Хрестоматиялық тақпақтар жинағы мектепке дейінгі балаларға

ОТАН

ТУҒАН ЖЕРІМ ТАМАША О, алақай, туған жер! Жақсы-ау, бақша-бауларың! Көзге ыстық көрінер, Сенің асқар тауларың.

Қызғалдақтай терейік, Кең өлкенің қырларын, Жүр, аралап келейік! Жүр, аралап келейік! М.Әлімбаев

ТУҒАН ЕЛДІҢ ҰЛЫМЫН Аспанымдай мөлдірмін, Жайлауымдай жазықпын. Өзенімдей өршілмін, Гүлдерімдей нәзікпін.

Қуат алған өзінен, Туған елдің ұлымын. Бақытты етіп өсірген, Отанымның гүлімін. А.Сәрсеков

ҚАЗАҚСТАН ТУЫ Көк аспандай көкпеңбек, Қазақстан жалауы. Көк емес ол тектен-тек- Елдің ашық қабағы.

Ақ ниеті – алтын күн, Асқақ арман – қыраны. Жалауы бұл – халқымның, Мәртебесі, мақтаны. С.Қалиұлы

ЕЛТАҢБАСЫ ЕЛІМНІҢ Елтаңбасы елімнің Неткен айбат, әдемі! Тұнығындай көңілдің, Ортада – аспан әлемі. Құт, береке – шаңырақ, Орын алған ол төрден.

Қанатты қос арғымақ, Екі жақтан көмкерген. Тәуелсіздік жолында, Талай – талай тер тамған. Билігім өз қолымда, Еркіндігім – Елтаңбам. С.Қалиұлы

РӘМІЗ Рәміздерім – елдігімнің белгісі,

Білу керек бала-дағы ең кіші. Рәміздерім - әнұран, ту, елтаңба, Рәміздерді жатқа білген жөн кісі. Н.Қалқа

ОТАН Отанды біз атамекен Деп аялап атаймыз, Ойткені оны мекен еткен Бабамыз бен атамыз.

Отанды Жас, кәріміз де Туған жер деп сүйеміз, Өйткені онда бәріміз де Туып, өмір сүреміз.

Отанды әркім анасындай Қастерлейді, бағалап. Өйткені, Отан баласындай Бізді өсірер аялап.

Отан деген – атамекен, Отан деген – туған жер. Отан – ана, Отан - үлкен Қазақстан туған ел! Е.Өтетлеуов