Кім тапқыр математика сайыс сабағы 6 сынып

Математикалық сайыстың тақырыбы: «Кім тапқыр».

Математикалық сайыстың мақсаты:

Оқушылардың білімдерін тексере отырып, іс-шара арқылы математика пәнін тереңірек оқыту.

Математикалық сайыстың түрі: Сайыс сабағы.

Көрнекіліктер: Слайд, криптограммалар, карточкалар.

Жүргізуші:

Сәлеметсіздер ме, қадірлі қонақтар, құрметті көрермендер!

Армысыздар, сайысымызға қатысушы, оқушылар!

Халқымызда жақсы бастама жалғасын тапса, сәтті болғаны деп жатады ғой. Ендеше бүгінгі көпшілік қатысып отырған, көңілді сайысымыз сіздердің көңіліңізден шығып, жарқын болашағымызға бастама болғай!

Оқушылар ортаға біртіндеп шақырылады. Әділқазы алқалары таныстырылады. (мектеп әкімшілігі, математика пән мұғалімдері, жоғарғы сынып оқушылары).

Енді, сайысымыздың жоспарымен таныстырайық.

Жоспары:

-Тапқырлар сайысы (логикалық есептер)

-Білімділер сайысы (есептер шығару)

-Ойымды жалғастыр (мақал-мәтелдер)

-Жұмбақтарды шешу

-Полиглот

-Арифметикалық домино

-Сиқырлы шаршы

-Кім жылдам?

Жүргізуші:

Көңілді тапқыштар, білгіштер

Бар өнерін алдарына салады.

Кім білімді, көп оқыған болса егер

Бүгінгі күннің жеңімпазы болады, дей отырып бірінші кезеңіміз «Тапқырлар сайысы».

Бұл кезеңде сыйқырлы ұяшықтарда логикалық есептер оңайдан қиынға қарай берілген. Қандай ұяшық таңдалса, сондай ұпайға ие болады. Әр сұраққа ойлануға 15 сек бар. Әділ-қазылар алқасы бағалауды әрі қарай жалғастырады.

10 ұпай.

Алдында 1, артында 2, артында 1, алдында 2, біреуі екеуінің арасында және үшеуі бір қатарда қаз ұшып келе жатты. Барлығы неше қаз бар?

Жауабы: 3

10 ұпай.

Үстел үстінде 5 майшам жанып тұр еді.Нұржан оның 4-еуін өшіріп тастады. Үстел үстінде неше майшам қалды?

Жауабы: 5 майшам

20 ұпай.

1,2,3,......., 99 сандарында 5 цифры неше рет кездеседі?

Жауабы: 11. Себебі, 5;15;25;...55;...95

20 ұпай.

Жәнібек достарына 9 балмұздақ сатып алды. Жәнібек 316 теңге төледі ме, әлде 315 теңге төледі ме?

Жауабы: 315 теңге себебі, сандардың қосындысы 9 бөлінсе, сол санда 9 бөлінеді.

30 ұпай.

Фатима, Айша, Айжан үшеуі бірге 7 жаңғақ жинады. Фатима Айшадан көп жинады, бірақ Айжаннан аз жинады. Кім қанша жаңғақ жинады?

Жауабы: Айжан 4 жаңғақ, Фатима 2, ал Айша 1 жаңғақ жинады.

30 ұпай.

Бақберген мен Жансұлтан асық ойнады. Бақберген 2 асықтан, ал Жансұлтан 1 асықтан ұтып отырған. Олар барлығы 12 асық ұтса, әрқайсысы неше асық ұтты?

Жауабы: Бақберген 8 асық, Жансұлтан 4 асық ұтты.

40 ұпай.

2 апта 5 тәулікте неше тәулік бар?

Жауабы: 19 тәулік. Себебі: 1 аптада 6 тәулік, 2 аптада 12 тәулік+5 тәулік=19 тәулік

40 ұпай.

Берілген сандар қатары белгілі бір заңдылықпен жазылған. Сұрақ белгісі орында қандай сан болу керек?

Жауабы: 23. Себебі, 2+1=3+2=5+3=8+4=12+5=17+6=23.

40 ұпай.

Баласы әкесіне – әке, маған жұмбақ үйретші дейді. Сонда әкесі: - «Сенің жасыңды үш есе көбейтсе, менің жасым шығады. Ал менің жасымнан сенің жасынды алып тастаса 20 қалады. Мен нешедемін? Өзің нешедесің?

Жауабы: әкесі 30 жаста; баласы 10 жаста

Жүргізуші: Осымен бірінші кезеңіміз аяқталды.

Жүргізуші: Өмірде ойлап тұрсаң бәрі де есеп

Ауырсаң ішетұғын дәрі де есеп

Есепсіз сүрген өмір мазмұнсыз - ау

Дүниенің бар тұлғасы есеп десек, келесі кезеңіміз «Білімділер сайысы».

Алдарыңызда конверт жатыр. Әр оқушы кез келген конверттің біреуін таңдайды. Конверттерде есептер жазылған, сол есепті шығару керек. Ойлануға 1 мин уақыт беріледі. Әр дұрыс есеп 10 ұпаймен бағаланады.

Тағы айта кетер жайт, бұл конверттің біреуі бос. Бос конверт түскен оқушыға өз өнерлерін көрсетуі тиіс, сонда ғана ұпайға ие бола аласыңдар.

1 есеп. |2x+5| ═ 13

Жауабы: x ═4 x═ -9.

2 есеп. -15 + 6 ▪ 2 -7

Жауабы: -10

3 есеп.Сюрприз!!!

4 есеп. (5- 3 ) ▪ -

Жауабы: 1

5 есеп. Әріптерді цифрмен алмастыр:

А

+ А Б

А Б В

Б В Б Жауабы: 6+67+674=747

6 есеп.Жұлдызшаның орнына тиісті санды қойыңдар:

Жауабы: 6750-3894=2856

7 есеп. Тік төртбұрыштың ені 5 см, ұзындығы еніне қарағанда 2 см- ге артық. Тік төртбұрыштың ауданын табыңдар?

Жауабы: 35 см2

8 есеп.Берілген сандар қатары белгілі бір заңдылықпен жазылған.Сұрақ белгісі орында қандай сан болу керек?

Жауабы: 108. 50+4=54*2=108

Жүргізуші: Осымен екінші кезеңіміз аяқталды. Әділ қазылар алқасына сөз берейік. Ең аз балл жинаған бір оқушы ойыннан шығарылады.

Жүргізуші:

Мықты болсаң – алдағыны басып оз,

Мықты болсаң – арттағыны жеткізбе!

Мықты болсаң – тайғанама көк мұзда!

Мықты болсаң – бөгеттерді бұзып өт, — деп тапсырмамыз Ойымды жалғастыр... (мақал-мәтел сайысы). Кез келген ұяшықтың біреуі таңдалады. Сендер сол мақал-мәтелдің жалғасын табуларың керек. Әр дұрыс жауап 10 ұпайдан бағаланады. Ойлануға

5 сек уақыттарын бар.

1.ЖЕТІ ЖҰРТТЫҢ ТІЛІН БІЛ-... жеті түрлі ілім біл

2.ОТЫЗ ТІСТЕН ШЫҚҚАН СӨЗ-.... отыз рулы елге тарайды

3.ЕКІ ЖАҚСЫ ҚАС БОЛМАС-.... екі жаман дос болмас

4.ЖҮЗ СОМЫҢ БОЛҒАНША-.... жүз досын болсың

5.ДОСЫҢДЫ ҮШ КҮН СЫНАМА-.... үш жыл сына

6.БІР КІСІ ҚАЗҒАН ҚҰДЫҚТАН- .... мың кісі су ішеді

7.БІЛЕКТІ БІРДІ ЖЫҒАР-.... білімді мыңды жығады

8.БІЛГЕНІҢ БІР ТОҒЫЗ-.... білмегенің тоқсан тоғыз

Жүргізуші: Мақал-мәтел сайысы өз мәресіне жетті. Әділ қазылар алқасына сөз берейік. Ең аз балл жинаған бір оқушы ойыннан шығарылады.

Жүргізуші:

Айыра біл жақсы менен жаманды