Көлем өлшемдері туралы ашық сабақ ересек топқа

Ашық сабақ

Білім беру саласы: Таным

Бөлімі: ҚМҰҚ

Тақырыбы: «Профессор Білгіштің зертханасында»

Мақсаты: Көлем өлшемдері туралы түсініктерін кеңейту.

Міндеттері: Балаларды шартты өлшемдерді қолдана отырып, тармақтарды және әртүрлі заттарды өлшеуге және оларды салыстыруға үйрету. Тәжірибе мен эксперименттерді өткізу арқылы берілген міндеттерді өздігінен шешім табуға үйрету. Анализ жасауға, шешім қабылдауға үйрету; өзара қарым-қатынас заңдылықтарын орнату. Көлемдерді заттың қасиеті ретінде қарастыруға үйрету. Ойлап табу, салыстыру, бір сөзбен атау, көз мөлшерлерін, ой-өрістерін және сөйлеу дағдыларын дамыту. Математиканы ғылым ретінде қарастыруға қызығушылықтарын ояту.

Сөздік: қарыс, шынтақ, өлшем

Билингвалды құрауыш: көлем – volume; өлшем – measure; ұзындық – lenght.

Көрнекіліктері: жіптер, түрлі – түсті таспалар, қайшы, жай қарындаштар, фломастерлер, теледидар. Шартты өлшем, үстелдің ұзындығы мен енін өлшеуге арналған карточкалар. Мескедегі бұршақ, стакандар, мензуркалар, кішкентай қасықтар, көлемді өлшеуге арналған карточкалар. «Ойлайтын қалпақ»

Сабақ барысы

1. Психологиялық дайындық «Шаттық шеңбер»

Шеңбер болып тұрамыз

Алақанды ашамыз.

Күннің нұрын салайық

Таза ауаны жұтайық

Жүректің жылы шуағын

Қонақтарға шашайық!

2. – Балалар, сендер профессор Білгіштің зертханасына барғыларың келеді ме?

- Қалай ойлайсыңдар, зертхана деген не? Онда кім жұмыс істейді? (балалардың жауаптары) Оны біз қазір зертханаға барғасын білеміз.

- Білгіштіңзертханасына тезірек жету үшін біз қандай жолмен өту керекпіз? (қысқа жолмен)

Тәрбиеші балалардың зейіндерін таспалардан жасалған, едендегі жолдарға назарларын аудартады – ирек, түзу және сынық.

- Балалар, біздің алдымызда үш жол бар екен. Ол жолдарды біз қалай өлшей аламыз? Олардың қайсысы қысқа? (балалар ойлайды)

Ұзындықты өлшеу реті:

- өлшемнің шетін белгілеу;

- өлшем толық жайылғаннан кейін, жіпті кесу;

- алынған нәтижені салыстыру.

(Балалар жіпті жайу арқылы жолдардың ұзындығын өлшейді де, салыстырады. Соңында барлық жолдардың ұзындығы бірдей болып шығады)

- Балалар, біз қандай нәтижеге келдік? Сонымен, қандай жолмен барамыз? (балалар өздеріне ұнаған жолды таңдайды)

3. Міне балалар, біз зертханаға келдік. (балалардың назарларын теледидарға аударту) Балалар, мұнда теледидар бар екен, оны қыстырып көрейікші... (теледидарды қосу)

Білгіш теледидардан балаларды қарсы алады:

- Сәлеметсіңдер ме, балалар! Сендер жаңа және қызықты білім алғыларың келеді ме?

- Балалар біз бүгін профессор Білгіштің зертханасында көптеген қызықты тапсырмаларды орындаймыз. Бірінші тапсырманы тыңдаңдар, сендер дене шынықтыру сабақтарында сапқа бойдың ұзындығы бойынша тұрасыңдар. Ал қазір біз шаштарымыздың ұзындығы бойынша сапқа тұрамыз.Ең ұзын шаштан бастап, ең қысқы шашқа дейін.

- Балалар, ағылшын тілде «ұзындық» сөзі – «lenght» деп аударылады.

Балалар шаштың ұзындығы бойынша сапқа тұрады.

Білгіш теледидардан сөйлейді:

- Жарайсыңдар балалар! Тапсырманы жақсы орындадыңдар. Енді екінші тапсырманы мұқият тыңдаңдар. Тіктөртбұрышты үстелдердің ұзындығы мен енін өлшеп алу керек.

Тәрбиеші:- Балалар, қазір біз «Өз бұрышыңды тап» деген ойын ойнаймыз. Мен сендерге екі балаға бір-бір карточкалардан таратамын, ал сендер үстелдердің жиегіндегі түстер бойынша тұрасыңдар.

Балалар өз орындарын тауып, үстелдің қасына тұрады.

- Балалар, үстелдің ұзындығы мен енін өлшем заттарсыз қалай өлшеуге болады?