Көктем аруы сыныптан тыс жұмысы 8 сыныпқа

Қазақстан Республикасы Білім және ғылым

министрлігі №7 Қ.Спатаев атындағы мектеп -лицейі

Тақырыбы: «Көктем аруы – 2019» арулар байқауы

«Көктемгі сұлулық» сурет көрмесі

Сыныбы: 8 Б Ұйымдастырған: Калдыкараева Л.Е

Шымкент 2019

Мақсаты: 1. Қыздарды халқымыздың ізгі қасиеттері: имандылық, инабаттылық, ізеттілік, іскерлік т.б. негізінде тәрбиелеу. 2. Әр қыз баланы парасатты, жан – жақты білімді болуға, әсемдік, сұлулық әлемін түсінуге тәрбиелеу. Табиғат сыйлаған қасиеттерінің ашылуына көмектесу. Табиғат демекші бүгінгі байқауға көктемгі сұлулықты бейнелеу үшін тағы да қатысушылар келіп отыр. 8 сыныптар арасында ұйымдастырылған «Көктемгі сұлулық» сурет көрмесі өткізіледі. Бұл байқаудың мақсаты: - Көктемгі сұлулықты сипаттау үшін табиғат пен өнердегі сұлулықты түсіне білуге баулу.

-Қайырлы күн,құрметті ұстаздар, аналар, қызғалдақтай құлпырған қыздар. Сіздерді шұғылалы көктемнің алғашқы мерекесі – 8 наурыз халықаралық әйелдер күнімен шын жүректен құттықтаймыз. Осынау жарқын мерекенің біздің барлық үміттеріміз бен армандарымызды тығыз байланыстыратын көктемнің алғашқы айының басында келуі жақсылықтың нышаны болса керек. Қашаннан бергі дәстүріміз бойынша, біз бұл күні сіздерге ең ыстық құттықтауларымыз бен ізгі тілектерімізді жолдаймыз. Дендеріңіз сау болып, еш мұңаймай, гүлдей жайнап жүре беріңіздер!

-Қазақ қызы десе ашық, бірақ жүзінде ұяңдық бар, әдепті, инабатты жан елестейді. Бүгінде сол әдепті де әдемі, инабатты да мейірімді ару қыздарымыз сынға түскелі тұр. Олай болса 8 сыныптар арасында ұйымдастырылып отырған «Көктем аруы 2019» атты арулар байқауы мен "Көктемгі сұлулық" атты көрме байқауына қош келдіңіздер!

Байқауымызды одан әрі жалғастырып, кешімізді ашып беру үшін ортаға ________________________________________________________________ шақырамыз. -Уа халайық, назар салып қарайық! Мың бұралған арулар аңдап басып, Келеді міне ортаға толқып тасып Аруларын сыйлаған халқым менің, Көңілді қошеметпен қарсы алайық.

-Ал, халайық аруларға тамсанайық, Қыз қылықты дегенге ән салайық, Атына заты сай аруларға, Тағы да бір қол соғып қарсы алайық. (арулар ортаға шығады.)

-1) 8 а сынып оқушысы Мұсабаева Ұлжан

-2) 8 б сынып оқушысы Өскенбекова Диана -3) 8 в сынып оқушысы Боранбай Гүлназ -4) 8 г сынып оқушысы Алдекен Сабина -5) 8 д сынып оқушысы Кубенова Шынар -6) 8 е сынып оқушысы Байш Томирис