Кесені әшекейлейміз тақырыбындағы сабақ жоспары

Ұйымдастырылған оқу іс-әрекетінің технологиялық картасы

ІІ кіші тобы

Тәрбиеші: Кужасова А.Е.

Білім беру саласы: Шығармашылық

Бөлімі: Сурет салу.

Тақырыбы: Кесені әшекейлейміз.

Мақсаты: Балалардың қазақтың ою-өрнектері туралы түсініктерін қалыптастыру. Кесені әшекейлегенде «тұмарша», «ирексу» ою-өрнек элементтерін пайдаланып салуды үйрету.Тазалыққа, салт-дәстүрді құрметтеуге тәрбиелеу.

Алдын-ала жүргізілетін жұмыстар: қарау, бақылау.

Әдіс-тәсілдер: түсіндіру, көрсету, сұрақ-жауап.

Қажетті көрнекі құралдар,құрал-жабдықтар: демонстрациялық суреттер, кесенің түрлері. Қылқалам, гуашь, сүрткіш, сурет дәптері, картоптан жасалған үлгі.

Қостілділік компонент: ою-өрнек, «қой ізі», «тұмарша»

Іс-әрекет

кезеңдері

Тәрбиешінің іс-әрекеті

Балалардың іс-әрекеті

Себепті қызығушылығын

ояту

кезеңі

«Жүрек жылуы» шаттық шеңберін жасау үшін ортаға шақырамын. Қолымдағы қоржынды көрсетіп, бұл қоржынды шопан атай жайлаудан беріп жіберді. Қоржынды бірге ашамын. Ішіндегі хатты алып, балаларға оқып беремін.

«Балалар, қалдарың қалай? Жайлауда қозы-лақтар секіріп ойнақтап жүр. Барлығы жақсы. Бірақ бір мәселе болып тұр. Наурыз мерекесі болса жақындап қалды. Соған көп қонақтар келеді, ал менің наурыз көже құйып беретін кеселерім аз, тура осындай кесені маған салып бере аласыңдар ма?».

Балаларға кесенің түрлерін көрсетіп, үлгілерімен таныстырамын.

Сөздік жұмысын жүргіземін.

Шеңбер болып тұрып, қолдарынан ұстап, бір-біріне жылулық сыйлайды. Қолдарын жүрек тұсына апарып, «Жүрек жылуын» алақандарына салып ұшырады.

Қоржынның ішіндегі хатта не жайлы жазылғанын тыңдайды. Жайлауды көз алдарына елестетіп, Шопан атайға көмек беруге дайындықтарын білдіреді. Өз үйлеріндегі кеселердің түрлерін әңгімеледі.

Ұйымдастырушылық ізденіс кезеңі

Тақтаға қазақ ұлттық ою-өрнектерінің бірнеше түрін (қой ізі, тұмарша) іліп қойып, неге ұқсайтыны, неге олай аталғаны туралы әңгіме жүргізіп, соның ішіндегі «қой ізі» өрнегіне тоқталамын. Шопан атайдың кесесін үлкен, жолақ сызықтардың ішіне «тұмарша», «қой ізі» өрнектерін салып әшекейлеуді ұсынамын. «Қой ізі» өрнегін салу жолдарымен таныстырамын: жолақ жолға қоңыр түсті гуашьты пайдаланып, дайын тұрған сұлбаны бастырып және із болғандықтан арақашықтықтарын сақтауды ұмытпауды тапсырамын. Сурет салғанда өз орындарын былғамай, таза ұстап, жұмыс аяқталғаннан кейін орындарын жинастырып қоюларын ескертемін.

Сергіту сәті:

Барлығымыз саусақ жаттығуларын жасаймыз.

Балалар сурет бойынша салуға тырысты.