Кішкентай жұлдыздар балалар ойыны мен сценарийі

Жангелдин ауданы әкімдігі білім бөлімінің «Балдырған» бөбекжай– балабақшасы МКҚК

(байқау)

Ұйымдастырған: Стамкулова А.Ж.

Торғай селосы

«Кішкентай жұлдыздар» байқауы

Құрметті қонақтар, тәрбиешілер, ата –аналар, балалар!

Жылдағы дәстүр бойынша балалбақшамызда өткізіліп жүрген «Кішкентай жұлдыздар» байқауына қош келдіңіздер!

Қазақ халқы өнер десе ішкен асын жерге қойған, әнмен сусындаған халық...

Құлақтан кіріп бойды алар,

Әсем әнмен тәтті күй.

Көңілге түрлі ән салар

Әнді сүйсең менше сүй – деп

Абай атамыз айтқандай бүгінгі «Кішкентай жұлдыздар» байқауын ашық деп жариялаймыз. Осы байқауды бастамас бұрын алғашқы құттықтау сөз «Балдырған» балабақшасының меңгерушісі Абдигапарова Гүлнар Марқабайқызына беріледі.

Хош келіпсіз қонақтар,

Сәтті сапар балалар.

Сынға түскен жарыста,

Сый құрметпен баға бер,- деп

әділ қазылар алқасын сайлап алсақ:

1. Абдигапарова Гүлнар Марқабайқызы

2.Досмағамбетова Гүлбарам Бақытқызы

3. Досмағамбетова Асем Ғарифолла қызы , білім беру бөлімінің әдіскері

Ағайын жұрт ардақты армысыздар,

Бәріңізде есен –сау бармысыздар.

Көрермен куә болсын осы тойға,

Болашақ таланттардың өнері бар.

Жүздеріңнен мейірім мен нұр тамар,

Алдарыңда жауқазындай құлпырған.

Алаңсызда балғын шақты балалар,

Құшақ жая қарсы аламыз сіздерді

Би биленіп, әнде бүгін шырқалар!

Көңіл қызып тасысын,

Алтын сандық ашылсын.

Тойымыздың моншағы боп,

Әннен шашу шашылсын.

Ән: «Бала тілегі»

Орындайтындар: Абишева Айша, Манатқызы Ақбөпе

Бүгін қызық, бүгін той,

Біздер үшін біліп қой.

Әнде салып, би билеп,

Жалғастырып айтып ой.

Би: «Көңілді би»

Орындайтындар: Қуыршақ би тобы.

(Төкеш Нарғыз, Балташ Аяжан, Орал Назерке, Қарабалина Гулбаһар)

Балалық шақтық өмір, думанды кеш,

Түседі естеріңе думанды кез.

Сағыныш бойды билеп келгендерге,

Бақшаның есіктері ашық әр кез.

Сол бір кез сәті түскен бүгінгі кеш,

Қосыңыз әрқайсыңыз жақсы бір үн.

Сырласып отырайық, ән тыңдайық,

Мауқымыз басылғанша осы бір күн.

Жиналдық осы тойға бәрімізде,

Үлкен- кіші, жасымыз, кәрімізде,

Енді ортаны ашайық,

Ән мен күйді шалқытып.

Інжу маржан шашайық!

Жиналған халық таң қалсын,

Өнерден күмбез жасайық – дей келе әнге кезек береміз.

Ән: «Бала тілегі»

Орындайтын: Мәлік Жансая

Думандатпай, әндетпей,

Тойдан текке қайтпағын.

Өнерлерін бөбектердің,

Тамашалап көрейік.

Келесі тыңдайтын әсем әндеріңіз «Төлдер» әнімен алдарыңызда әнші қыздарымыз Серік Дильназ бен Қарсақбай Замзагүлді қошеметпен қарсы алайық.