Компьютердің пайдасы мен зияны 5 сынып сабақ жоспары

Ақтөбе облысы, Қандыағаш қалалық № 2 ЖББОМ

Қазақ тілі 5 сынып

Ақтөбе облысы, Қандыағаш қалалық № 2 ЖББОМ

Мұғалім: Мукушева Гулшат Бактыгалиевна

Тақырыбы

Компьютердің пайдасы мен зияны

Мұғалім: Мукушева Гулшат Бактыгалиевна

Сілтемел

Күнтізбелік жоспар, оқу оқулық, қосымша материалдар

Мақсаттары:

Қазақ тіліндегі нақты хабарламалар арқылы оқушыларға компьютердің пайдасы мен зияны туралы түсінік беру.Оқылым, тыңдалым, айтылым, жазылым әрекеттерін жүйелі түрде қолданып,тілдесім әрекетіне жетелеу.

Оқушылардың тапқырлық, ізденімпаздық қасиеттерін қалыптастыру, сөздік қорларын дамыту, өз ойын еркін жеткізе білуге дағдыландыру;

Тілдік қатынас барысында оқушыларға рухани-мәдени тәрбие беру.

күтілетін

нәтижелер:

Компьютердің пайдасы мен зияны тақырыбы төңірегінде сөйлей білу. Тақырып бойынша сөздерді, сөз тіркестерін сөйлемде қолдана білу. Бір-бірін оқу үрдісіне қатыстырып, табысты оқуға жетелеу.

Оқыту әдістері:

Әңгімелеу, сипаттау, түсіндіру, сұрақ- жауап «жүректен жүрекке» тренингі, «INSERT» әдісі, постер қорғау, «бес жолды тұжырым» әдісі, «Еттартқыш, қоқыс, чемодан»

СТО стратегиялары

Мұғалімнің іс -әрекеттері

Оқушының іс-әрекеттері

«Жүректен жүрекке»

Оқушыларды сабаққа ынталандыру, жағымды психологиялық ахуал тудыру мақсатында «жүректен жүрекке» тренингін өткізеді.

Оқушыларға компьютер суреті бар пішіндер таратылады.

«Жүректен жүрекке» тренингі арқылы оқушылар бір-біріне тілек айтады. (Үздік оқушы бол! Ақылды бол! Дарынды бол!) оқушылар

Оқушылар пішіндерді құрастырып, пішіндердің суреті бойынша екі топқа бөлінеді

«Ой шақыру»

Мұғалім белсенді тақтадан компьютердегі слайдқа назарларын аударып, сипаттап берулерін сұрайды.

Сабақтың тақырыбы: Компьютердің пайдасы мен зияны.

Мәтіналды жұмыс:

1.Сөздікпен жұмыс

Белсенді тақтадан тақырыпқа қатысты жаңа сөздермен ,тіркестермен таныстырады, оқушылар қайталайды.

Мәтінмен жұмыс Компьютердің пайдасы мен зияны

Жаһанданудың нәтижесінде, компьютер және басқа электронды құралдар адам өмірінің айнымас бөлігіне айналды. Мысалы, компьютерлер жұмыс барысында, оқуда және ойын-сауық үшін қажетті. Алайда, бұл құрылғының пайдалы жақтарымен қатар, зияны да бар.

Компьютер біздің өмірімізді жеңілдетеді. Алыс-жақында тұратын туыстармен лезде сөйлесуге болады. Зеріккенде кино көріп, ойын ойнауға да мүмкіндік етеді. Ал зиянына келетін болсақ, ол адамның көзін зақымдап, ұйқыдан айырады. Әсіресе, түнде компьютерді көп қолданатын адамдардың күн тәртібі бұзылады.

Компьютерді әр адам өзінің денсаулығына және күнделікті қажеттілігіне қарай пайдалану керек.

Оқулықпен жұмыс

Мәтінді оқиды.

Мәтін мазмұны бойынша бірнеше сұрақтарға жауап алады.

Топтық жұмыс

1-топқа: Мәтін құрастырады.

2-топқа: Негізгі тақырыпқа 3-4 сөйлем.

3-топқа: Қарамен жазылған сөздермен, сөйлем құрастырады.

Суреттерге шолу жасау арқылы

сабақтың тақырыбын шығарады.

Дәптерлеріне сабақтың тақырыбын жазады.

Тыңдалым, оқылым.Жаңа сөдерді тыңдайды, қайталайды.

Мәтінді тыңдап, «INSERT» әдісі бойынша «v», «+», «?»белгілері арқылы білемін, түсінбеймін, жаңа ақпарат алған жерлерін белгілеп отырады. Белгілеп болған соң бір-бірімен ой бөліседі.

Компьютердің зияны

Ғылым мен техниканың дамыған заманында өз өмірімізді компьютерсіз елестету қиын. Дегенмен, бұл құрылғының пайдасымен қатар зияны де аз емес. Соларды атап өтейік:

- Ең бастысы көп қолданса, денсаулыққа зиян, әсіресе көз бен арқаға көп зиян.

- Тым көп пайдалану компьютер мен ғаламторға тәуелділікке әкеліп соғады.

- Уақытты тиімді пайдаланбай, қалай өтіп кеткенін байқамайсың.

Осындай келеңсіздіктер орын алмауы үшін, компьютерді тек керек кезінде немесе күніне 1 - 1,5 сағаттан аспайтын уақыт қолдану керек деп ойлаймын.

«Мағынаны тану»

Топтарға тапсырма береді.

Екі топ(бірі компьютердің пайдалы жағы, екіншісі зияны жағына постер шығарыды)

Постерлерін қорғау пікірсайыс элементтерін қолдану арқылы өтеді:қай топтың аргументтері көптеу болса, сол топ жеңіп шығады.

Сергіту сәті

Оқушылар тақтаға қарап, жаттығулар жасайды, қайталатады.

Жазылым

Дұрыс сауатты жазуға және мәтін мазмұнын бекіту мақсатында 9 тапсырманы орындатады.

Мәтіндегі қарамен жазылған сөздердің аудармасын дәптерлеріне жазады, кестені толтырады.