Көк байрақты құт мекенім тәрбие сағаты

ҚАЗАҚСТАН РЕСПУБЛИКАСЫ «БАЛДӘУРЕН» РЕСПУБЛИКАЛЫҚ

ОҚУ-АҒАРТУ ОҚУ-САУЫҚТЫРУ

МИНИСТРЛІГІ ОРТАЛЫҒЫ ФИЛИАЛЫ

ОҚУ БӨЛІМІ

2022 жылдың 14 ауысымы

«Цифрлық технологиялар әлемінде»

жас физиктер мен математиктер форумы

СЫНЫП САҒАТЫ

«Көк байрақты құт мекенім»

«Тексерілді»: ______________ Божанова Г.А

9 «В» сынып жетекшісі: Абуов Ж.А

Өткізілу орны: «Балдәурен» РОСО филиалы, 6/7 кабинет

Өткізілу уақыты: 22.10.2022ж. сағат 10:30.

Қатысушылар: 9 в сынып оқушылары, қонақтар

Мақсаты:

Оқушыларға аға ұрпақтың ерлік істерін үлгі ете отырып, Отанын, елін сүюге деген патриоттық сезімдерге баулу. Тәуелсіздікті сақтап, Отанды, елді, жерді қорғауға және көркейтуге деген жауапкершілік сезімдерін ояту. Болашаққа сенімдерін қалыптастыру, саналы да білімді азамат болуға тәрбиелеу.

Міндеттері:

Жас ұрпақты отанын сүюге, еліміздің рәміздерін қастерлеуге, бай-қуатты ел екендігін мақтан етуге үйретіп, туған еліне, жеріне деген сүйіспеншілігін арттырып, патриоттық сезімін ояту;

Өткізілу түрі: Офлайн форматта

Әдіс - тәсілдері: «Ми шабуылы», психологиялық тест, дидактикалық ойындар, тренингтер.

Көрнекілік: Қазақстан туралы суреттер, плакат, слайд көрсету.

Әдебиетпен, ақпараттармен жұмыс;

Сценарий жазу;

Қажетті жабдықтар дайындау;

Балалармен жұмыс;

Барысы:І. Ұйымдастыру кезеңі:

Кіріспе әңгіме: Биыл Қазақстан 13 жылдан кейін алғаш рет Республика күнін тойлайды. Бұл күн мереке қатарынан алынып тасталғанымен, биыл президент Қасым-Жомарт Тоқаев оны қайтадан атаулы күндердің бірі етіп бекітті.

Алғаш рет Республика күні мемлекеттік мереке болып 1995 жылы қазанда жарияланды. Бұл жарлыққа Елбасы Нұрсұлтан Назарбаев қол қойған. 25 қазан Республика күні болып кездейсоқ таңдалған жоқ. 1990 жылдың дәл осы күні Қазақ Кеңестік Социалистік Республикасы Жоғарғы Кеңесінің No307-XII жарлығымен Қазақ Кеңестік Социалистік Республикасының мемлекеттік егемендігі туралы Декларация қабылданған болатын. Декларацияда Қазақ Кеңестік Социалистік Республикасының егемендігі жарияланып, Қазақстанның тәуелсіз мемлекет ретіндегі саяси-құқықтық негіздері жарияланды. Егеменді мемлекеттіліктің іргелі қағидаттары ретінде Қазақстанның жеке территориясы, азаматтығы, мемлекеттік бюджеті, халықаралық қатынастардағы дербестігі, мемлекеттік рәміздері бекітілді. Ал 2009 жылы аталған заңға өзгерістер енгізілді. Сөйтіп, 30 тамыз - Қазақстан Республикасының Конституциясы күні, ұлттық мереке болып жария етілді. Ал Республика күні мемлекеттік мерекелер тізімінен алынып тасталды және бұл әдеттегі жұмыс күніне айналды.

Біздің ата-бабамызжанқиярлықпен табанды күрес арқасында өзінің елін, жерін, бірлік – берекесін сақтады. Ғасырлар бойы аңсаған тәуелсіз-дікке де қол жеткізді. Еркін де ерікті ел болды. 1992 жылы Қазақстан дүние жүзіндегі ең ықпалды және беделді ұйым – Біріккен Ұлттар ұйымына мүше болды. Содан бері Қазақстанды 150-ден астам ел танып, 130-дан астам ұлт бір шаңырақтың астында тату-тәтті өмір сүріп жатыр.

Қазақстан тәуелсіздігін алғанға дейін Кеңестік Социалистік Республикалар Одағы деп аталған ірі империя құрамында еді. Халық еркіндікті 2,5 ғасырдан аса уақыт тосты. Ел тәуелсіздігі үшін күрес жолында көптеген адамдар, саяси қайраткерлер, ғалымдар, қатардағы бұқара өкілдері құрбан болды. 1991 жыл халқы-мызға егемендігін ала келді. Сөйтіп, 1991 жылдың 16 желтоқсаны ел тарихына алтын әріптермен жазылды. Сол тәуелсіздігіміздің арқасында өз Туымыз, өз Елтаңбамыз, Әнұранымыз бар.

Өзіңдікі – Туың да, от пен ауа, суың да,

Жаса, Қазақстаным, белді бекем буын да!

Көк аспандай тулардың, желбірейтін кұні бұл,

Елім деген ұлдардың, елжірейтін күні бұл!

2022 жылдың 16 маусымында Ұлттық құрылтайда Қазақстан президенті Қасым-Жомарт Тоқаев ұлттық мереке мәртебесін Республика күніне қайтаруды ұсынды. "Ұлттық мерекелер мен атаулы күндер тізбесіне бірқатар өзгеріс енгізген жөн. Мен Республика күніне ұлттық мереке мәртебесін қайтаруды ұсынамын. Сондықтан, қазанның жиырма бесі күні жыл сайын Егемендік күнін еліміздің басты мерекесі ретінде атап өтуіміз керек. 1990 жылы 25 қазанда Қазақстанның егемендігі туралы декларация қабылданды. Бұл еліміздің тәуелсіздік жолындағы тұңғыш қадамы болатын. Осы құжатты қабылдаған кезде Тұңғыш Президент Нұрсұлтан Назарбаев аса маңызды, тіпті шешуші рөл атқарды. Республика күні елдің мемлекет құру жолындағы тарихи қадамының символы болуы керек

1990 жылы қазан айының 25-і күні Қазақ КСР Жоғарғы Кеңесінің шешімімен «Қаз КСР-нің мемлекеттік егемендігі туралы» декларация қабылданды. Сол сәттен бастап-ақ егеменді Қазақстан өзіндік көзқарасы бар жеке мемлекет ретінде таныла бастады. Қабылданған декларация Қазақстанның болашақ тәуелсіздігінің…