Кездесу-сара, ой-пікір-дара құқықтық тәрбие материалы

« Кездесу сара , ой-пікір дара » атты

ток-шоу бағдарламасы

1-жүргізуші : Қайырлы күн , қымбатты әріптестер және оқушылар ! Еліміздің қарымы нық, қарқыны берік, ертеңі айқын.Оған Қазақстан Республикасының 27 жылдағы жемісі мен жетістігі дәлел.Мемлекетіміздің іргетасы қаланғаннан бастап,уығын қадап, шаңырағын көтергенге тдейін қыруар істер атқарылғанын,мемлекетіміз озық елдер қатарына қарай қалай теңелгенін, алдағы болашағымыз да келісті болатынын , 27 жылда ғасырға бара-бар жетістіктерге жеткенімізді бүкіл әлем мойындағаны шындық.Олай болса, барымызды барлап, нәтижемізді талдап көрелік ...

2-жүргізуші :

Көздері қарақты,

Интернетті меңгерген,

Ақпаратты бағамдап,саралап, сараптап оқитын,

Саяси көзқарасы берік орныққан жаңа заманның жаңа құрушылары.

Бүгін біз өздеріңіздің алдарыңызда барды ортаға салып, байсалды пікір алмасу үшін жиналып отырмыз.

1-жүргізуші :

- Кәсіби тұрғыдағы білікті мамандардың көбеюі,

олардың техника мен технологияны игеруі,

-Қазіргі экономикалық бәсекелестік етек алған заманда

Интеллектуалды ұрпақ,

Зияткерлік қауымдастықты қалыптастыру,

Қазақ,орыс,ағылшын тілдерін еркін меңгерген,

Әлеуметтік жағынан белсенді,

Мобильді,

Өзгерістерден қорықпайтын ұрпақ қалыптастыру бүгінгі күннің басты талабы.

Олай болса біз келген қонақтардың ішінен және өз мұғалімдеріміздің ішінен және оқушылардан ток-шоуға қатысуға шақырамыз. 7 қатысушы шақырылады.

2-жүргізуші : Елдің болашағын ойлаған , өзінің ой-армандарының жүзеге асуын, елінің дамуын, білім мен ғылымды дамытуға үлес қосатын нағыз патриоттар деп ойлаймын.

Блиц тур

Ток-шоудың алғашқы бөлімінде осы 5 қатысушы сұрақтарға тез және нақты жауап беруі тиіс.Тапсырмалар жазылған қағаздарды алып оқып жауап береді.5 қатысушыдан екінші турға қатысатын 3 қатысушы анықталады.

Блиц тур тапсырмалары

№ 1 ойыншы тапсырмасы

1.Қоғам деген не?

(Саналы адамдардың бір мүддені, бір мақсатты орындау үшін саналы түрде бірігуі)

2.Құқық деген не?(Мемлекет шығарған немесе бекіткен тәртіп ережелерінің жиынтығы)

3.Қазақстан азаматы болуды қалай түсінесіз?(Мемлекетте тұрақты түрде тұратын азамат заң бойынша Қазақстан мемлекетінің азаматы бола алады)

4.Құқықтық мәдениет деген не? (Қоғамдағы әрекет етуші заң негіздерін білу оған құрметпен қарау, содан үлгі алу, бұл құқықтық сана және құқықтық мінез - құлық)

5.Деклорация деген не?

(Деклорация – хабарлау. Мемлекеттік саясаттың, правоның, халықаралық қарым – қатынастың принциптерін саналы түрде салтанатты түрде жариялайтын документ)

6.Құқықтық норма дегеніміз не?

(Қоғамдық қатынастарды реттеуде қолданатын әлеуметтік ережелердің бірі. Құқықтық нормаларға неғұрлым әдептік нормалар арқау болса, соғұрлым заңдардың әділеттік, адамгершілік мәні жоғары болады)

7.Адам құқықтарының жалпыға ортақ «Деклорациясы» қашан қабылданды және қабылдану себебі?(Адам құқықтарын заң күшімен қорғау қажеттілігінен туған «Адам құқықтарының жалпыға ортақ Деклорациясын» 1948 жылы 10 желтоқсанда БҰҰ-ның Бас Ассамблеясы қабылдады. Ол 30 баптан тұрады. Бұл Деклорация барлық халықтар үшін орындалуға тиісті міндет ретінде жарияланды)

8.Қандай құқықтық жүйені білесіңдер?

1)Конститутциялық 2)Әкімшілік 3)Азаматтық 4)Еңбек

9.Тәртіп деген не? (Әртүрлі әлеуметтік әдет-ғұрып, дәстүр және әдептік нормаларының әсерінен орнатылады)

10.Құқықтық мәдениеттің екінші түрі – құқықтық мінез-құлық деген не?

(Ол қоғамдағы әлеуметтік қатынастарың құқықтық тәртіпке сәйкес болуын қамтамасыз ету, құқық нормаларын сақтау.

№ 2 ойыншы тапсырмасы

1)Конституция сөзінің аудармасы қалай?(құрылым, өкілім)

2)ҚР мемлекеттік биліктің бірден-бір бастауы(халық)

3)Республика заңдары қай кезде күшіне енеді?(Президент қол қойғаннан кейін)

4)Егемендік алғаннан кейін ҚР-да Конституция қанша рет қабылданды?(2 рет: 1993 жылы 28 қаңтар, 1995 жылы 30- тамыз)

5)Республикадағы жоғарғы заң шығарушы органды ата.(Парламент.)

6)10 - желтоқсан – адам құқығы күні

7)ҚР өзін қандай мемлекет ретінде орнықтырды?(Демократиялық, құқықтық, зайырлы,әлеуметтік.)

8)Құқық дегеніміз не?(Мемлекет тарапынан заңдастырылған және қорғалатын, жалпыға бірдей нормалар жүйесі)

9)ҚР Коституциясы неше бөлімнен және қанша баптан тұрады?(9 бөлім, 98 бап.)

10)17 желтоқсан қандай күн?( демократиялық жаңару күні.)

№ 3 ойыншы тапсырмасы

1) Еліміздегі мемлекеттік тіл. (Қазақ тілі.)

2)ҚР «Баланың құқықтары туралы заң»қай жылы күшіне енді?(2002 жылы 8-тамыз)

3)ҚР – ның төл теңгесі қашан қолданысқа енгізілді? (1993 жылы 15-қараша)

4)Дүние жүзіндегі тұңғыш конституция қай жылы пайда болды?АҚШ-та 1787 жылы)

5)Адам құқығының жалпыға бірдей декларациясы қашан қабылданды?

(1948 жылы 10 желтоқсан)

6)ҚР-ның «Мемлекеттік нышандары»туралы заңы қай жылы қабылданды?

(1992 жылы 4-маусым)

7)ҚР-дағы «Бала құқықтары»туралы заң қанша тараудан тұрады?(10 тарау 53 бап)

8) «Жеті жарғыны» қабылдаған қазақ ханы кім? (Тәуке хан)

9) Бала құқықтары туралы конвенция қашан қабылданды? (1989 жылы 20-қарашада БҰҰ-ның бас Ассамблеясы қабылдады.)

10)ҚР-ның жаңа әнұраны қашан қабылданды?(2006 жылы 6- қаңтар)

№ 4 ойыншы тапсырмасы

Конституцияны білесің бе?

1. Мемлекет билігінің қайнар көзі?(Халық )

2. Қазақстан Республикасының мемлекеттік рәміздері қашан қабылданды?(1992жылы)

3. ҚР- ның азаматы екінші, басқа елдің азаматтығын алуға құқықтыма?(Жоқ )

4. Әркімнің еңбек ету бостандығына, қызмет пен кәсіп түрін таңдауға құқығы барма?(Ия )

5. ҚР – ның Президентін сайлау қашан өтеді?(Желтоқсанның бірінші жексенбісінде )

6. Үкімет қызметтерін ұйымдастырушы кім?(Премьер – Министр )

7. ҚР-ның атқарушы билігін билігін жүзеге асырушы?(Үкімет )

8. ҚР нешінші Конституция пайдаланылады?(Екінші)

9. Заң құдайы?(Фемида)

10. ҚР – ның азаматы қашан болуғақұқылысыз?(Дүниеге келген кезде)

№ 5 ойыншы тапсырмасы

1.Заң бойынша Қазақстан мемлекетінің бір мүшесі. (Азамат)

2.Барлық мемлекетте өз азаматтарының азаматтығын мемлекет тарапынан мойындап, қамқорлық жасау.(Декларация)

3.Жалпы тәртіптік шара. (Заң)

4.Бала құқығы жөнінде халықаралық шарт.(Конвенция)

5.Мемлекеттердің арасындағы өзара көмек туралы шарт, келісім (Пакт)

6.Бүкіл заң шығару ісінің қайнар көзі.(Конституция)

7.Жер бетіндегі халықтардың мүддесін қарайтын халықаралық ұйым.(БҰҰ)

8.Әрбір адам басқа адамдармен тең және еркін. Адамдарға өмірдегі ең қымбат нәрсе не?(Бостандық)

9. Қазақстан республикасын кім басқарады?(Президент)

10. Жер бетіндегі халықтардың мүддесін қорғайтын халықаралық ұйым.(БҰҰ)

2 тур тапсырмалары

2-жүргізуші ;

Туған жерім күн санап әсемденіп,

Көз тартады көркімен әсер беріп.

Ата заңым елімнің мақтанышы,

Бірге есейген халқыммен бекемденіп.

Еңбек тыныс,тіршілік жарасқандай,

Бір қазанда қайнаған толас болмай.

Асқақтаған желбіреп көк байрағым,

Өршіл бейнең аспанмен таласқандай.

Жаса мәңгі тәуелсіз арысты елім,

Ата заңмен әрқашан табысты едің.

Соның бәрін дамытып кең далада,

Болашағың болсын тек Барыс сенің!

Қатысушыларға қойылатын сұрақтар :

1.Елбасы 1997 жылдан бері жыл сайын халыққа Жолдау арнайды.Биылғы жолдау аты мен мақсатын атай аласыз ба ?

2.Жолдаудың негізгі идеясы- қоғамдағы бірлік пен тыныштықты сақтау және соның негізінде әрбір қазақстандықтардың өмірінің сапасы мәнді болуына ықпал ету. Осы ойды жалғастырыңызшы...

3.Елбасының жолдауында денсаулық сақтау жүйесін одан әрі дамыту жөніндегі міндеттер өткір қойылғаны белгілі.Осынау өміршең Жолдау жолдары « Саламатты Қазақстан -2015 » мемлекеттік бағдарламасымен өзара сабақтасып, ұштасып, үндесіп жатыр.Дені сау ұлттың ғана келешегі кемел , ендеше қазақ баласының денсаулығы жөнінде не айтар едіңіз ?

4.Ақиық ақын Мұқағали Мақатаевтың үш бақытын атай аласыз ба ?

5.Батыр баба, ұлт тілінің үлкен жанашыры Б.Момышұлы « қолына қалам ұстаған әр азамат ана тілінің бай қорын игерумен бірге басқа, әсіресе көрші ұлт тілдерінің де асыл қазынансынан сусындауы , оны кәдеге жарата білуі абзал » деген еді.Елбасының бүгінгі саясаты да осы.Сіз не айтасыз ?

6.Болашақ мамандар даярлаудың сапасын арттыру білім беруді жетілдірудің басты мақсаты.Бүгінде ең таңдаулы оқу орны – Назарбаев университеті

7.20 жыл қалыптасу кезеңі болса, алдағы 20 жыл жаңа сатыға көшіп , жоғары технологиялар мен инновациялар әлеміне әзірленуде.

8.«Қыран бүркіт не алмайды , салса баптап » ... деген сөзді оқушымен, болашақ осы елдің иесімен байланыстырсаңыз

9.Балалар неге бабаларымызға ұқсағысы келмейді ?

10.«Қазақ поэзиясының Хантәңірісі» атанған Мұқағали ақын туралы не білесіз?Қазақ баласына оның өмірінен нені үлгі етіп алуға болады ?

11.Енді Елбасы жолдауында міндеттеген 95 пайызға келелік.Президенттің Жолдауына сүйенсек , 8 жылда ел халқының 95 пайызы мемлекеттік тілді меңгеруі тиіс.Сіз бұл тілдің дамуына қандай үлес қосып жүрсіз ?

12.« Жастар ой толғайды, сыр шертеді » айдарымен әңгіме қозғалса не айтар едіңіз ?

13.Рулар тарихы – қазақ тарихы дегенге келісесіз бе ?

14.Үкіметке мал шаруашылығының басқа салаларын оның ішінде қой шаруашылығын, сондай ақ жемазық өндірісі мен шалғайдағы жайылымдық мал шаруашылығын дамыту жөніндегі бағдарламаларды жасауды қамтамасыз етуді тапсырды.Сіздің ауылдың жағдайы қалай ?

15.Ахмет Байтұрсынов : « Бұл қоғам – кешегі қоғамның баласы, ертеңгі қоғамның атасы » депті.

16.Әр білім ошағы қыз балалардың тәрбиесіне жете мән беруі тиіс. « Қыз ұлт анасы »деген тақырыпта қазіргі қыз балалар тәрбиесі туралы не айтасыз ?

17.Мектепте оқу тек қана құқық емес, сондай-ақ міндет екенін қалай түсінесің?

(Бастауыш мектеп оқушысы мектепке барудан бас тарта ала ма? Қаламасам оқымаймын. Бұл менің құқығым. Жоқ, олай емес, өйткені мемлекеттің заңында адамның құқығымен қатар міндеті де көрсетілген. Орта білім алу баршаға міндетті және тегін, ал техникалық және кәсіптік білім – көпшіліктің қолы жетерліктей болу керек)

18.Отбасы – қоғамның бастапқы ұясы. Баланы тәрбиелеу – ата-ананың құқығы ғана емес сонымен қосаолардың міндеті дейміз, неге?

(Қазақстан Республикасының заңына бойынша орта білім алуға балалар міндетті болса, оларға оқу үшін жағдай жасап, қамқорлық көрсету – ата-аналардың міндеті. Яғни, ер жеткенше киіндіру, асырау, оқыту, бәрін де білуге баулу, өмірге керек болатын нәрсенің бәріне тәрбиелеуге аса көңіл бөлу – ата-ананың міндеті)

19.«Кәмелетке толған, еңбекке қабілетті балалар еңбекке жарамсыз ата-анасына қамқорлық жасауға міндетті» (Конститутцияның 27 бабы) дейді, қалай түсіндіресің?

(Баланың адамгершілік парызы – қартайған әке-шешесіне қамқорлық жасау. Адамның ата-анадан басқа жақын ешкімі жоқ. Бала ата-анасына көмек көрсетуге, ілтипат танытуға, адамгершілік, материалдық қолдау жасауға тиіс, оларды асырауға міндетті)

20.Оқушы ретінде қандай міндеттері білуге тиіссің?

(Мен оқушы болғандықтан өзім оқитын мектебімнің ережесін қатаң сақтай білуім керек, яғни, білім нәрін өз бойыма сіңіре білу, мектеп, сынып жұмысына белсене араласу, тәртіпті, қарапайым және кішіпейіл болу, халқымыздың мемлекеттік рәміздерін көздің қарашығындай сақтап сүю, қастерлеуге тиіс.

21.Биылғы Жолдауда адам капиталын дамыту мәселесін ерекше атап өтті . Сіз оқушылардың өзін капитал ретінде қарай аласыз ба ?

Жанкүйерлермен жұмыс

Абай атамыз атап көрсеткен 5 асыл дос пен 5 дұшпанды атаңыз .

2.Балаларға арналған газет-журналдарды атай аласыз ба ?

3.2011 жылдың ең үздік футбол ойыншысы кім – Месси

4.Дүниедегі жаныңызға ең жақын жылы сөз қандай ?

5.Естігеніңізге сенесіз бе, әлде көргеніңізге сенесіз бе ?

6.Сіз интернетпен доссыз ба ?

7.Оқушылар жаңалықтарды қарай ма ?

8.Автобуста соңғы рет үлкенге қашан орын бердіңіз ?

9.Еліміздегі жастардың ішінен ең ықпалды тұлға кім ?

10.« Абай жолының »авторы кім ?

11.Спонч Боб мультфильмін көрдіңіз бе ?

12.Қай телеарнаны көп қарайсыз ?

13.Агентке отыру тиімді ме ?

14.Рушылдық қажет пе ?

Сарапшылар сөйлейді .

Ой түйін жәшікке салынған қағаздарды оқу арқылы қорытындыланады.