Кешіре білуді үйренеміз сабақ жоспары 2-сынып

БҚО, Теректі ауданы

Подстепный ауылы

Подстепный қазақ жалпы орта білім беретін мектебі

Өзін-өзі тану пәнінің мұғалімі (педагог-зерттеуші)

ЖУНУСОВА ГУЛЗАДА ТЫНЫШТЫБАВНА

«Өзiн-өзi тану» сабағының жоспары.

Мектеп:Подстепный қазақ жалпы орта білім беретін мектебі

Мерзімі: 30.01 2020 жыл

Мұғалiм: Жунусова Гулзада Тыныштыбаевна

Сынып: 2 «ә»

Оқушылар саны: 12

Тақырып: 20-сабақ Кешіре білуді үйренеміз.Ұлы ақын А.Құнанбайұлына 175 жыл

Құндылық: қиянат жасамау

Қасиеттер: ақниеттілік, ақпейілділік, ақжүректілік

Сабақ мақсаты:кешіре білу туралы түсінік бере отырып, ұлы ақын Абай Құнанбайұлының балалық шағы.өскен ортасы,шығармашылығы туралы айта отырып, қиянат жасамау құндылығының мәнін ашу.

Міндеттері:

-кешірімді болу,кешіре білу,кешірім сұрай білуді ақжүректілік ұғымымен байланыстырып ұғындыру;

- оқушы бойындағы ақниеттілік қасиеттерін дамыту;

- оқушыларды ақпейілді болуға тәрбиелеу.

Ресурстар:

(құралдар, мәлiметтер)

Абай Құнанбаев

туралы деректер

бейнежазба

Сабақ барысы:

1.Ұйымдастыру кезеңi.

Оқушылармен амандасып, « Өзін –өзі тану » сабағының ережесін

« 5 –Т » қайталау.( 5 т:тәртіп,талап,тыныштық, тазалық, татулық)

Жағымды күйге ену Тыныс алуға зейін қою. Мұғалім: Сіздерден аяқ-қолыңызды айқастырмай, түзу отыруыңызды өтінемін. Біз қазір тыныс алу жаттығуын жасаймыз. Тыныс алуға зейін қойған кезде, біздің ақылымыз дем алады. Ауаны ішке жұту кезінде тыныштық пен қуаныш қабылдаймыз. Демді сыртқа шығарған кезде өзіміздегі мазасыздықтарды сыртқа шығарамыз.Кәне, дайындалайық, балалар. Көзімізді жұмамыз..., арқамызды тіктейміз..., қолдарыңды тізеге қоюға болады...Д е м а л..... ш ы ғ а р... (жаймен 9-10 рет) немесе 1..................2 [3]. Рахмет!

2.Үй тапсырмасын тексеру

№ 20 «Өткел» мәтінін оқу 64-68 бет

1. Әңгімеде кешіруге бірінші болып кім қадам жасады?

2 «Кешірімді болу» дегенді қалай түсінесіңдер?

3. Әңгіме неліктен «Өткел»деп аталған?

3.Дәйексөз. Кешірім-ізгіліктің белгісі. Халық даналығы

1.Кешірім сұраған кезің болды ма?

2. Нақыл сөзді қалай түсінесің?

Сұрақ-жауап

1.Биыл Абай атамыздың туғанына неше жыл толып отыр? (175 жыл)

2.Абай Құнанбайұлының жыл мезгілдеріне арнап жазған өлеңдерін атаңдар

«Қыс», «Жазғытұры», «Жаз», «Күз» Жатқа айту.

3.Абайдың шын аты кім? (ИбраҺим)

4.Абай неше жасында мұсылманша хат таныды? (10-12 жас)

5.Слайдпен жұмыс.

6.Бейнежазба тамашалау.

4.Әңгімелеу. Кешірім.

Жолдас қызық ойын көрсетіп,інісін таңдандырмақ болды.Қант салынған тәрелкені маңдайына қойып,басын щалқайтқан күйі кесесіндегі шайын іше бастады.Жалғыз аузын ашып,ағасының тірлігіне қызыға қарап қалды. Кесесіндегі шайын ішіп тауысқан Жолдас маңдайындағы тәрелкені ала бергенде қолынан түсіп кетіп, ортасынан қақ бөлінді.Қант кесектері бытырап, жан-жаққа шашырады.

-Оһо,-Жалғастың көздері бақырайып,тәрелке сынықтарын қолына алды.-Апам ренжиді екен.

Ісінің насырға шапқанын байқаған Жолдас қас пен көздің арасында қандай сылтау табарын білмей абыржып қалды.Кенет көздері қуаныштан жарқ етіп,ас үйге қарап айқайлап жүгіре жөнелді.

-Мама,мама! Жалғас қант салғышты сындырып қойды.

Ағасының жалақорлығына шыдай алмаған Жалғас:

-Өтірік айтады!Сындырған өзі,-деп шарасыздықтан жылап жіберді.

-Өтірік соқпа!Мама,ол маған жала жауып тұр.