Компьютердегі деректерді қорғау сабақ жоспары 5 сыныпқа

Қазақстан ұстазы журналына 2018 жылына енгізілсе

Мектебі: Еңбекшіқазақ аудандық білім бөлімінің «Т.Кенжебаев атындағы орта мектебі» коммуналдық мемлекеттік мекемесі

Информатика пәнінің мұғалімі: Саткужаева Шара Турдыевна

Сыныбы: 5

Сабақ тақырыбы: Компьютердегі деректерді қалай қорғауға болады?

Сабақ мақсаты: Құжатқа құпиясөз орнату, ортақ қолжетімді файлдарды орналастыру, өзгерту, жүктеу.

Сабақ нәтижесі: Құжатқа құпия сөз орнату, алып тастау әдістерін үйренеді, файлдарды өзгертеді, жүктей алады.

Құндылықтарға баулу: Жеке және жұптық жұмыс істеу дағдысын қалыптастыру. Мәдени қарым-қатынас жасау және өзгенің көзқарасына құрметпен қарау.

Ұйымдастыру кезеңі: Оқушылар шеңбер бойымен тұрады. Келесі оқушыға жылы лебізін білдіреді, ал ол келесі оқушыға алдыңғыны қайталамай өз тілегін білдіреді.

Сабақ барысы: 1. Үй тапсырмасы «Гүл лақтыру» әдісі арқылы пысықталады. Гүл лақтырған оқушы қатарда тұрған оқушылардың қатарына барып тұрады. Ал тосып алған оқушы сабақты айтады, сосын гүлді қатарда тұрғандарға қарай лақтырады да, орнына барып отырады. Әдіс осылай жалғасады. Бір берілген сұрақ екінші рет қайталанбайды.

2. «Интернеттегі қауіпсіздік» туралы бейнеролик көрсету.

3. Құпия сөзді қалай орнату керектігін көрсетемін.

4. Оқушыларға 1-тапсырма /жұптық жұмыс/

Оқулыққа қарап, құжатқа және компьютерге құпия сөз орнатудың себебін түсіндіріңіз.

Дескриптор: Білім алушы

- құжатқа құпия сөз орнатудың себебін жазады;

2-тапсырма /жеке жұмыс/

Берілген тапсырмадағы суретке қарап құжатқа құпия сөз орнату ретін көрсетіңіз.

Дескриптор: Білім алушы

- құжатқа құпия сөз орнату әрекеттерінің ретін дұрыс жазады

3-тапсырма /жеке компьютерде жұмыс/

Берілген мәтінді компьютерге көшіріп жазып, файлдың атын жазып, сақтап, құжатқа құпия сөз орнату командаларын компьютерде орындаңыз.

Дескриптор: Білім алушы

- Компьютерде жеке жұмыс жасай біледі

- Құпия сөз орнату қадамдарын біледі және компьютерде орындай алады.

Сабақ барысында оқушының іс-әрекетін, белсенділігін ескере отырып, әрқайсысына өзіне лайық қалыптастырушы бағалауды қолданамын.

Сабақ соңында «Бес саусақ» рефлексивтік нысана арқылы оқушы алған білімінің, белсенділігінің деңгейін өзі бағалайды.

«Бес саусақ» тәсілі арқылы рефлексия жасау.

Бас бармақ – басты мәселе. Бүгін сабақта ең құнды мәселе қандай болды?

Балалы үйрек – бірлесу. Мен жұпта қалай жұмыс жасадым?