Кітап білім көзі тақырыбына сабақ жоспары 3 сынып

«Өзiн-өзi тану» сабағының жоспары.

Мектеп: Подстепный қазақ жалпы орта білім беретін мектебі

Мерзімі: 02,03 10.2019 ж

Мұғалiм: Жунусова Гулзада Тыныштыбаевна

Сынып: 3 «а», «ә», «б», «в»

Оқушылар саны: 11,11,11,12

Тақырып: 5 – сабақ Кітап-білім көзі.

Құндылық: дұрыс әрекет

Қасиеттер: әділдік,шыншылдық,турашылдық

Сабақ мақсаты: Оқушыларға кітаптың адам өміріндегі маңызын ұғындыру арқылы дұрыс әрекет құндылығының мәнін ашу

Сабақтың міндеттері:

Білімділік: Оқушыларға кітаптың білім көзі екендігін ұғындыра отырып, шыншылдық қасиеті туралы түсінік беру.

Дамытушылық: Оқушылардың кітап оқуға қызығушылықтарын

арттыру арқылы турашылдық қасиетінде дамыту

Тәрбиелік: Оқушыларды әр оқиғаның әділін айта білуге тәрбиелеу.

Ресурстар:

(құралдар, мәлiметтер)

Моноблог,суреттер, слай

Сабақ барысы:

1.Ұйымдастыру кезеңi.

Оқушылармен амандасып, « Өзін –өзі тану » сабағының ережесін

« 5 –Т » қайталау.

( 5 т:тәртіп, талап, тыныштық, тазалық, татулық)

2.Үй тапсырмасын тексеру

5-сабақ 23-25 бет

3.Дәйексөз Кітап-білім бұлағы. Мақал

Дәйексөздің мағынасын түсініп алу

Әңгімелеу. Кітапты жылдам оқыған жақсы ма?

Кітап оқу дәстүрінің адам санасына ғана емес,денсаулығына тигізер оң әсері көп.Оқу барысында адамның бойында біраз оңды өзгерістер орын алады.Айталық есте сақтау қабілеті жақсарып,түйсігі жоғарылайды.

Біле білсек,тарихта аты қалған мықты тұлғалардың көбісі кітап оқудағы жылдамдығымен ерекшеленген.Демек,жылдам оқу әдісін дамыта түскен сайын адамның түрлі қабілеті ашылуы мүмкін.

Орта есеппен алғанда,адам минутына 200-250 сөз,яғни 2 бет оқып шығады.Ал әлемдегі адамдардың 5 пайызы өте баяу оқитындықтан олар минутына 180-220 сөзді ғана оқып үлгереді.

Бір қызығы,асықпай оқу барысында адам кітапта жазылған дүниенің 60 пайызын ғана қабылдай алады.Жылдам оқығанда,керісінше,туындының 80 пайызын түсінуге мүмкіндік туады.Жылдамдыққа сай ақпарат тез қабылданып,тез сіңеді. Сондай-ақ зерттеушілер жылдам оқығаннан гөрі,асықпай оқығанда көздің тез талатынын анықтапты.Қарапайым адам бір нүктеге қарағанда 10 әріптік белгіні көруі мүмкін,яғни көзінің көру аумағы бір мезетте 1-2 сөзді қамти алады.Ал жылдам оқитын адамның мүмкіндіктері одан әлдеқайда жоғары.Ол бір зер салғанда 200-500 белгіні,яғни,33-83 сөзді көре алады.

Көпшілік жылдам оқу мен асығыстықты шатастырып алады.Асығып оқығанда,адам мәтінді дұрыс түсінбеуі мүмкін. Асығып оқығанда,адам мәтінді дұрыс түсінбеуі мүмкін.