Көктем тақырыбындағы балабақшаға арналған ашық сабақ жоспары

Триз-дің мақсаты: Тек қана балалардың қиялын ғана емес, сонымен қатар шынайылықты түсініп жүйелі ойлауға, өзін-өзі тануға, қоршаған ортаның қиындығын байқауға және де өздерінің шағын қиындықтарын шешуге баулу болып табылады.

Тризшылардың ұраны – «Барлығын айтуға болады!». Әрі қарай Триз технологиясын қолдану арқылы шығармашылық саласы бейнелеу оқу қызметін ұсынамыз.

Білім беру саласы: Шығармашылық, Қатынас.

Бөлімдері: Сурет.

Тақырыбы: Көктем.

Мақсаты:

Білімділік: Дәстүрлі емес әдіспен таныстыруды жалғастыру. Осы техникамен жұмыс істеуді үйрету.

Дамытушылық: суретті аяқтап салуда өнерліктерін, қиялдарын дамыту.

Тәрбиелілік: ұқыптылыққа тәрбиелеу.

Сөздік жұмыс: көктем.

Шаттық шеңбері:

Көктем келді еліме

Көктем келді жеріме.

Байлық, бақыт тілеймін

Бүкіл қазақ еліне!

Балалар, бүгін бізсіздермен естен кетпес саяхатқа аттанамыз, ол ел таңғажайып, ол елді көктем деп атайды. Бірақ, біз саяхатқа аттанбастан бұрын көктем мезгілі туралы еске түсірейік. Қанекей сіздермен көктем туралы видеоролик көрейік.Балалармен көктем өзгерістері туралы сұрақ-жауап жүргізу.

Тәрбиеші:

-Енді балалар, көзімізді жұмып көктем еліне аттанайық.

Көкте самғап ұшамыз

Біз аттанып барамыз

Қане көзді ашайық

Көктемді бір шарлайық.

Ал, енді көздеріңді аша қойыңдар. 1 – 2 – 3. Мінекей Көктем еліне де келіп жеттік. Не деген әсем табиғат! Қандай әдемі гүлдер!

Көктем:

-Сәлеметсіңдер ме балалар?

Балалар:

-Сәлеметсіз бе!

Көктем:

-Балалар, мен көңілсізбін. Қатігез қыс кетерінде күн нұрын жауып тастады.

Балалар:

-Қанекей, достар Көктемнің көңіл-күйін көтерейік! Бәріміз күнді бейнелеп берейік. (Балалар күнді бейнелеп көктемге береді).

Балалар: Көктем сіз әлі көңілсізсіз ғой?

Көктем:

-Қалай айтарымды да білмеймін. Айналам сондай әдемі, менде жаңа әдемі түрлі-түсті гүлдер бейнеленген көлектер дайындап қойып едім, бірақ қатігез қыс күнді жауып кеткенімен қоймай көйлегімдегі гүлдерді де қарымен жуып тастады. Міне, қараңыздар. (Көктем көйлектерін көрсетеді).

Балалар:

-Көктем сен көңіліңді түсірме. Біз сізге көмектесеміз.

Балалар алдарында түрлі пішінді гүлдер ойылған печатькалармен, түрлі-түсті гуашь ерітіндісіне басып гүлдер бейнелейді. Әдемі гүлдерді бейнелеп болған соң көйлектерді көктемге тапсырады.

Көктем:

-Сіздерге көп-көп рахмет! Балалар сендер ойын ойнағанды ұнатасыңдар ма?

Балалар:

-Иә.

Көктем: