Халықтың рухани көсемі Ахмет Байтұрсынұлы тәрбие сағаты

Күні:10.09.2018 14.09.2018 аралығында

Оқу тобы: ПО-21

Студенттер саны: 24 студент

Куратор: Өтетілеу А.Ө

Тақырыбы: «Халықтың рухани көсемі – Ахмет Байтұрсынұлы».

Мақсаты: Қазақ халқының әлеуметтік, саяси, мәдени, тарихи өмірінде орны ерекше зор тұлға – А. Байтұрсынұлының халықтық тәлім – тәрбиелік ойларының негізінде студенттер бойына адамгершілік,отансүйгіштік қасиеттерді дарыту; жас ұрпақты ұлттық рухта тәрбиелеу.

Кіріспе сөз куратор: Сәлеметсіздер ме студенттер! Сабақтарыңыз жақсы жүруде ме? Бүгінгі сынып сағатымыздың тақырыбы:« Халықтың рухани көсемі – Ахмет Байтұрсынұлы». Экранға назар аударыңыздар. Слайд арқылы сынып сағатымызды жалғастырайық.

Барысы:

«Ахмет Байтұрсыновтың қазақ баласына істеген еңбегі, өнер-білім, саясат жолындағы қайратын біз ұмытсақ та, тарих ұмытпайтын істер болатын.»

М. Әуезов.

Егерде сен жанбасаң,

Жанартау боп атылып,

Егерде ол жанбаса,

Аруақты шақырып.

Егерде біз жанбасақ ,

Замананы сапырып,

Басар сонда барша әлемді

Түнек пенен қапырық.

Назым Хикмет

Гульназ:

Қазақ даласының екі ғасырдай отарлық езгіде болуы халық мойнындағы бұғалықты тарылта түсті.

Қазақ халқының алдында дербес ел ретінде жойылып кететіндей айла-шарғыны Ресей патшалығы әлдеқашан жүзеге асырып қойған еді. Дала уалаятын билеудің үш дүркін реформасы елді бүтіндіктен, тұтастықтан жұрдай қылған-ды. Құнарлы жерлерден әлдеқешан айрылған еді. Қазақтар өз жерінде өздері азшылыққа айналып бара жатты.

Мұндай жағдайда ең болмаса, сойылатын тоқтының тұяқ серіпкеніндей бір қарсылық боларын әркім –ақ ұғар еді.

Төрегелді: Бұл жолы бұрынғыдай қиқулап атқа мініп, зеңбірекке қарсы шауып, қанға бөккенннен мән шықпайтынын ұғынған, ұрымтал кезде жан-жақтықамдастырылған жүйелі күреспен қарсы тұру керектігін түсінетін кемел тұлғалардың кенеттен қалай табылғаны?

Ұлттық төл элита әлі қалыптасып үлгермеген еді. Оқығандар шашыранды жұрттан шыққандықтан бас қосып, күш біріктіругет құлықты емес еді.Мұндай жағдайда әлгіндей тәуекелге бел байламақ түгілі ол жайында ойлаудың өзі ақылға сыймайтын батылдық еді.

Соған айдаладағы ауыл мұғалімінің қалай жүрегі тұрғанына қалай таңғалмассың?

Бұл жағынан келгенде А. Байтұрсынов –ұлттық тарихымызда ешкіммен салыстыруға болмайтын ерекше тұлға. Неліктен ол мұншалықты жанкештілікке барып, ұлт мүддесін арқасына көтерді?

Бұның жауабын арман мен арпалысқа толы өмірінің шынайы шежіресі — өлеңдерінен іздейікші.

«Ахмет Байтұрсынов – ұлт азаттық көтерілісінің рухани көсемі»

Ахмет Байтұрсынов қазақ зиялыларының рухани көсемі санатына шығарған 1913 жылы ұлттық биресмилік «Қазақ» газетін шығаруы. «Құрметті оқушылар» атты кіріспе мақаласында Ахаң «жалаң аяқ, жалаң бас, жеңдеріміз қиюсыз, етектеріміз жиюсыз ашылып, шашылып қамсыз жатқан» қазақтың «алдына түсіп, жол сілтеп, басшылық етуді » мақсат…