Көктемгі табиғат туралы ашық сабақ мектепке дейінгі балаларға

Жамбыл облысы, Мойынқұм ауданы, Бірлік ауылы «Ақбөпе» балабақша тәрбиешісі Ақылбекова Мереке ТілеуқызыБілім беру саласы: «Таным», «Қатынас».

Оқу қызметі: Сөйлеуді дамыту.

Тақырыбы: «Көктемгі табиғат»

Мақсаты: Білімділігі: балалардың көктемгі табиғат ерекшеліктерімен таныстыру, танып білуге үйрету.

Дамытушылығы: Тақпақтар, тыйым сөздер, мақал – мәтел айтқызып ойын – ойната отырып, сөйлетіп тілдерін дамыту.

Тәрбиелігі: Табиғаттың сұлулығын сезіндіру, оған аянышпен, мейіріммен қарап қамқор болуға тәрбиелеу.

Көрнекілігі: Көктем мезгілінің суреті, көктемнің алғашқы гүлдерінің, көктемде ұшып келетін құстардың суреттері.

Билингвальды компонент: Көктем – весна, гүлдер – цветы.Мотивациялық қозғауыш:Шаттық шеңберіКел бәріміз тұрайық,

Шаттық шеңбер құрайық.

Армысың шапғатты күн!

Армысың қайырымды аспан – Ата!

Армысың мейірімді жер – Ана!

Көктемде жаңа тіршілік оянып,

Құт барысын далама.

Сұрақ- жауап:-Қазір қай жылдың мезгілі? (Көктем)-Көктем мезгілінде неше ай бар? (Үш ай бар)-Көктем айларын атап көрейік? (Наурыз, сәуір, мамыр)Ұйымдастырушылық- ізденістік:Жұмбақ.

Қар еріп, су көбейіп, Сай – салаға ағады.

Бүршік шашып, жапырақ ашып,

Гүл бәйшешек басады.

Балаларым айтыңдаршы,

Бұл қай кезде болады?- Көкте мезгілінде.-Дұрыс балалар мына суретте

«Көктем» бейнесі қар еріп, күн жерді қыздырып жылу келеді. Сол жылулықтан бүкіл табиғат ояна бастайды. Мына талға қараңдар бұл алма ағашы қандай әдемі гүл салған, құлпырып тұр. Осы көктемгі алма ағашы туралы кім тақпақ айтады.Көктем келіп, күн жылынып,

Алма ағашы гүлдейді.

Енді азырақ күте тұрсақ,

Алмаларын береді.-Енді суретке назар салайықшы, қар кетіп, жасыл шөптер бой көтеріп, гүлдер көрінеді. Көктемгі гүлдер атауларын білесіңдер ме?-Бәйшешек, қызғалдақ, сарғалдақ, бақбақ, нарқыз, түймедақ.-Осы көктем гүлдер туралы да біздің балалар тақпақ айта алады.1. Бәйшешектен білеміз,

Көктем келіп қалғанын.

Мәз боламыз, күлеміз,

Көрсек гүлін жарған.

2. Қырға барып көктемде,

Қызғалдақты көп көрдік.

Сары қызыл көйлегі,

Әдемі екен өздері.

-Ал суреттен аспан бейнесіне қарасақ күзде бізден жылы жаққа ұшып кеткен құстар, ауылымызды сағынып көктем келгенін біліп қайта ұшып келеді.

Балалар күзде жылы жаққа қандай құстар ұшып кетті?