Кім жылдам? Бастауыш сыныпқа арналған ойындар мен сценарийлер

"Көңілді старт" спорттық сайысының өтілу барысы: Сайыстың мақсаты: Оқушыларды бір ортақ мақсатқа жұмыла білуге, ұжымшылдыққа баулып, қимыл - әрекетке жаттықтыру

Индира :

Құрметті ұстаздар, оқушылар! Бүгін сіздер 5-сыныптар арасында өтетін Ешманов Досан атындағы «Көңілді старт?» спорттық сайысын тамашалауға жиналып отырсыздар! Сонымен сайысты бастауға рұқсат етіңіздер!

Нұржан:

Қош келіпсіз, бүгінгі көрерменім Жиналып отырсыздар топтардың өнерлерін Сергітер деп ойлаймыз, бүгінгі кеш Тамашалап отырсаңыз спорттық бөлімдерін

Индира:

Ендеше топтарды ортаға шақырамыз. 1. «Барыс» тобы 2. «Сұңқар»тобы 3. «Тұлпар»тобы

Нұржан:

Қазылар алқасымен таныс болайық.

Индира:

Ендігі кезекте бұл сайыстың бағдарламасымен таныс болыңыздар! Сайыс 3 бөлімнен тұрады.

І бөлім. Доп берде отыр ойыны

ІІ бөлім.Математик шегірткелер бөлімі ІІІ бөлім «Жарысайық бәріміз» бөлімі. ІY бөлім «Картобыңды егіп келде, жинап ал» бөлімі. Қорытынды. Жеңімпаздарды анықтау. Топтарды марапаттау.

Ендеше сайысымызды бастамас бұрын сергіп алу үшін спорттық би билейміз.

Нұржан:

Сайысымыздың басталуы. І бөлім Доп берде отыр ойыны бөлімі. Бұл бөлімде капитан өз легіндегі бастаушысына қарама-қарсы қолына доп алып, 1,5 қашықтықта тұрады. Белгі бойынша капитандар допты бірінші ойыншыға лақтырады. Ол қағып алып, допты капитанға лақтырады да, өзі отырады. Капитан допты келесі ойыншыға лақтырады. Ойын осылай жалғаса береді. Капитан допты соңғы ойыншыдан алған мезгілде ойын аяқталады.

Индира:

ІІ бөлім: «Математик шегірткелер» бөлімі. Бұл бөлімде топтар топтасып сайысқа түседі. Команда мүшелері бірінен соң бірі секіргіш жіптер арқылы секіріп барып, плакатқа жазылған есептерді шығарып, қайтадан секіргіш жіппен секіріп қайтады. Кім есепті дұрыс шығарып, мәреге бұрын жетсе, сол команда жеңімпаз.

Нұржан:

ІІІ бөлім.«Жарысайық бәріміз» .Бұл бөлімде ойыншылардың алдында машина және кедергілер болады. Алдымыздағы машиналар арқылы кедергілерді бұзбай өту керек және соңғы топ мүшесіне конверттегі сұрақ табысталады. Бұл сұраққа топпен ақылдасып жауап береміз.

Сұрақ: Ешманов Досан Жұмабекұлы қай жылы, қай айда, қай жерде дүниеге келген?(1966 жылы, қараша айының 3-жұлдызында Маңғ обл, Маңғ ауд, Жармыш ауылында дүниеге келген)

Сұрақ: Ешманов Досан Жұмабекұлы қай жылдары аралығында Маңғыстау Политехникалық колледжінің директоры қызметін атқарды?(2002-2011 жылдар аралығы)

Сұрақ: Ешманов Досан Жұмабекұлы 11-сыныпты аяқтағаннан кейін, қай жылы және қай оқу орнына қабылданды? (1988 жылы В.И. Ленин атындағы Қазақ Политехникалық Институтына оқуға қабылданды)

Нұржан:

ІY бөлім «Картобыңды егіп кел де, жинап ал» бөлімі. Бұл бөлімде ойыншылардың алдында кедергілер болады. Сол кедергілердің жанына картоптарды егіп, жинаймыз. Ол үшін топ басшының қолында дорбада картоп болады. Белгі бойынша топ мүшелері картопты шеңберге отырғызады да шапшаң жүгіріп барып дорбаны 2 - ойыншыға береді, ол картопты жинайды және ойынды осылай жалғастыра береді. Топ мүшесі дорбамен картопты жинап келіп, сұраққа дұрыс жауап берілсе ойын аяқталады. Ойын аяқталғанда алдарыңызға (қайшы, кілей, газет, А4 парағы беріледі. Осы заттар арқылы әр топ 2 зат жасап шығару керек.) ( 5 минут уақыт беріледі)

Индира:

Жарыс заңы ежелден, жеңімпаз болу шарты сол. Еңбектену, жалықпау, біреу озса сайыста, біреу артта қалады, Жеңілгендер ренжімей, тараса бізге жарады, Демекші сайысымыздың шарттары бойынша қорытынды шығарып, жеңімпаздарды анықтау үшін сөз әділқазыларға беріледі. Келгендеріңізге, қатысқандарыңызға көп - көп рахмет!