Сабыр түбі сары алтын тақырыбындағы сабақ жоспары

Тақырыбы: Сабыр түбі-сары алтын 4сынып

Құндылықтар:ақиқат

Қасиеттер: сабырлық,ұстанымдылық,жағымды қарым-қатынас

Сабақтың мақсаты: «Оқушылардың «сабырлық», «ұстанымдылық» құндылық ретіндегі маңыздылығын ашу

Міндеттері: Сабақтың мақсаты: «Оқушылардың «сабырлық», «ұстанымдылық» құндылық ретіндегі маңыздылығын

Сабырлы,ұстамды болудың маңыздылығын ашу

Жағымды қарым-қатынас жасау іскерліктерін дамыту

Ізеттілікке тәрбиелеу

Ресурстар: \құралдар,

мәліметтер\

Сабақ барысы:

1.Ұйымдастыру кезеңі. Тыныштық сәті: (Музыка)- Балалар, сендер бақ ішін аралап жүргендеріңді көз алдарына елестетіңдерші. Төңірекке сүйсіне қараңдаршы.Өте тамаша!Бұл не ғажап!Бақ мүлде өзгерген. Жаздағы жап - жасыл түс сары алтын түске боялған. Аяқ астына қараңдаршы, жерге сап - сары кілем төселген сияқты. Жер жүруге ыңғайлы, жұп - жұмсақ. Анда - санда ағараңдап жеміс ағаштары көрініп қалады. Олардың сары жапырақтары сусылдап жерге түсіп жатыр, бұтақтарының арасынан көгілдір аспан көрініп тұр. Осы тамаша сиқырлы баққа келген адамдар мейірімді, қамқоршыл болып келеді. Өйткені бұл - сиқырлы бақша. Мұнда данышпан қария өмір сүріп келеді. Ол қария сендер сияқты жақсы, ізетті балаларды жақсы көреді. Егер оның жанына барып:«Ассалаумағалейкум ата!» деп сәлем берсеңдер, ол өзінің жылы алақанымен сендердің бастарынан сипап, батасын береді. Ал енді қарияның батасын алып, өз сыныбымызға қайта оралайық!Енді сендер, одан бетер мейірімді, инабатты, ізетті, тәртіпті бала боласыңдар. Енді көздеріңді ашып, қолдарыңды жоғары содан кейін екі жаққа созыңдар, терең дем алыңдар, міне тамаша!- Балалар тыныштық сәтінде сендердің көз алдарына не елестеді?- Сендер қандай жерде бодында деп ойлайсыңдар?

2.Үй тапсырмасын тексеру.

Балалардың жауаптары тыңдалып, түйінделеді

үнтаспа

3. Дәйексөз. 4 сынып:«Асығыс түбі-өкініш,ойланып алмақ-сабыр бол» Абай

-Сабырсыздық адамды орынсыз ашуландырады.Ал орынсыз ашу асығыстыққа жол береді.Асығып қабылдаған шешім,сөздер барлық уақытта оң бола бермейді.Ондай жағдайда ақылға салып,ашуға берілмей,ойланып алу сабырлықты білдіреді.

4. Әңгімелеу:

Алпыстан асқаннан ақыл сұра/аңыз-әңгіме/

– Ерте, ерте, ертеде бір қатал патша болыпты. Олардан келетін ешқандай пайда жоқ деп, қарттарды

ұнатпапты және «Кім де кімнің жасы алпыстан асса, оны балалары теңізге не таудың шатқалына апарып

тастасын» деген жарлық шығарады.

Сол патшалықта өмір сүрген бір мейірімді бала әкесін өте жақсы көреді екен. Жасы алпыстан асып, жетпіске

жетсе де, әкесін ешкімге көрсетпей жасырын ұстап, асырай береді. Күнде кешке даладан келгенде

не болып жатқанын әкесіне айтып отырады екен. Бір күні қарт даладан күңіренген дауысты естіп, баласы

келгенде оның мәнісін сұрайды.

– Балам, жұрт неге күңіреніп кетті?

– Әке, патша аң аулап жүріп, теңіздің жағасына барғанда, оның түбінен жарқыраған бір гауһар тасты көреді де,

соны алып бер деп, уәзірлеріне бұйырады. Теңізге сүңгіп тасты таба алмағандарының басын ала береді.

Тіпті, ел ішіндегі талай жігітті жұмсап, олардың бәрі суға кетіп өлді. Сондықтан патшаның қатігездігін естіген

ел күңіреніп кетті, – дейді баласы.

– Балам, теңіз жағасында үлкен ағаш жоқ па екен? – деп қайталап сұрайды қарт.

– Иә, патша гауһар тасты көретін тұста теңізге төне өсіп тұрған үлкен бір бәйтерек бар, – дейді баласы.

–Теректің басында құстың ұясы жоқ па екен? – деп қарт тағы да сұрайды.

– Иә, бір қыран құстың ұясын көргенмін, – дейді бала.

– Балам, тыңда, – дейді қарт сеніммен. – Асыл тас теңіздің түбінде емес, ұяның ішінде жатыр. Теңіздің түбіне

оның сәулесі ғана түсіп тұр.

Келесі күні теңіздің жағасы тағы да у-шу, асыл тасты ешкім таба алмай жатады. Сол кезде бала патшаға

жақындап барып:

– Мәртебелі патша, гауһар тасты теңіз түбінен іздемей-ақ қойыңыз, ол ана бәйтерек басындағы ұяның ішінде

жатыр, – дейді.

Бір уәзір сол заматта-ақ терекке өрмелеп шығып, үлкендігі қаздың жұмыртқасындай гауһарды алып түседі.

Патша қайран қалады.

– Сендер ақылдымыз, білімдіміз деп бөсесіңдер. Шынында мына баладан ақымақ екенсіңдер, – деп уәзірлеріне

ұрысады да, балаға қарап:

– Бұл жайында саған кім айтты? – деп сұрайды.

– Оны өзім ойлап білдім, – дейді бала.