ХХІ ғасырдың жас математиктері, 6-сынып

«ХХІ-ғасырдың жас математиктері» ойын сабағы

Сергалиева Б.Н.

І-санатты математика-физика пәнінің мұғалімі

Х.Доспанова атындағы ЖОББ мектебі

Сабақ- мұғалімнің ізденісінің нәтижесі. Күнделікті сабақтағы бірсарындылық оқушылардың сабаққа деген қызығушылығын жоғалтуы мүмкін. Сондықтан сабақты түрлендіріп өткізсе, онда оқушылардың сабаққа деген ынтасы, белсенділігі арта түсері анық. 6-класта ойын түрінде өткізілген кластан тыс шараның жоспарын ұсынып отырмын.

Мақсаты: Оқушылардың пәнге қызығушылығын арттыру, математикалық ой өрісін дамыту, алған білімдерін пысықтау.Білімді, дарынды, озық болуға тәрбиелеу.

Көрнекілігі: плакаттар, қанатты сөздер

Ұйымдастыру бөлімі:

Оқушыларға ойынның мақсатын түсіндіру, оқушыларды екі топқа бөлу, әділқазылар алқасын сайлау.

Ойынның барысы:

Мұғалім: Армысыздар, құрметті ұстаздар, оқушылар! Бүгінгі жастар-халқымыздың болашағы, еліміздің ертеңі. Оқушылардың ой-өрісін кеңейтіп, есте сақтау қабілетін шыңдайтын, білімді жастарды анықтайтын «ХХІ-ғасырдың жас математиктері» атты сайысымызды бастаймыз.

Ал, қанекей қаралық

Мына жақта жаңалық

Бүгінгі кеш төрінде

Математика елінде

Математика тілінде

Есеп шешіп жарысып,

Жұмбақ шешіп аңдысып

Шабыт тасып шалқысып

Есеппен ән салысып

Көңілді кеш жасайық.-деп енді ойынымызды бастайық.

І- тур. Екі топ өз тобының атын және топбасшысын таныстырады.

ІІ-тур. «Бәйге» (әр жауапқа 1 ұпай)

1. Екі санның қатынасы дегеніміз не?(екі санның бөліндісі)

2. Масштаб дегеніміз не?(картадағы кескін ұзындығының оған сәйкес жер бетіндегі қашықтыққа қатынасын айтады.)

3. Координаталық түзу дегеніміз не?( санақ басы болатын О нүктесі және бірлік кесіндісі таңдап алынған, оң бағыты көрсетілген түзу)

4. 0 саны оң сан ба, әлде теріс сан ба?(0 саны оң сан да, теріс сан да емес)

5. Шеңбердің ұзындығының формуласы?

6. Дөңгелектің ауданының формуласы?

7. Ең кіші натурал сан?(1)

8. Екі қатынастың теңдігі?(пропорция)

9. π саны неге тең?(3,14)

10. Глобус қандай фигураны елестетеді?(шар,сфера)

11. Жарты түзудің басқаша атауы (сәуле)

12. Алымы бөлімінен үлкен бөлшек не деп аталады?(бұрыс бөлшек)

13. Төрт қабырғасы тең төртбұрыш не деп аталады?(шаршы)

14. 3 пен 4-тің арасына қандай таңба қойғанда 3-тен артық, 4-тен кіші сан шығады?(үтір)

15. Үстелдің төрт бұрышы бар. Егер бір бұрышын кесіп тастаса неше бұрыш қалады (5)

16. Көпбұрыш қабырғаларының қосындысы (периметр)

17. 6-класс математика оқулығының авторы(Алдамұратова Т.А.)

18. Ең кіші екі таңбалы сан (10)

19. 100 жылдың басқаша атауы (ғасыр)

20. 5 санына қарама-қарсы сан (-5)