Кітап білім бұлағы сыныптан тыс жұмыс 9 сынып

Атырау облысы

Қызылқоға ауданы

Жангелдин ауылы

Миялы орта мектебі

Кітапхана меңгерушісі

Қуанышева Айжамал Мұхамбетқызы

Кітап – білім бұлағы

Шеберлік сынып

Мақсаты: Баланы терең ой мен саналы білімге жеткізуде кітаптың алатын орнын түсіндіру, кітапты таңдау, оны оқып баланың жүрегіне жеткізудегі ата – ананың рөлі. Ата – ана мен бала арасындағы көзқарасты білу, қоғамға парасатты биік азамат тәрбиелеудегі кітаптың алатын орны туралы пікірлесу.

Түрі: Шеберлік сынып, пікірлесу, әңгіме.

Көрнекілігі: слайд, презентация.

Күтілетін нәтиже:

Жаңаша көзқарас, пікір, ой қалыптастыру арқылы рухани тәрбие қалыптасады.

Қоғамдағы жағымсыз жайттардың ұрпақ тәрбиесіне тигізер кері әсерлерін болдырмау жолдары, бос уақытын тиімді пайдалану, кітап оқу қалыптасады.

Жоспары:

Сұрақ – жауап

Флешмоб «Кітап – рухани азық»

«Менімен қай кітапта кездестің?» (жыртылған кітаптың бетін, қай кітаптан жыртылғанын тауып орналастыру)

Жағдаят: «Ватцап, маған кітап оқуға мүмкіндік берші..»

«Ана жүрегі» әніне жазылған клип ( Ата-аналардың пікірлері)

Қорытынды.

Жүрісі:

Кітапханашы: Құрметті ата – аналар және ұстаздар бүгінгі «Кітап – білім бұлағы» тақырыбында пікірлесу мақсатында өткелі отырған шеберлік сыныпқа қош келдіңіздер! Ұлы Абай атамыздың сөзіне жүгінсек, өзінің 41-ші қара сөзінде «Кітап – жан азығы жығылғанға сүйеу болады, адасқанда тура жолға салады», - делінген. Бүгінгі біздің ата – аналармен бөлісер ойымыз да осы ата – ананың әдеби кітаптарды таңдауда оны ұрпағының бойына сіңірудегі жолын айқындап, өздеріңізбен ой бөлісу мақсатында кездесіп отырмыз.

«Кітап – білім бұлағы» тақырыбында откелі отырған шеберлік сыныбымызды жақсы көңіл күймен бастау мақсатында Райым - Артурдың «Дискотека» әніне билеп көңілімізді көтеріп алайық.

Кітапханашы: «ХХІ ғасыр – білім мен ғылымның ғасыры болады», - деп Елбасымыз Н.Ә.Назарбаев айтқандай, қоғамымыз, жастарымыз заман талабына сай жаңа ақпараттық технологиямен жұмыс жаауға бет бұрып келеді. Осы жерде кітап пен кітапхана жұмыстары сырт қалатыны белгілі. Ұрпағымыз кітап пен кітапхананы жаңа заманның ақпараттық технологияларымен айырбастап жіберген сияқты. Балаларыңыздың кітап оқуға қызығушылығы қандай деңгейде екендігін анықтау мақсатында сұрақтар бергім келіп тұр. Еркін отырып ой бөлісейік.

1. Ерте заманда Төле би 7 жасында ақсақалдардың арасынан суырылып шығып өзінің төрелігін айтқан. «Ақыл – жастан, Асыл - тастан» деген нақыл сөз осыдан қалса керек. Ал қазіргі ұрпақ тек мектеп оқулығымен шектеле ме?

2. Қазіргі ақпараттық құралдардың дамып бара жатқан заманында жас оқырмандарымыздың кітап оқуға қызығушылығы қандай деңгейде, олардың қызығушылығын қалай арттырамыз?