Кім тапқыр тәрбие сағаты 4 сыныпқа арналған

Сабақтың тақырыбы: Кім тапқыр?

Сабақтың мақсаты: 1.Білімділігі: сынып оқушыларының пәндер бойынша алған білімдерін саралау, ой ұшқырлықтарын байқау, топпен бірлесе отырып жұмыс істей білуге және өз білімдерін көрсете білуге үйрету; 2.Дамытушылығы: оқушылардың сөздік қорын молайту, дүниетанымдарын кеңейту, тіл байлығын, шығармашылық қиялын, логикалық ойлау қабілеттерін дамыту, өз ойларын еркін жеткізе білуге және шығармашылықпен еңбек ете білуге дағдыландыру; 3.Тәрбиелілігі: болашаққа өз үлесін қоса білетін ізденімпаз ұрпақ етіп және жан-жақты білімділікке, тапқырлыққа, жылдамдылыққа, ұйымшылдыққа тәрбиелеу.

Сабақтың түрі: сайыс сабақ

Сабақтың әдіс-тәсілдері: сұрақ-жауап

Пәнаралық байланысы: ана тілі, қазақ тілі, математика, дүниетану.

Көрнекілігі: қанатты сөздер, интерактивті тақта, мақал-мәтелдер.

Сабақтың барысы:

1.Ұйымдастыру бөлімі.

Оқушылардың зейінін сабаққа аудару.

2.Психологиялық дайындық

Бәйгеге түсіп жарыспай,Жүйріктің бағы жанар ма?Білім мен өнер жарысып,Тәрбие – тәлім табар ма?Бұл бәйге ойдың бәйгесі,Кім жүйрік ойға сол алда.

Құрметті оқушылар, ұстаздар бүгінгі сынып сағатындағы 4 «В» сынып оқушылары арасындағы «Кім тапқыр?» атты сайысқа қош келдіңіздер. Сайысқа сыныптан 2 топ қатысады. Бұл сыныптағы өткізіп отырған сынып сағатының мақсаты оқушылардың жалпы сабақ бойынша алған білімдерін тексеру. Олай болса сайысқа қатысушы екі топпен танысып алайық.

I-топ «Алғырлар»

II-топ «Тапқырлар»

Ойын, сайыс болғаннан кейін баға беруші қазылар алқасы болуы шарт, сондықтан алдымен әділқазылар алқасымен таныстырып өтейін.

Бастауыш сыныптар бойынша директордың тәрбие ісі жөніндегі орынбасары - Избасарова Жайна, бастауыш сыныптардың пән бірлестік жетекшісі - Сабирова Бақтыгул және бастауыш сынып мұғалімі – Абилова Жумагул

Сайысымыз 8 кезеңнен тұрады.

1.Таныстыру.

2.Сиқырлы сөздер.

3.Кім жылдам?

4.Өнерлі болсаң

5.Білгенге маржан

6. Кім көп біледі?

7. Ұшқыр ой

8. Жеті жұрттың тілін біл

1. «Таныстыру» кезеңі. Сөз кезегі «Алғырлар» және «Тапқырлар» топтарына беріледі. (Әр топ өз тобының атын, ұранын таныстырады)

І-топ. Алғырлар.

Ұраны:

Нақтылы жауап, саналы шешім бере біл,Қарсыластарды сайыстарда жеңе біл! ІІ-топ. Тапқырлар.

Ұраны:Неше сұрақ қозғайтұғын ойшылдар,Шешуі сол сұрақтардың дәл шығар!

2. «Сиқырлы сөздер» кезеңі.Тақтаға «Қанағаттандырарлық» деген сөзді ілдіріп қоямын.Осы сөзден қай топ бірнеше сөздер құраса, сол топта көп ұпай болады.(Бұл ойынға 2 минут уақыт беріледі)

3. «Кім жылдам?» кезеңінде математика пәнінен сұрақтар қойылады. Қай топ бірінші болып қолын көтерсе, сол топ жауап береді.

1. Мен бір сан ойладым, оған 20-ны қосқанда 1000 шықты. Мен қандай сан ойладым (980) 2. Шеңбердің центрі арқылы өтетін және шеңбердің екі нүктесін қосатын кесіндіні не деп атаймыз? (Диаметр)

3. Ұзындығы 5см, ені 3см тік төртбұрыштың периметрі мен ауданын тап? (P-16см, S-15см2)

4.Қозғалыстағы уақытты қалай табамыз? (Қашықтықты қозғалыс жылдамдығына бөлеміз)

5. Шеңбердің кез келген нүктесін шеңбердің нүктесімен қосатын кесіндіні не деп атаймыз? (Радиус)

6.Қозғалыс жылдамдығын қалай табамыз? (Қашықтықты уақытқа бөлеміз)7. Туристер 10 адамнан 5 қайыққа отырып, жорыққа аттанды. Барлығы неше адам жорыққа аттанды? (50адам)8.Қашықтықты қалай табамыз? (Қозғалыс жылдамдығын уақытқа көбейтеміз)

9. Екі адам тоғызқұмалақты 2 сағат ойнады. Әрқайсысы неше сағаттан ойнады? (1сағат)10. 4 сағатта неше минут бар? (240минут)