Ханс Кристиан Андерсен ертегілеріне сабақ жоспары, 2 сынып

Мектеп: № Мерзiмі: № 3

Тақырып: Х. К. Андерсеннің дана ертегілері

Құндылық: Сүйіспеншілік құндылығы

Қасиеттер: Ізгілік, қамқорлық, жанашырлық

Мұғалiм:

Cыныбы: 2 Оқушылар саны

Сабақ мақсаты:

Оқушыларды Андерсеннің дана ертегілерімен таныстыру арқылы сүйіспеншілік құндылығының мәнін ашу.

Міндеттері:

Білімділік; оқушыларды ертегілерден үлгі-өнеге алуға үйрете отырып, ізгілік, қамқорлық, жанашырлық қасиеттері туралы түсінік беру;

Дамытушылық; оқушыларды өзіне және өзгелерге қамқор болуға баулу;

Тәрбиелік; оқушыларды ізгілік, қамқорлық, жанашырлық қасиеттеріне тәрбиелеу.

Ресурстар: (құралдар, мәліметтер)

Кітап, дәптер, үнтаспа, ақ қағаздар, нақыл сөздер,

Сабақ барысы:

Ұйымдастыру кезеңi.

Сәлемдесу, оқушылардың көңіл - күйін сұрау, сабаққа қатысуды тексеру. Бес «Т» тәртіп,талап,тыныштық,тазалық,татулық ережесімен таңыстыру.

2. Жағымды күйге келу.

Нұрға бөлену: Елесететіп көріңіз: .....

3. Үй тапсырмасын тексеру.

Х. Андерсеннің "Түйме қыз" ертегісінен берілген үзіндіні оқып келу.

Ескертулер:

4. Дәйексөз.

«Ертегілер - жақсылықтың ұясы»

- деген нақыл сөз бүгінгі сабағымызға дәйексөз болады. Ертегі балалардың ең сүйіп тыңдайтын жанры. Қиял- ғажайып оқиғаларға, қилы да қызықты әрекеттерге толы болып келетін ертегі сюжеті бала қиялын кеңейту мен қатар, оның мінез - құлқын тәрбиелеуге ықпалы зор. Ертегі мазмұнында адамгершілік қасиеттердің саналуан қыры көрініс табады. Ертегі мазмұны арқылы қайырымдылық, әділдік адалдық, батылдық, мейірімділік, достық сынды асыл қасиеттерінің мәні ашылады. Мұндай қасиеттер бала бойында да бар, сондықтан өз бойындағы қасиеттерді ашып, іс жүзінде көрсете алуларына әсері мол.

5. Әңгiмелеу (сұхбат).

- Түймеқыздың қарлығашқа қамқорлық жасауының себебі неде?

- Түймеқыз жақсылығының өтеуін күтті ме?

- Өзіңе басқалардың жасаған жақсылығын естеріңе түсіріп, айтып беріңдер?

Мұғалімнің сыйы «Аңыз айту»

Оқушылар өз ойымен бөліседі.

6. Шығармашылық іс-әрекет, топтық тапсырма.

1- тапсырма: Үлкендерден қандай ертегілер естігендерін естеріне түсіріп, айтып беру тапсырылады. Ертегі тыңдамаған бала болмас, тіпті ертегі мазмұны түгелдей баланың есінде қалмаса да кейбір көріністі есіне түсіруі мүмкін.

2- тапсырма: Ертекшінің өзіндік орны болады. Балалар Андерсен ертегісіндегі ертекші Оле-Лукоемен танысып, дәптерге оның шапаны мен қолшатырының суретін салады.

Дәптермен жұмыс

Дәптердегі тапсырмаларды орындау.

7. Топпен ән айту.

"Кел, балалар, оқылық!"

Сөзі: Ы. Алтынсариндікі