Кешірімділік тақырыбына арналған бастауыш сынып баяндамасы

Кешірімділік

Күнделікті өмірде көп нәрсені байқамайсың,қадірін біліп,бағаламай жатасың.Өмірде өз ойлағанымыздай болмай,қателесіп жатсақ,көбінесе кінәліні іздейміз.Өзгелерге кінә қойып,өкпе-реніш танытамыз.

Қателеспейтін адам болмайды,сондықтан кешіре де білу керек.Ал кек сақтау адамдарға деген жек көрушілік, сенімсіздік туғызып,жағдайды ушықтырып жібереді.Өзгелерге деген өкпе,реніш,ашу адам өмірін қызықсыз етіп,өзін бақытсыз сезінтіп,денсаулығын нашарлатады.Кешірімді болмай,өз жан дүниемізді қинап,өзімізге зиян келтіреміз.Жүрегімізге салмақ саламыз.Ал өзгелерді кешірген кезде,бойымыз жеңілдеп,-ең алдыменен,өзімізге жасалған жақсылық екенін түсінгеніміз абзал.Өзгелерді ылғи ренжітетін адамдар жайлы неліктен осындай қадамға,әрекетке баратыны жайлы ойланып көрейік.

Кешіру деген ол адамды түсіну шығар.Егер адамға түсінушілікпен қарасаң,сол сәтте ақ ол адамға ешқандай өкпелемейсің.Өйткені осындай жағдайда өзім не істер едім деп өзіңе сұрақ қоясың.Өзіңді олардың орнына қойып,мүмкін,ертең мен оның орнында болармын деп ойлайсың.Сол кезде кешіру оңайырақ болады.Ең бастысы айналаңа жақсы ниетпен қарап,жақсы көрсең,олардың қателігін кешіре де аласың.Басқаларды жақсы көру үшін өзіңді өзің сыйлап,жақсы көруің керек. Ал өзін жақсы көретін,сыйлайтын адам,өз жан дүниесін жаман сезімдермен ластап,ауырлатпайды.

Біз барлығына кешіріммен,сыйластықпен,түсініктікпен,сергектікпен қарауға тиіспіз. Өйткені өмір сондай тамаша,біз алға қарай тек қана адал ниет,ізгі істермен жүрсек,игілікке жетеміз.

Адам кешірімшіл болып,кешіре білуге үйренгенде өмір қуанышқа,жақсылыққа толы болады.Ондай адам өзінен-өзі,өзгелермен үйлесімділікке өмір сүреді.

Кешірімді болу-айналаңа деген мейірімді болудың,ақылдың, өзара түсінісудің көрінісі.Адамдар өзгелерді кешіру арқылы мейірімді бола түсінеді.

Кемшіліксіз адам болмайды.Білмегендіктен,тәжірбиесіздіктен қателесулер болады. Қателесу- кінәлі болу.Кінәсін мойындау әркімнің қолынан келе бермейді.Ал жөн сөзге түсіне жығылып,кінәсін мойындап,қатесін түзей білу-ақылдықтың,қайраттылықтың белгісі.Жамандық кешіре білмеуден туады.Егерде біз кешірімшіл болсақ,ызаланбас едік.Сонда бізге бәрі де жақсы көрінер еді.Егерде бір нәрсе көңілдегідей болмаса, ашуланасың.

Өкінбе,өкпелеме бүгініңе,

Өмір,өмір,

Болмайды түңілуге

Мәңгі сені жазбаған сүрінуге,

Қайта тұрып,қақың бар жүгіруге-деп Мұқағали Мақатев атамыз айтқан.Мен Мақатаев атамызбен келісімен. Себебі, ешқашан түңілуге,өкінуге болмайды.Әрқашан еңсеңді тік көтерукерек.Мейірімділік,ақылдылық,ізгілік,рақымшылық,адамгершілік,азаматтық,

ақкөңілдік адам бойында болса,сонда ғана адам кешірімшіл бола алады деп ойлаймын.