Көктем туралы мектепке дейінгі балаларға арналған өлең

Көктем

Көктем келді далаға,

Көктем келді қалаға.

Барлық құстар шуласып,

Келеді, әне, шағала.

Көктем келіп жеткенде,

Жадырап бір қаламыз.

Жайма шуақ көктемде,

Билейміз, ән саламыз.

Барлық гүлдер жайнайды,

Әдемі ою-өрнектей.

Құстар шулап, сайрайды,

Дала сәнін көрнектей.

Асыр сап желмен ойнайтын,

Көктемді біз қимаймыз.

Бір тал гүлді жұлып ап,

Анамызға сыйлаймыз.

Көктем келді жайраңдап,

Ала келді гүлдерін.

Қуанышқа толы боп,

Төрлет, төрлет, көктемім!