Көктем сәні ертегісі бойынша 3-сынып сабақ жоспары

Пәннің аты: әдебиеттік оқу

Уақыты: 7.02.18.

Мұғалім: Шанкиева Гулнар Нұржанқызы

Сыныбы: 3 сынып

Мектебі: Аққала орта мектебі

Атырау облысы, Индер ауданы

Сабақтың атауы

Көктем сәнi (Ертегi)

Мақсаты

Күтілетін нәтиже

Ертегіні оқи отырып, табиғаттағы аң-құстардың тыныс-тіршілігімен, түрлерімен таныстыру. Оқушының сөздік қорын молайту, түсініктерін айта білуге, рөлге бөліп оқуға баулу. Оқушылардың қайырымдылық, қамқорлық, жақсылық құндылықтары туралы түсініктерін кеңейту.

Сабақтың көрнекілігі

Аңдардың суреттері, сызба, видео, cуреттер.

Психологиялық ахуал

Тыныштық мезеті

Ыңғайланып отырыңыз.көзіңізді жұмыңыз. Денеңізді босатып, тынышталыңыз. Көз алдыңызға енді атып келе жатқан шуақты таңды елестетіңіз. Сіз тауға алып барар жалғыз аяқ жолмен келе жатырсыз. Таза ауа,сылдырлаған мөлдір бұлақ суы, құстардың сайраған даусы естіледі. Сіз жеңіл демалудасыз, сіз күш-қуатқа толысыз. Жер-Анаға, табиғатқа деген махаббат, сүйіспеншілік барлығы өзіңе деген махаббатпен тығыз байланысты. Күн шуағы сіздің денеңізге сәуле шашуда, самал жел сіздің шашыңызды тербетіп, сізге көрік беруде. Бүкіл табиғат күші сізге өз махаббатын сыйлап, сізді таң нұрымен қарсы алады. Ал енді бұл күш сіздің бүкіл денеңізге қуат беріп тұрғанын сезініңіз. Бұл күшпен өзіңізге жақын адамдармен, достарыңызбен бөлісіп жатқаныңызды елестетіңіз. Бұл қуат сіздің өміріңізбен тығыз байланысты. Сіз әлемдегі ең бақытты жансыз!

Сізге «тыныштық мезеті» ұнады ма?

Табиғатта серуендегенде ол сізде қандай сезімді тудырды?

Топқа бөлу

Топқа бөлу 2 минут Жіпте жайылған фотосреттерді алып, түріне сай топтарға бөлінеді.

II. Үй тапсырмасын сұрау І. Жансүгіровтің «Жазғытұрым» өлеңін жатқа сұрау. Сұрақ – жауап бойынша өткен сабақты бекіту. 1. І. Жансүгіров кім? 2. Өлеңде көктемнің қандай белгілері айтылған?

Қызығушылықты ояту

Бұл қай кезде болады?

Қар мұз еріп, Су көбейіп, Сай салаға ағады. Бүршік шашып, Жапырық ашып Гүл, бәйшешек басады, Бөбектерім, айтыңдаршы, Бұл қай кезде болады?

- Көктем мезгілінде қандай өзгерістер болады?

- Аюлар түлейді. Аю, борсық ұйқыдан тұрады. Бұғылардың мүйіздері түседі. Мүйіздерден әр түрлі дәрілер жасалады. - Ақбөкен, бұғы, елік, арқар, бұлғын – «Қызыл Кітапқа» енген аңдар. Бұл аңдарды аулауға болмайды, мемлекет қамқорлыққа алған. Бұлғын – терісі бағалы аң. Ол жылы жақта, орманды жерде тіршілік етеді. Бұл жануар азайып кеткендіктен, оны аулауға тыйым салынған. - Көктем мезгілі бір ғажайып ертегіге ұқсайды. Ал ертегі дегеніміз не? - Қиялдан туған әңгіме- Ертегілер әр түрлі болады: 1. Қиял - ғажайып ертегілер 2. Хайуанаттар жайындағы ертегілер 3. Шыншыл ертегілер. - Олай болса, бүгінгі өтетін сабағымыз хайуанаттар жайлы ертегілерге жатады. Біз бүгін «Көктем сәні» ертегісімен танысамыз

Мағынаны тану

ІІІ. Жаңа сабақ: Көктем сәні (Ертегі)

Аңдар туралы жұмбақ жасыру. 1. Тойды баққан, Қойды қаққан. (Қасқыр) 2. Күндіз – түні ерінбей, Үйді жүрер күзетіп. (Ит) 3. Екі жеңдей құлағы, Дыбыс сезіп тұрады. (Қоян) 4.Жақпар тастың өркенінде, Секіреді құламай, Қия құздың өр төсіне, Орғып шығар ол оңай. (Арқар) 5 Сайқымазақ құлағы бар, Барған жерде ұрлығы бар,…