Кітап – өмір азығы ашық сабақ тәрбиешілерге

Сабақтың тақырыбы: Кітап- өмір азығы.

Сабақтың мақсаты: Кітап сарқылмас рухани қазына дей келе, білімнің кітап арқылы берілетінін ұғындыру. Кітаптың адам өміріндегі маңызы, ғылым мен білімнің пайдасы жайлы түсіндіру. Кітапқа деген қызығушылықтарын арттыру,оқулықты кітап ұстауға үйрету.

Сабақтың әдісі: Түсіндіру, сұрақ-жауап, ойын.

Түрі:Тәрбие сағаты.

Көрнекілігі: Оқу білім туралы айтылған плакаттар, ұлы адамдардың кітап жайлы жазған сөздері, ақын-жазушылардың сөздері.

Сабақтың барысы:

1.Ұйымдастыру кезеңі.

Мұғалім:

Кітап та алма ағашы,

Жемісін біздер теретін.

Тәтті алмаға қарашы

Кітабыңның әр бетін, - деп Мұзафар Әлімбаев атамыз жырлағандай әдеби кітаптар мен оқулықтар сендерге білім көзі, рухани қазына. Біз кітап арқылы бастауыш мектептің өзінде-ақ бүкіл адамзат өмірімен танысамыз.

Кітап білімімізді молайтады, кітаптап көп үлгі-өнеге мен тәрбие аламыз. Оқыған тоқығаның көп болса, жеңбейтін жау. Алынбайтын қамал жоқ. Дана халқымыз «Батыр бірді жығады, білімді мыңды жығады» деп бекер айтпаса керек.

Оқушы:

Кітап заманымыздың өмірі. Ол кәріге де, жасқа да қажет. Біз кітаппен күн сайын кездесеміз. Кітап адамның дүниетанымын кеңейтіп, рухани дүниелерді оятып, ертегі, әңгімелерімен сыр шертіскен біздің ең жақын ақылшымыз.

Мұғалім:

Кітап оқығанда мына ережелерді есіңе сақта

1.Кітап мұқабасы бүлінбес үшін қаптап ал.

2. Тамақ ішіп отырып кітап оқыма.

3.Кітап бетін, бұрыштарын бүктеме, қыстырғыш сал.

4.Кітапқа сурет салма.

Кітап оқудың 5 тәсілі.

1.Зер сала оқу.Мұндай оқу кезінде кітаппен әбден талдап танысады, өзіндік ойын тұжырымдады.

2.Оқи отырып әрбір бөлімге тақырып қою, ол есте сақталуына пайдалы.

3.Кейбір цифр, цитаттарды жазып алу.

4.Оқыған кітап туралы реферат жазу.

5.Кітаптың авторын ,жылын, басылып шыққан жерін, алғы сөзін не кіріспені оқу, аяғында қорытынды, соңғы сөз,резюме деген бөлімдерін оқу, өйткені автор бұл бөлімдерде өз шығармасының егжей-тегжейін баяндап негізгі ойды қысқа түрде қайталап өтеді.

2-кезең.

«Кітап емханасы»

Мұғалім! Балалар,бүгін бізге дәрігер келіп отыр. Ол кісі бізге кітаптардың сұраулары туралы біраз мағлұмат береді.

Дәрігер апай сөз кезегі сізде.

Дәрігер!Сәлеметсіздер ме, балалар. Адамдар мен жан-жануарлар сияқты кітаптар да ауырады.

Кітаптарда мынандай ауру түрлері болады.

1.Туғаннан пайда болған аурулар (баспадан дұрыс басылмаған)