Келісім түбі жарастық: 2-сыныпқа арналған сабақ жоспары

Өзін-өзі тану сабағының жоспары

Мектеп: Бозағыр орта мектебіМерзімі: №14

Тақырыбы:Келісім түбі – жарастық

Құндылығы: ішкі тыныштық

Қасиеттер:Сыпайы, ашуланбайды, көңіл аудару

Мұғалім :Амангелді Айман Сынып: 2 сыныпОқушы саны: 20

Сабақтың мақсаты:Оқушыларды өзара келісімге, сыйластақ пен сыпайылыққа тәрбиелей, ішкі тыныштық құндылығының мәнін ашу.

Білімділік:сыпайылық туралы түсіндіру

Дамытушылық:достыққа бейімділік сапаларын дамыту

Тәрбиелік: Оқушыларды ашуланбауға тәрбиелеу.

Ресурстар:

(құралдар, мәлметтер)

Өзін-өзі тану кітап, дәптер

Плакат, түсті қарындаштар

Сабақ барысы:

Ұйымдартыру: Тыныштық сәті

«Орманға ойша саяхат» музыка арқылы мәтінді оқу.

Үй тапсырмасын сұрау.

Топтарға әр түрлі тапсырма беру. Тапсырма

Суреттер бойынша әңгіме құрастыру.

Сабақ барысын талқылау

Оқушылар арасында ынтымақтық атосферасын қалыптастыру.

Дәйек сөз.

«Келісіп пішкен тон келте болмас»

(Мақал)

Келісіп пішу дегеніміз не?

Мақалды топпен қайталап айтып шығу.

1.Әңгімелеу.(сұхбат)

Піл мен Маймыл

Бір орманда Піл мен Маймыл кездесіпті. Содан екеуі кезек-кезек мақтаныпты.

– Дүниеде менен күшті ешкім жоқ! Мен ашулансам, қандай ағаш болса да тамырымен жұлып аламын! – дейді Піл мақтанып.

– Ағаштан-ағашқа мен сияқты ешкім секіре алмайды. Мен ептімін! – дейді Маймыл тез-тез сөйлеп.

Піл мен Маймыл осылай мақтана береді, мақтана береді. Ең соңында Үкіден сұрамақ болады. Үкі бір ағаштың бұтағында ұйықтап отыр екен.

– Уа, данышпан, Үкі! – дейді Маймыл бұтақтан бір қолымен ұстап тербетіліп тұрып.

– У-у-х! Өй! – деп Үкі шошып кетеді. – Не болып қалды? Айта беріңдер!

– Піл: «Дүниедегі ең күшті менмін», – деп мақтанады. Ал мен оған: «Дүниеде менен асқан епті жоқ» деймін. Төрелігін өзің айтып бер.

– Бір сөзбен айтқанда, – дейді Піл сөзге араласып. – Күшті болған жақсы ма, жоқ епті болған жақсы ма?

Үкі ұзақ үнсіз отырады. Содан үп-үлкен көзін бір ашып қалады да, қайта жұмады.

– Мына өзеннің арғы жағында бір зәулім алма ағашы бар. Жалғыз ғана ағаш. Соның ең болмағанда бір алмасын жесем, сонда ғана төрелік айта аламын, –дейді Үкі.

Піл мен Маймыл жүгіріп отырып өзенге келеді. Өзеннің ағысы қатты болатын. Содан Маймыл:

– Өзеннен қалай өтеміз? – деп уайымдайды.

– Уайымдама! Кел арқама мін. Өзеннен сені мен алып өтемін. Мен күштімін ғой! – деп Піл Тұмсығын көкке көтеріп, мақтана қышқырып алады.

Маймыл лып етіп Пілге мініп алады. Екеуі өзеннен өтеді.