Көктем келбеті ашық сабағы мектепке дейінгі балаларға

ТАҚЫРЫБЫ: «Көктем келбеті».

МАҚСАТЫ: Балалардың сабаққа қызығушылығын арттыру, өздерін қоршаған ортада болып жатқан жаңалықтармен таныстыру, табиғатты аялауға, өз туған өлкесін сүюге тәрбиелеу.

ДАМЫТУШЫЛЫҒЫ: Ойын дамыту, ән салу дағдарысын үйрету арқылы эстетикалық сезімін дамыту, сондай-ақ, адамгершілік, экологиялық тәрбие беру көзделеді.

КӨРНЕКІЛІКТЕР: «Көктем», «Ағаш отырғызу», «Алма ағашы гүлдейді», «Жайлауда», «Жыл құстары», «Наурыз тойы» - суреттерін көрнекі құрал ретінде пайдалану.

Сабақтың мазмұны балалардың есінде сақталып қалуы үшін сабақ ойын түрінде өткізіледі.

Тағы бір ерекшелігі, сабақ тәрбиесі, саз жетекшісі, мұғалімдердің қатысуымен үлкен сахнада іске асырылады. Сахна көктем мезгіліне байланысты безендірілген. Құстардың, бұлбұл, сандуғаштардың дауыстары жазылған әуен естіледі.

«Көктем вальсі» әуенінің ырғағымен, сахнада «Көктем» киген тәрбиеші пайда болады.

КӨКТЕМ: Ақ еріп,

Су көбейіп,

Сай-салада ағады.

Мал маңырап,

Төл жамырап,

Жайлау малға толады.

Бүршік шашып,

Жапырақ ашып,

Гүл-бәйшешек басады.

Бөбектерім айтыңдаршы!

Бұл қай кезде болады?

БАЛАЛАР: Көктемде!

ТӘРБИЕШІ: Балалар, біз көктемді қандай белгілері арқылы

ажыратамыз? Көктемде қандай өзгерістер болады?

БАЛАЛАР: Күн жылынады, қар ериді, құстар ұшып келеді, аюлар

ұйқысынан оянады, жәндіктер тіріледі, мал төлдейді

(бұл кезде, сауысқан киімін киген қыз пайда болады )

Сүйінші, сүйінші! Көктем келді (ешкім шықпайды) . Ешкім жоқ. Қазір мен Аюға телефон шалайын.

Телефонды алып:

Алло, Аю, сәлеметсіз бе?

АЮ:Алло, бұл кім?

САУЫСҚАН: Мен ала қанат сауысқанмын.

АЮ: Сәлеметсіз бе, Сауысқан!-Не болды?

САУЫСҚАН: Тұрмайсынба? Көктем келді ғой. Сені балалар күтіп

отыр ғой.

АЮ:Қазір, ұйқыдан тұрайын.(аунайды,жатып аяқ-қолын

қимылдатады).

БАЛАЛАР: Аю, Аю тұрсаңшы!

Көп ұйқыны қойсаңшы.

Көктем келді, тамаша.

Ән салайық қаласаң.

Балалар аюды ортаға алып, «Көктем» әнін шырқайды.

Көктем келді, құс келді.

Ойнаймыз біз саз илеп.

Біздің көлге қаз келді,

Кешке кеткен қаз-үйрек.

Алақай-ау, балалар

Қандай жақсы көктемгі ай!

ТӘРБИЕШІ:Балалар, көктем айларын атаңдаршы.

БАЛАЛАР: Наурыз, сәуір, мамыр.

ТӘРБИЕШІ:Көктемде қандай мейрамдар болады?

БАЛАЛАР: Аналар мерекесі. Наурыз мейрамы. Ұлы жеңіс

мерекесі.

КӨКТЕМ: Өте тамаша! Көктемде қар кеткесімен жыл құстары

Оралып, ұя салады. Ең алдымен қараторғай, ұзақ,

содан кейін қарлығаш, сарыала қаз, тырулап ұшқан