құттықтаймыз сіздерді.

Арай: Келді жылым бақытым,

Кемелденді уақытым

Сәлем саған Жаңа жыл

Жаңа бақыт, жаңа жыр!

Бахытбек: Тауда туып, тауда өскен,

Шырша келді ортаға.

Қандай жақсы шыршамыз

Ән шырқайық баршамыз.

Мұғалім: Балалар енді бізге кім келмей жатыр.

Балалар: Аяз ата мен Ақшақар

Мұғалім: Қәне онда барлығымыз Аяқ ата мен Ақшақарды ортаға шақырайықшы.

Балалар: Аяз ата, Ақшақар! Аяз ата, Ақшақар! Аяз ата, Ақшақар!

Аяз ата: Амансыңдар ма балалар! Мені көп күттіңдер ме?

Ақшақар: Амансыңдар ма балалар! Біздер де алыс - алыс жолдардан жүріп келдік, аталарың шаршады.

Мұғалім: Сәлеметсіз бе, Аяз ата, Ақшақар!

Міне, сіздерді көптен күтіп отырған едік, әйтеуір келдіңіз. Шаршап келген боларсыз, отырып демалыңыз.

Келіп жеткен жаңа ит жылыңыз құтты болсын! Енді балаларымыздың жаттап келген тақпақтарын, әндерін, билерін тыңдай отырыңыз.

Алдымен бәріміз шыршаны айнала «Шырша жыры» әнін орындайық

Аяз ата: Ой! Бәрекелді, жарайсыңдар, балалар! Аталарыңды бір қуантып тастадыңдар. Жақсы ән айтады екенсіңдер.