Кең далама ырыс сыйла жаңа жыл мерекесі 3 сынып

Кең далама ырыс сыйла,Жаңа жыл!!!

(Жаңа жыл кешінің сценариі)

Қатысушылар: Ертекші,Ескі жыл,Жаңа жыл,аңдар киімін киген балалар,Аяз ата,ақша қар,т.б.

Мақсаты: оқушылардың мерекелік көңіл күйін тудыру;шыршаның қалай әдемі де ,сәнді безендірілгеніне назар аударту,достық қарым қатынасын ояту.Жаңа жыл мерекесін қарсы алу. Фанфоры әуені

1-жүргізуші:Келді,міне,Жаңа жыл ортамызға

Құт-береке әкелсін баршамызға,

Аңсаған арманымыз орындалып,

Өміріңіз бақытпен толсын нұрға.

2-жүргізуші: Жаңа жыл-жаңа ниет,жаңа күнсің,

Ғаламға ғашық болған жанарымсың

Қалсыншы ескі жылда бар қиындық,

Шаттықтың шар айнасы бола білген!

Құрметті ата-аналар,ұстаздар,оқушылар! Баршаларымызды Жаңа жылдарыңызбен құттықтаймыз! 1 «а» 1 «б» сынып оқушыларының «Кең далада ырыс сыйла,Жаңа жыл!!!» атты ертеңгілігімізге қош келдіңіздер!

Жаңа жылдық кешті ашу салтанатын мектебіміздің басшысы Талшын Ғабитқызына ұсынамыз.

1-оқушы:Т.Ғ жасыл шыршамыздың шамдарын жағып беріңізші!

Барлығы:Қуант бізді таңырқат

Шамдарыңды жарқырат.

1-оқушы: Қандай жақсы шыршамыз,

Ән шырқайық баршамыз,

Ен жарлықты тастайық,

Шырша тойын бастайық!

Хоровод: Елка жыры,Ақша қар, В лесу родилось елочка

(Көңілді музыка ойналады) Сахнаға ертекші шығады.Орманда аңдар қар лақтырысып ойнайды.

Ертекші: Келіңдер жас ұландар,

Ертегімді тыңдаңдар

Ертегімде сан қилы

Қызық-қызық сырлар бар.

Жаңа жылдың кешінде

Аңдар келіп бір шешімге

Достаспақшы ниетпен

Жиналыпты келісімге

Сонымен,балалар

Жаңа жылға арналған

Ертегіні көріңдер.

Шын бағасын беріңдер.

Қасқыр құшып қоянды: «Дос болайық баянды!» -деп еді,Аңқау қоянды достары тым аяды. Әр қимылы күлкі, жылмың қағып түлкі жүр Кірпі: «Достастырам бәрін» деп ,әуреленіп кірпі жүр.(Көңілді музыка ырғағымен көңілдене билеп, ән сала сахнаға қоян шығады.)

Қоян: -Ля-Ля-Ля ақша қар.

Ау жарандар, ал қараңдар

Жауып тұр қар себелеп,

Көкке толды,жерге қонды

Сансыз аппақ көбелек.

Тым алыстан- Күн,Марстан

Келіп Аяз атамыз.

Жылды тойлап,билеп-ойнап

Көп қызыққа батамыз!

Қоянның алдынан аю шыға келгенде ол сасып қалады.

Аю: -Амансың ба қояным!

Дауысыңды естіп ояндым ...

Тойды еске алдым да,

Ұйқымды ашып сергідім.

Ұйықтамаймын мен бүгін!

Жылды қарсы алайық;

Би билеп , ән салайық!

Түлкі: Қоянжанға бір сәлем!

Аю паңға бір сәлем!

Аю мен қоян: -Амансың ба ,түлкі жан,

Кел, кел мұнда!

Түлкі: Аяз ата, Жаңа жыл

Тоғайменен келеді

Айналайын түлкім деп (2 рет)

Кәмпит әкеп береді.

Кірпі: Сәлем, достар аман ба?

Нұр берді шырша алаңға

Жылға шашу шашайық ,

Тойлап, көңіл ашайық!

Қоян келші би билейік!

(Сұр қоян)

Жүргізуші: Көңілді топтың қасына аң патшасы арыстан және қасқыр келеді ,барлық аңдар қуана дабырласып қарсы алады.

Аю: -Аң патшасы арыстан

Келе жатқан алыстан

Жаңа жыл құтты болсын!

Достығымыз мықты болсын!

Арыстан: -Сәлем достар аман ба?

Шырша құрып алаңға

Жылға шашу шашайық.

Тойлап көңіл ашайық!

Жаңа жыл –мереке!

Жақсылық –береке!

Қуанып күлейік,

Қолдасып жүрейік!

Қасқыр: Болмасын кекесін

Береке кетпесін

Қастандық пиғылдар

Оянып кетпесін!

Арыстан: Кәне құшақ ашайық;

Достық тойын жасайық!

Құтты болсын,

Құтты болсын, Жаңа Жыл!

Ертекші:

-Міне кішкентай ғана достарым, аңдар достасып,келісімге келді.Біз де ренжітіп алған достарымыз болса қуантайық, бәріміз де дос болайық. Жаңа жылды жақсы қарсы алайық!

Барлық аңдар: Құтты болсын,Құтты болсын Жаңа жыл!

(Ән) Барлық аңдар қол ұстасып «Жаңа жыл» әнін шырқады.

2-Жүргізуші: Келесі құттықтау сөз Аршын Қайырқұлқызына беріледі. Құрметті өткен жыл,сіз құтты жыл болдыңыз.Біз алғаш мектеп табалдырығын аттадық. Сіз бізге құтты жыл болдыңыз,сізге көп рахмет!

Ал,халайық,халайық

Ескі жылдай аға бар.

Оны ортаға алайық

Қош айтысып қалайық

Ортамызда орманнан келген бір топ аңдар бар олар бізге құттықтау сөздерімен әндерін ала келіпті.Соларға сөз берейік.

Арыстан:Біз сіздермен кездескенімізге қуаныштымыз шырша тойын тойлауға шақырғандарыңызға көп-көп рахмет.Сіздерге шат-шадыман көңіл тілейміз!

Қасқыр:Менде қонаққа келіп қалдым.Сіздерге көп-көп рахмет.Өте жақсы кеш өтуде.Келе жатқан жаңа жылымыз мол қуаныш,бақыт әкелсін.

Түлкі:Біздің орманнан әкелген әніміз бар.Соны орындап берсек дейміз.

Ән: «Жасыл шырша жанында»

Ескі жыл: Қоштасамын бүгін мен,

Сіздерді қимас көңілмен.

Келер тауық жылында

Жақсылығымыз көп болсын!

Ашық болсын аспаның

Аман болсын жас-кәрің.

Мен сіздермен қызықты уақыт өткіздім.Мереке-мейрамдарыңызды керемет қарсы алдық.

3- оқушы:Ескі жылға ризамыз

Өсе түсті бойымыз

Қандық талай сырға біз

Шарықтады айымыз.

4-оқушы: Көңілде көп қуаныш

Әр көңілде жақсылық

Кетер жылға мың алғыс

Әкелді көп жақсылық.

Жүргізуші:Ал,халайық,халайық

Ескі жылдай аға бер

Оны ортаға алайық

Қош айтысып қалайық (Ән)

Ескі жыл:Мен сендерге сенемін.Сау болыңдар.