Химия лидері химия пәнінен сыныптан тыс жұмыс 10 сынып

«Химия лидері» интеллектуалдық ойыны.

Мақсаты:

Оқушылардың пәнге қызығушылығын арттырып,сабақта алған білімдерін жетілдіру.Өздігінен ізденіп шығармашылық жұмыспен айналысуға, алған білімдерін пайдалануға, алғырлыққа шыңдау. Логикалық ойлау қабілеттерін дамыту.

Көрнекіліктер: интерактивті тақта, магнит тақта, кестелер, дидактикалық материалдар.

Сайыс барысы:

Жүргізуші: Химия-жыр, әніміз, шаттанамыз.

Табысын пайдаланып, мақтанамыз.

Кең байтақ кенге толы Қазақстан

Қойнауы алтын, күміс, жатқан аңыз.

Химия-ел ырысы, ғасыр үні.

Ғылымға қазіргі зор басын иді.

Талай жыл адамзатқа жұмбақ болған

Ашылды табиғаттың жасырыны.

Тыңайтқыш молайған соң ауылымда,

Дән өсті туған өлке бауырында.

Ішсең-ас, кисең-киім, үй жиһазы.

Химия дәру болған сауығуға. – дей келе бүгінгі «Химия лидері» атты сайысымызға қош келдеңіздер.

Бүгінгі кластан тыс шара интеллектуалдық ойын түрінде өтеді.Ойынға алты оқушы қатысады, қазылар алқасы білімдеріңізді бағалайды.

Жүргізуші: Біреуінің жүрегінің түгі бар,

Бірінің арқалап жүрген қоғамдағы жүгі бар,

Біреуінің күмбірлеген күйі бар,

Біреуінің қатты істейтін миы бар, - дей отырып ортамызға сайыскерлерімізді шақырамыз.

Бүгінгі интелектуалды сайысымыздың шарттары:

І тур: «Бәйге»

ІІ тур: «Полиглот»

ІІІ тур: «Ғажайып химия»

ІV тур: «Тікелей сұрақтар»

V тур: «Есептей білсең, есең түгелденеді»

Жүргізуші: Ең қиыны жарыстың «Бәйге» келді,

Мықтылары ортаға шықсын енді,

Тез жауап бер, ойланып тұрып қалма,

Осы ойыннан көрейін ерен ерді, - деп кезекті бәйге сұрақтарына береміз. Бұл турда 20 сұрақ беріледі, әр дұрыс жауапқа 5 ұпайдан беріледі.

І тур: «Бәйге»

1.Заттар және олардың қасиеттері мен өзгерістері туралы ғылым? (химия)

2. Физикалық денелерді құрайтын нәрсе. (зат)

4. Қазіргі кезде неше элемент белгілі? (110).

5. Бөлінбейтін ең кішкентай бөлшектер. (атомдар)

6.Құрамына кіретін заттардың бөлшектері микроскоп арқылы да көрінбейтін қоспа. (біртекті)

7. Шынының балқуы қай құбылысқа жатады? (физикалық)

8.6,02*1023 атом сандары? (Авогадро саны).

9. Қай элементтің атомдық массасы 14? (азот).

10. Химиялық теңдеуді теңестіру үшін қойылатын сандар. (коэффициент)

11. Құрамына кіретін заттың бөлшектерін жай көзбен көруге болатын қоспалар. (әр текті)

12. Заттың құрамы мен қасиетін сақтайтын ең кіші бөлшегі. (молекула)

13. Хлордың салыстырмалы атомдық массасы. (35,5)

14.Химиялық қосылыстарындағы атом массасының бүкіл молекуланың массасына қатынасы. (массалақ үлес)

15. Химиялық элемент атомының басқа элемент атомдарының белгілі санын қосып алу қасиеті? (валенттілік).

16. Екі немесе бірнеше заттың бірігіп, бір күрделі затқа айналу реакциясы. (қосылу)

17. Жарық пен жылу бөле жүретін реакциялар. (жану)

18. Біреуі міндетті түрде оттек болып келетін екі элементтен құралған, биэлементті қосылыстар. (оксидтер)

19. Жылу бөле жүретін реакция. (экзотермиялық реакция)

20. Еріткіш пен еріген зат бөлшектерінен тұратын біртекті жүйе. (ерітінді)

Жүргізуші: Химия ғылымдардың ең төресі,

Химиялық элемент басты ұғым белгісі.

Аударайық элементтерді іш тілде,

«Полиглот» кезеңі алда келесі.

ІІ тур: «Полиглот» (көп тіл білу)

Жұмбақтар беріледі. Соның шешімін тауып, қазақша, ағылшынша, орысша аудармаларын айту. (толық жауапқа 15 ұпай).

Құрғақ жерде сақтайсың,

Онсыз тамақ таппайсың. (тұз – соль – солт - salt)

Оттекті , оттексіз болып бөлінеді

Бәрі бір элементтен басталып. (қышқыл – кислота – эйсид -acid )

Шыдасақ та алты күн ассыз мүлде,

Шыдау қиын бұл затсыз екі күнге. (су – вода – уотэ - water)

Көтеріліп теңізден, аспанға биік барамын,

Биіктен қайта түскенде, өңі кірер даланың. (жаңбыр – дождь – рейн - rain)

Сыныптан бір шықпайды,

Тимесең жұқпайды.

Жәрдеміңсіз бұл заттың

Оқушы сабақ ұқпайды. (бор – мел – челк – chalk)

Мақалдар:

1. Арпа, бидай –ас екен,