Көктем келді тақырыбындағы балабақша конспектісі

Қарағанды облысы, Теміртау қаласы, №5 «Сәуле» бөбекжайы 1-санатты тәрбиеші: Бектемирова Құралай Жолдыбаевна Білім беру саласы: «Таным»

Бөлімі : «Жаратылыстану»

Тақырыбы: Көктем келді.

Мақсаты: көктемгі табиғат өзгерістерімен таныстыру.

Білімділік: балаларды көктемгі табиғатта болатын құбылыстар мен өзгерістерді тануға және ажыратуға үйрету.

Дамытушылық: табиғатқа деген қызығушылығын арттыру.

Тәрбиелік : табиғатты аялауға тәрбиелеу,

Көрнекіліктер: Фетрден жасалған қыс, көктем, жаз,күз суреттері және бейне таспа.

Билингвальды компонент: көктем – весна,

- Балалар ұйымдастырылған оқу қызметімізді бастамас бұрын апайлармен сәлемдесіп алайық.

Шаттық шеңбер:

Күнмен бірге тұрамыз,

Құспен бірге ән саламыз.

Қайырлы таң! ашық күн!

Көңілді біз тұрамыз.

Тәрбиеші: балалар, жылдың төрт мезгілі бар. Оларға қыс, көктем, жаз, күз, кіреді. Ал, қазір жылдың қай мезгілі?

Балалар: Көктем мезгілі.

Тәрбиеші: дұрыс айтасындар, әр жыл мезгілінің өзіндік ерекшеліктері болады.

Тәрбиеші: көктем айында үш ай. Наурыз, сәуір, мамыр.

Ендеше бүгінгі оқу – қызметіміз көктем жайлы болмақ.

Балалар,көктем мезгілінде қыстың суығы кетіп, қар еріп, жер бетінің көгеретін кезі. Ағаштар бүршік жарып, құстар ән салып жылы жаққа ұшып келеді, алғашқы қызғалдақ және бәйшешек гүлдер шығады.

Балалар олай болса бейнетаспаға назар аударайық.

Слайд: кейбір аңдар ұйқыдан оянады, жануарлар төлдейді, ағаштар бүршік жарып, жапырақтар пайда бола бастайды. Бәйшешек гүлі, қызғалдақ гүлдері шығады.

Тақпақтар:

1.Көктем болды алақай,

Қуанар барлық балақай.

Көктемде жаңбыр болады,

Бақшаға гүлдер толады. (Қ. Райяна)

2.Жасыл көктем келеді

Самал беттен өбеді. (С. Нурай)

3.Кун шуағын шашады,

Жауын да жауып алады.

Көктем келіп жеткенде,

Ағаштар бүршік жарады. (Аида)

4.Көктем келді жеріме,

Бақ әкелсін еліме.

Күн күлімдеп көгімде,

Шуақ шашсын төгіле. (Аизере)

5.Бүршік жарып ағаштар

Құстар ұя салады.

Сылдыраған бұлақтар

Ағып бара жатады. ( Қ.Аисана)

Сергіту:

Алдымыздан жел еседі,

Ағаштар тербеледі.

Кіп кішкентай ағаштар,

Үп – үлкен боп өседі.

Тосын сәт: Балалар, тыңдаңдаршы бізге біреу қонаққа келе жатқан сияқты.

Әуен ойналып Ару Көктем кіреді.

Ару Көктем: (Көңілсіз болып келеді)

-Сәлеметсіңдер ме,балалар және қонақтар!

Даланы гүл жайнатам,

Бұлбұлдарды сайратам.

Көктем жаңбыр жауғызып,

Құлпырады айналам.