Көктемгі орманға саяхат ашық оқу қызметі көрнекілігі

Батыс Қазақстан облысы, Ақжайық ауданы Первомай ауылы.

Бітік ОЖББМБ КММ

Тәрбиеші: Рахметуллина Нұрайла Әмірғалиқызы

Білім беру салалары: «Таным», « Қатынас», « Әлеуметтік орта», «Шығармашылық», «Денсаулық».

Тақырыбы: «Көктемгі орманға саяхат»

Мақсаты: Б: Балаларды түстерді атай білуге, үлкен және кішіні айыруға үйрету.Д: Зейінін, сөздік қорын, ұсақ қол моторикасын, есте сақтау қабілетін дамыту.Т: Бір- біріне көмектесуге, ұқыптылыққа тәрбиелеу.Әдіс-тәсілдер: ғажайып сәт, құрастыру, түстерді ажырату, дидактикалық ойын.Алдын- ала жүргізілетін жұмыстар: түстерді, үлкен-кіші ұғымын қайталау. Қажетті көрнекі құралдар: шыршалар, ағаш түбі, үлкен, кішкентай саңырауқұлақтар, түрлі-түсті кубиктер, гүлдер, құстар, дидактикалы ойын құралдары, блоктар.Қостілділік компонент: қоян-заяц, көктем-весна.

Іс – әрекет кезеңдері

Тәрбиешінің іс-әрекеті

Балалардың іс- әрекеті

Себепті қызығушылығын ояту кезеңі

«Шаттық шеңбер!»Алақанды ашайық,Күннің көзін салайық,Таза ауада салайық,Жүрек жылуын салайық,Осы отырған қонақтарғаЖылы лебіз сыйлайық.

-Балалар қазір жылдың қай мезгілі?-Көктем ерекшеліктерін атап беріңдерші?

-Көктем туралы тақпақ білесіңдер ме? Қане айтыңдаршы.

-Балалар сендер орманға барғыларың келе ме? Ендеше сиқырлы шарға отырып орманға барайық. Жоғары көтеріліп келеміз, төмен түсіп келеміз.Орманға барғанша мен сендерге орман ішінде қалай жүру керектігін айтайын. Орманда жүргенде айқайламай жүру керек, жабайы аңдар көп жүреді. Саңырауқұлақтар, жидектер өседі, оларды басуға болмайды. Теректерді сындыруға болмайды. Орманға да келдік. Жайлап түсейік.

-Ой мына жерде қоян отыр ғой!

Шеңберге тұрып шаттық шеңберді қимылмен орындайды.

-Қазір көктем мезгілі.- Көктемде қар ериді, күн жылынады, ағаштарда бүршік атады, құстар қайтып келеді.-Білеміз. Іңкәр: Көктем келді, құс келді,Ойнаймыз біз саз илеп.Біздің көлге түсті енді,Былтыр кеткен қаз-үйрек. Зере: Көктем, көктем, көктемде, Күн күркіреп өткенде. Нұр жаңбырды тосамыз, Оны да әнге қосамыз.Асылхан: Көктем, көктем, көктемде, Құстар келіп жеткенде. Қуанып бір қаламыз, Әнмен қарсы аламыз.

-Әрине барғымыз келеді.Балалар сиқырлы шарға мінеді.Жоғары, төмен шармен қимыл жасайды.

Қауіпсіздік ережелерін тыңдайды.

Жылап отырған қоянға таңданып қарайды.

Ұйымдастырушылық ізденіс кезеңі

Қоян: -Сәламатсыздар ма балалар!

-Сәламатсың ба қоян! Саған не болды, неге жылайсың?

Қоян: - Мен адасып кеттім. Үйге баратын жолды таба алмай жүрмін, маған көмектесіңдерші ?

-Әрине қоян саған көмектесеміз.

- Жолымызда көп тастар жатыр екен оларды алып тастайық. Кәне балалар көмектесіңдер. Мына жерге қызыл тастар, мына жерге сары тастар, мына жерге көк тастар, мына жерге жасыл тастарды жинастырып қояйық. Қоян жолыңнан тастарды алып тастадық.

Қоян: - Балалар сендерге рахмет.