Мектепке дейінгі балаларға арналған тақпақтар жинағы

Елбасы...

Елбасымыз жолдайды,Халқы оны қолдайды

Ешқашанда орынсыз,шешімдері болмайды

Елбасы елді қорғайды,Халық қамын ойлайды,

Осындай жақсы адамның,жақсылығы тарайды.

Тәуелсіздікті елге сыйлайды,Бейбітшілікті қалады.

Орындалып арманы,Халқымызда ажарлы

Осының бәрі әрине,Елбасының арқасы.

МЕН - ҚАЗАҚПЫН

Мен - қазақпын мың өліп, мын тірілген. Жөргегімде таныстым мұң тілімен. Жылағанда жүрегім, күн тұтылып, Қуанғанда күлкімнен түн түрілген.

Мен - қазақпын, ажалсыз анамын мен, Құрсағыма сыйдырам даланы мен. Пәк сәбимін бесікте уілдеген, Дәуірлермен құрдаспын, данамын мен.

Мен - жігітпін, айқасқа, сынға асықпын Жүрегі бар кеудемде шын ғашықтың. Жанартаудай жойқынмын жұлқынғанда, Шарықтасам, қыран боп шыңға шықтым.

Қыс. Далада қар борайды, Ақ мамыққа орайды Мұз болады, қатады Жып жылтыр боп жатады. *** Жаңа жыл. Жасыл желен жамылған, Асыл моншақ тағылған. Міне сұлу шыршамыз Көптен күтіп сагынған.

Аққала – ақ бала. Аққала мен ақ бала, Сырғанайды сырғанақта. Жаздым тақпақ бәріне, Ақ қыс сұлу ақ өлең. Ақ бала жасады аққала. Ақ қар жатыр далада.

Көңілді қыс! Балалар шықты далаға, Ойнап, күліп жүр енді. Шаналармен азады, Аққаланы соғады.

Нан қоқымын шашпаңдар Жерде жатса баспаңдар Теріп алып қастерлеп Торғайларға тастаңдар

Туған жерім тірегім Елжірейді жүрегім Туған жерім асылым Ата - анамдай сүйемі

Отан туралы тақпақтар

ОТАН- сенің ата-анаң

Отан - сенің ата-анаң,

Отан - досың, бауырың.

Отан - өлкең, астанаң,

Отан - аудан, ауылың.

Отан - тарих, Отан - тіл,

Жасаған елің, ер халқың.

Отан - өлең, Отан - жыр,

Көтерген көкке ел даңқын...

Отан осы, достарым,

Көңілге мұны түйе біл.

«Отан» деп өс, жас қауым,

Оны ардақтап, сүйе біл.

Отан - жерім, Отан - суым,

Отан - қуат, нәр береді.

Отан - ұран, Отан туым,

Отан мәңгі гүлденеді.

Отан- ортақ үйіміз

Туған жерде толамыз,

Ертең жігіт боламыз.

Отан - ортақ үйіміз,

Көңілді ән мен күйіміз.

Астана

Ел ордам менің – Астана,

Осында жаңа бастама

Сәулетті зәулім үйлер көп,

Көрікті сондай жас қала.

Қазақстан туы

Көк аспандай көкпеңбек

Қазақстан жалауы

Көк емес ол тектен – тек

Елдің ашық қабағы

Туыспыз біз бәріміз,

Бір Отанды сүйеміз.

Бақытты елде тұрған соң,

Бақытты өмір сүреміз.

Қуат алған өзіңнен,

Туған елдің қызымын.

Бақытты етіп өсірген,

Отанымның гүлімін.

Азаттық жері, Қазақтың елі,

Шаттыққа толы бүгінгі төрі.

Достықты берік, еткен бір серік,

Бейбіт күн тұрсын сәлесін төгіп.

Бауырсақ

Апам мені пісірген,

Қызыл күрен бауырсақ.

Шықпай қояр түсіннен,

Біраз жемей сағынсақ.

Нан

Нан қоқымын шашпаңдар!

Жерде жатса баспаңдар.

Теріп алып қастерлеп,

Торғайларға тастаңдар.