ХХІ ғасырдың жас математигі интеллектуалдық ойыны

Тақырыбы: ХХІ – ғасырдың жас математигі

Мақсаты:

Интеллектуалдық ойын арқылы оқушылардың пәнге деген қызығушылығын арттыру, математикалық ой өрісін дамыту, алған білімдерін пысықтау.

Түрі: сайыс

Көрнекіліктер: плакаттар: «ХХІ –ғасыр жас математигі», «Бәйге», «Жорға», «Тіл- өнер»,

«Ғажайып үштік»

Барысы:

1-жүргізуші:

«Өмір деген – көк мұхиттың толқыны,

Бір-бірімен жатқан шулап жалғасып.

Бір-бірімен жатқан тулап арбасып,

О, толқындар, арпалысып алға шық.

Өмір деген –мәңгі гүлдеп жататын,

Құштарлықтың толғағы мен көктемі», - деп Төлеген Айбергенов жырлағандай, өмірдің өзі – сайыс.

Құрметті ұстаздар, оқушылар! Бүгін «Математика әлемінде» атты математика апталығын «ХХІ –ғасыр жас математигі» атты интеллектуалды сайысымен қорытындылаймыз.

Сайыскерлер тапқырлығымен көзге түсер деп ойлаймын. Ортаға ойынға қатысушы сайыскерлерімізді шақырамыз.

«Формалалар» тобынан: 1.

«Прогрессия» тобынан: 1.

2-жүргізуші:

Шеберлікті, білімді

Сараптап сіздер көріңіздер

Әділ қазы алқасы

Әділ баға беріңіздер! – дей отырып, сайыскерлеріміздің біліміне баға беретін әділ қазылар алқасымен таныс болыңыздар:

Мектеп директоры - Мауин Манарбек Баткулович

Ағылшын, орыс пәндерінің мұғалімі – Әбелді Меруерт Саяхатқызы

Гуманитарлық пәндер бірлестігінің жетекшісі, қазақ тілі мен әдебиет пәні мұғалімі- Айтбаева Карима

Сайысымыз 5 бөлімнен тұрады:

«Бәйге»

«Тіл - өнер»

«Ғажайып үштік»

Көрермендерге сұрақ

«Жорға»

І – бөлім. «Бәйге» (әр дұрыс жауапқа 10 ұпай)

Екі санның бөліндісі дегеніміз не? / қатынас /

Шеңбер ұзындығын диаметрге қатынасы неге тең? /3,14/

Қандай сандар қарама-қарсы сандар деп аталады? / бір-бірімен тек таңбаларымен ажыратылатын сандар/

Барлық қырлары тең тік бұрышты параллелепипед. / куб/

300 санының 25 %-і /75/

Көпбұрыш қабырғаларының қосындысы / периметр/

Толық бұрыш неше градусқа тең? /3600/

Дәлелдеуді қажет етпейтін тұжырым /аксиома/

Белгілі бір ортақ қасиеттерге ие болып, белгілі бір заңдылықпен біріккен нәрселер, объектілер / жиын/

Санақ басы болатын О нүктесі және бірлік кесіндісі таңдап алынған, оң бағыты көрсетілген түзу /координаталық түзу/

5/6-ке кері сан /6/5/

Математикаға координаталар әдісін енгізген француз математигі /Рене Декарт/

Күн көзі жылына неше рет шығады? / 365/

3,5 таяқтың неше ұшы бар? /8/

Бір таңбалы санға дәл сондай санды тіркеп жазса, неше рет өседі? / 11 есе/

ІІ – бөлім. «Тіл – өнер» жұмбақ, мақал-мәтел жолдарынан айтылмай қалған сөзді тауып, орысша,

ағылшын тіліне аударады. Әр аударма 10 ұпай

Жұқа тақтай бөлшегі,

Ұзындықтың өлшемі / сызғыш, линейка, ruler/

Қос құлақты, жүз тісті,

Жүзінен бір-ақ із түсті /ара, пила, saw/

. . . тістен шыққан сөз,

. . . рулы елге тарайды / отыз, тридцать, thirty/

. . . кісі бір жақ,

Қыңыр кісі бір жақ. /қырық, сорок, forty/

Көкқұтанша ақ айдында,

Бір аяқпен тұрады.

Тұмсығымен ол мұнда,

Шыр айналып шығады. /циркуль, циркуль, compass/

Досынды үш күн сынама, үш . . . сына / жыл, год, /

Жүз мүйізі бар, үстінде киізі бар /киіз үй, юрта, /