Кемел мемлекеттің кемеңгер қаламгерлері әдеби жинақ

Маңдайыма бұл жазылған,

Жазбағанда енді қайтемін.

Жазу да жазу, жазудан,

Жазылар едім, айт емін!

Қ.Сарин.

«Кемел мемлекетің -кемеңгер қаламгерлері»

Эссе

Қазақстан-тәуелсіз,тарихы терең,кең байтақ мемлекет.Кемел мемлекет дегеніміз-мәңгілік ел.Қазақстанның күні бүгінге дейін 550 жыл тарихы бар.Мәңгілік ел болу үшін елімізде көптеген шаралар ұйымдастырылуда. Қазір мәңгілік ел идеясының ізін жалғаушы елбасы «Рухани жаңғыру» болып табылады. Біз қазір бейбіт,тәуелсіз,тыныш мемлекетте бақытты өмір сүріп жатырмыз.Атам қазақтың қашаннан бері де аңсаған арманы осы емес пе? !Кемел мемлекет құру идеясы тым ерте кезде пайда болған. Бұл идеяны ең алғаш ұсынушы –Платон. Кейін бұл ойды әдеби еңбек етіп жазған - Әбу насыр Әл-фараби. Ол өзінің «Қайырымды қаланың тұрғындары» атты трактатында ел тұрғындарын қайырымды және қайырымсыз деп екі топқа бөле отырып, қайырымды қаланың билеушісіне тән қасиеттерді нақтылап көресетеді. Кейін бұл мемлекетті іс жүзінде жүзеге асыруға тырысқан Бабыр. Мәңгілік ел мен кемел мемлекет екеуі үндес ұғымдар.

Қаламгерлер қай кез де, қай заман да болмасын өз дәуірінің жаршысы .Өз кезеңін келер тарихқа қалдырушы. «Қағаз бен қаламның обал-сауабын білетін жаннан халқы қадірлейтін қаламгер шығуы мүмкін»-дейді Т.Байтасов ағамыз.Ал,олардың шынайы бағасын беруші оқырманы ғана. Біздің қазағымызда әдебиет саласында қалам тербейтін қалагерлер жетерлік. Олардың біреуін жақсы,біреуін жаман деп айтуға болмайды. Өйткені қазақ қаламгерлерінің барлығы сөзімен, тапқыр шешендігімен, білімге құмарлығымен ерекшеленеді. Әдебиет-асыл сөз. Осы асыл сөздің қадірін білу, тілімізді, дінімізді, ділімізді құрметтеу біздің міндетіміз. Әрбір ақын-жазушы өзінің бастан өткізген болмаса көрген-білгендерін әңгімеге немесе өлеңіне арқау етуі мүмкін. Бұл заңдылықта. Қалам - қасиетті ұғым. Себебі,үш –төрт шумақ ойын жазғанның барлығы ақын , өз ойын қағазға түсіргеннің барлығы жазушы емес. Жазу-туғаннан берілетін дарын. Жоқ дарынды бар етемін деп қолдан жасау бекершілік .

Кемел мемлекет туралы, қаламгерлер туралы сөз де қозғадық. Енді сол кемел мемлекеттің кемел жазушылары менің ойымша төмендегідей.

Дана халқымызда жазушылар да,ақындар да баршылық. Қаламгерлерді түрлі кезеңге бөліп қарастыруға болады. Алдыңғы толқын ағалар,ортаңғы буын,кейінгі толқын інілер т.с.