Хабарландыру мен жарнама құрылымы туралы 10 сынып сабағы

Сынып: 10"А" Пәні: Қазақ тілі

Сабақтың тақырыбы: Хабарландыру, жарнама, анықтаманың құрылымдық-тілдік ерекшеліктері.

Сабақтың мақсаты:

Білімділік: Оқушыларға мекеме, ұйым жұмыстарына қатысты іс қағаздардың түрлері мен тілдік ерекшеліктері туралы толық мағлұмат беру.Дамытушылық: Үш тілде іс қағаздарды сауатты жүргізу, сыни ойлауға үйрете отырып, өз пікірін айтуға дағдыландыру.

Тәрбиелік: Мәңгілік ел құндылықтары арқылы оқушыларды ынтымаққа, бірлікке, бір-бірінің пікірін тыңдауға, ел тарихы мен тілін қадірлеуге тәрбиелеу.Көрнекіліктер: Интерактивті тақта, бейнеролик,слайд, тапсырмалар, ватман,

маркер.

Ұйымдастыру кезеңі:

Топқа бөлу.Стикерлер артындағы сандарға орай бөлінеді.

І топ (1-7)

ІІ топ (8-14)

ІІІ топ (15-21)

ІVтоп (22-28)

Оқушыларды түгендеу, сабаққа назарларын аудару.

Бағалау парағын беремін, бағалау1 баллмен бағаланады, сонымен бірге топтар бір-бірін бағалап отырады.

Үй тапсырмасын тексеру.

-Оқушылар, назарымызды интерактивті тақтаға аударайық.

Елордадан келген жеделхат келіпті. Жеделхатта төрт топқа арналған үй тапсырмалары бар екен (Бейнеролик арқылы)

І топ. Жеделхат мәтінін орыс тіліне аудару.

Жеделхат

Арқалық қаласы

Ы.Алтынсарин атындағы гимназияның

10 "А" сыныбына

Сіздерді "ЭКСПО-2017-болашақтың энергиясы" атты екі күндік көрмені тамашалауға шақырамыз.

Ұйымдастырушы комитет

Астана қаласы

ІІ топ. Жеделхат мәтінін ағылшын тіліне аудару.

ІІІ топ.Мәңгілік елдің басты жеті құндылығын ата, оны орыс тіліне тез арада аудар.

1. Қазақстан мен Астананың Тәуелсіздігі

2.Біздің қоғамдағы ұлттық бірлік,бейбітшілік және келісім.

3.Зайырлы қоғам және асқақ рух

4.Индустрияландыру мен инновация негізіндегі экономикалық өсім.

5.Жалпыға ортақ еңбек қоғамы

6.Ортақ тарих, мәдениет және тіл

7.Жалпы әлемдік және аймақтық мәселелерді шешудегі ұлттық қауіпсіздік пен біздің еліміздің жаһандық қатысуы

ІV топ. Заманауи жедел қызмет көрсету.(Факс, вацап, ғаламтор, фейсбук, инстограмм,т.б.)

Жаңа сабақ:

-Жақсы, бұл жеделхат біздің мекемеге келгендіктен енді мекемеге қатысты іс-қағаз үлгілері хабарландыру, жарнама, анықтаманың тілдік-құрылымдық ерекшеліктері бүгінгі жаңа сабағымыз болып табылады. Дәптерді ашып, бүгінгі күн мен жаңа тақырыпты жазамыз. Мекеме, ұйым жұмыстарына қатысты іс қағаздар, олардың түрлері, тілдік ерекшеліктері қандай? Бұл сұрақтарға жауап алу үшін мына бейнероликке назар аударайық және төрт топқа жаңа сабақ туралы дайын мәліметтер беремін.

І топ. Хабарландыру

ІІ топ. Анықтама

ІІІ топ. Жарнама

ІVтоп. Мекеме жұмысына қатысты іс-қағаздар

(Оқушылар өздеріне берілген материалды жеке оқиды, жұпта талқылайды, постерге түсіреді, қорғайды)

Хабарландыру - белгілі бір шараның болатындығын хабарлау, уақыты, орны, болатын шара, ұйымдастырушысы көрсетіледі.Хабарландыру түрлері мен ерекшеліктері :

1.Мәжіліс, жиналыстарға хабарландыруда - күн тәртібі толық.

2.Мәдени шараларға хабарландыруда - бағдарламасы ұсынылады.

3.Тендерге хабарландыруда – шарттары ұсынылады.

4.Вакансияға хабарландыруда – жұмыс орнына тиісті талаптар.

Жарнама-сөзі латынның “рекламо - айқайлау” деген мағынаны білдіреді. Жарнама – ақпарат беру құралы.

Жарнама – тұтынушыларға, тауарға, фирма қызметіне деген қызығушылығын артыру мақсатындағы оларға арналған үндеу.

Жарнаманың қызметі:

1. Тауардың өтімділігін арттыру;

2. Коммерциялық мақсатта;

3. Жұртшылықты белгілі бір өніммен таныстыру, құлағдар ету;

4. Тілдің қолданыс аясын кеңейту.

Жарнаманың ерекшелігі:

1. Насихаттылығы;

2. Тартымдылығы;

3. Дәлдігі;

4. Түсініктілігі;

5. Тосындылығы;

6. Көркемділігі;

7. Мазмұндылығы.

Анықтама – мазмұны белгілі бір фактіні я оқиғаны дәлелдейтін, растайтын, сипаттайтын ақпараттық- анықтамалық іс қағазының бір түрі.

Анықтаманың мазмұндық- құрылымдық жүйесі:

1. Құжат аты;

2. Негізгі мәтін;

3.Анықтаманың қай ұйымға берілгені туралы мәлімет;

4. Анықтаманың жарамдылық мерзімі жайлы мәлімет;

5. Анықтаманы беріп отырған ұйымның мөрі мен анықтама беруші адамның қолы.

Мекеме жұмыстарына қатысты терминдер:

бұрыштама

виза

visa

екінші нұсқа