Көктем келді сабақ жоспары мектепке дейінгі балаларға

Білім беру саласы: «Қатынас»

Бөлімі: Тіл дамыту

Тақырыбы: «Көктем келді»

Мақсаты: а) Педагогтің сұрақтарына байланысты жауаптар қайтаруға (қар ериді, күн жылынады, құстар ұшып келеді), сөз тіркестерін құрастыруға (күн ашық, гүлдер әдемі) үйрету.

ә)Жұмбақтардың мағынасын түсінуге, сурет арқылы шешулерін табуға үйрету, «к» дыбысының дұрыс айтылуын бекіту.

б)Табиғаттағы құбылыстарды бақылай отырып, сүйіспеншілікке, табиғатты аялауға тәрбиелеу.

Көрнекіліктер: «Көктем көрінісі»суреті

Сөздік жұмыс: бәйшешек, бүршік көктем

Іс-әрекет кезеңі

Тәрбиешінің іс-әрекеті

Балалардың іс-әрекеті

Мотивациялық қозғаушылық

Сәлемдесу.

Балаларды шаттық шеңберіне тұрғызу.

Бақшамызға барғанда

Жолыққан бар жандарға

Ертемен ақ пейілмен,

«Қайырлы таң» деймін мен

Сәлемдесіп бір-біріне ыстық ықыластарын білдіреді. Тәрбиешімен бірге қайталайды.

Ұйымдастырушылық ізденістік

- Жарайсыңдар балалар! Балалар!

Олай болса оқу іс–әрекетімізді бастаймыз.

Бүгін біз «Көктем келді»деген тақырыпта оқу іс –әрекетін өткіземіз.

Мен сендерге өлең жұмбақ жасырамын, жауабын табыңдар.

Ақ қар еріп, су көбейіп,

Сай салаға толады.

Айтыңдаршы балалар,

Бұл қай кезде болады?

Дұрыс айтасыңдар

- Балалар бір жылда неше мезгіл бар?

- Қазір қай мезгіл?

- Ал, көктем мезгілінде неше ай бар?

- Айтыңдаршы

Ой жарайсыңдар!

- Балалар көктем мезгілінде ең бірінші болып шығатын бәйшешек гүлі. Ол қар ери сала өсіп, гүл ашады. Міне суретіне назар салыңдаршы. Оның түсі қандай болады екен?

Қане көктем мезгіліне арналған тақпақтарыңды айтып беріңдерші.

Мейірім: Бүршік жарып ағаштар,

Құстар ұя салады.

Сылдыраған бұлақтар,

Ағып бара жатады.

Айда: Жақсылықты қолдаймыз,

Табиғатты қорғаймыз.

Гүл егеміз бақтарға

Айналасын қорғаймыз

Жансая: Құс ұясын бұзбаңдар,

Балапанын алмаңдар.

Құстар біздің досымыз,

Обалына қалмаңдар.

Аян: Көктем болды алақай

Қуанар барлық балақай.

Көктемде жаңбыр болады,

Бақшаға гүлдер толады.

- Дұрыс айтасыңдар! Балалар ерте көктемде ағаштар бүршік атады, жерге көкпеңбек болып шөптер өседі. Күн жарқырап тұрады. Құстар жылы жақтан ұшып келеді. Олар сайрағанда көңіл-күйіміз көтеріледі ме? Құстарға біз қамқор болуымыз керек,олардың ұясын бұзбай, керісінше оларға ұя жасап, жем беруіміз керек.

Суретпен жұмыс:

-Балалар, біз қазір қалай киінеміз?

- Ия, дұрыс айтасыңдар,қазір қыстағыдай қалың қалпақ, қолғап, етіктерімізді тастап жеңіл ыңғайлы киімдерімізді киеміз.